ఉత్తరప్రదేశ్ క్రికెట్ జట్టు

ఉత్తరప్రదేశ్ క్రికెట్ జట్టు, ఉత్తర ప్రదేశ్ క్రికెట్ అసోసియేషన్ ఆధ్వర్యంలో ఉత్తరప్రదేశ్ రాష్ట్రంలో ఉన్న దేశీయ క్రికెట్ జట్టు. గతంలో ఈ జట్టును యునైటెడ్ ప్రావిన్సెస్ క్రికెట్ జట్టు అనేవారు. ఈ జట్టు ఫస్ట్-క్లాస్ క్రికెట్ టోర్నమెంట్ రంజీ ట్రోఫీ, పరిమిత ఓవర్ల విజయ్ హజారే ట్రోఫీ, సయ్యద్ ముస్తాక్ అలీ ట్రోఫీల్లో పోటీపడుతుంది. 2005-06లో రంజీ ట్రోఫీని గెలుచుకోవడమే కాక, ఐదు సందర్భాలలో రన్నరప్‌గా నిలిచింది. సురేష్ రైనా, మహ్మద్ కైఫ్, పీయూష్ చావ్లా, ప్రవీణ్ కుమార్, భువనేశ్వర్ కుమార్, కుల్దీప్ యాదవ్, సుదీప్ త్యాగి వంటి క్రికెటర్లు ఉత్తరప్రదేశ్ జట్టు నుండి భారత జట్టు లోకి వెళ్ళారు.

ఉత్తరప్రదేశ్ క్రికెట్ జట్టు

వ్యక్తిగత సమాచారం
కెప్టెన్	కర్ణ్ శర్మ
కోచ్	విజయ్ దహియా
యజమాని	ఉత్తరప్రదేశ్ క్రికెట్ అసోసియేషన్
జట్టు సమాచారం
రంగులు	Blue   White
స్థాపితం	1903
స్వంత మైదానం	BRSABV Ekana Cricket Stadium, Lucknow
సామర్థ్యం	50,000
రెండవ స్వంత మైదానం	గ్రీన్ పార్క్ స్టేడియం, కాన్పూర్, సైఫై ఇంటర్నేషనల్ క్రికెట్ స్టేడియం, సైఫై
రెండవ మైదాన సామర్థ్యం	32,000 43,000
చరిత్ర
రంజీ ట్రోఫీ విజయాలు	1
Vijay Hazare Trophy విజయాలు	1
సయ్యద్ ముస్తాక్ అలీ ట్రోఫీ విజయాలు	1
ఇరానీ కప్ విజయాలు	0
నిస్సార్ ట్రోఫీ విజయాలు	1
అధికార వెబ్ సైట్	UPCA

పోటీ చరిత్ర

ఈ బృందం 1934లో "యునైటెడ్ ప్రావిన్స్" పేరుతో ఏర్పడింది. వారి ప్రారంభ సంవత్సరాల్లో రంజీ ట్రోఫీలో 1939-40లో రన్నరప్‌గా నిలవడం, ఆ ట్రోఫీలో జట్టు అత్యుత్తమ ప్రదర్శన. 1950-51 సీజన్‌లో జట్టు పేరును " ఉత్తరప్రదేశ్ "గా మార్చారు.

రంజీ ట్రోఫీ క్రికెట్‌లో ఉత్తరప్రదేశ్ జట్టు చరిత్ర చాలాకాలం పాటు అంత బలంగా లేదు. రంజీ ట్రోఫీ ఎలైట్ గ్రూప్‌లో వారి ఏకైక విజయం 2005-06 సీజన్‌లో మాత్రమే. ఆ విజయం, రంజీ ట్రోఫీ క్రికెట్ చరిత్రలో అత్యంత అద్భుతమైన పునరాగమనాల్లో ఒకటి. ఎందుకంటే ఆ సీజన్‌లో ఒకానొక సమయంలో ఉత్తరప్రదేశ్ పతనం అంచున ఉంది.

వారు అంతకు ముందు రెండుసార్లు రన్నరప్‌గా నిలిచారు, 1997-98లో ఒకసారి బలమైన కర్ణాటక జట్టుపై, ఒకసారి 1977-78లో మహ్మద్ షాహిద్ కెప్టెన్సీలో అదే జట్టుపై ఫైనల్లో ఓడిపోయారు. 2007-08 సీజన్‌లో జట్టు రన్నరప్‌గా నిలిచింది. 2005-06 సీజన్‌లో చీఊపిన ప్రదర్శన మాదిరిగానే, వారు ఛాంపియన్‌షిప్‌ను గెలవడానికి బహిష్కరణ అంచు నుండి పుంజుకుంది. అయితే ఈసారి ఫైనల్‌లో ఢిల్లీ చేతిలో ఓడిపోయింది.

సీజన్‌లో అత్యధిక పరుగులు చేసిన వారిలో 3వ స్థానంలో నిలిచిన వారి కెప్టెన్, మీడియం పేసర్ సుదీప్ త్యాగి, సీజన్‌లో 2వ అత్యధిక వికెట్లు తీసిన ఆటగాడు. రంజీ ట్రోఫీ ఫైనల్‌లో 8 వికెట్లు తీసిన ప్రవీణ్ కుమార్ ఈ సీజన్‌లో అద్భుతమైన ప్రదర్శనలు ఇచ్చారు.

విజయ్ హజారే ట్రోఫీలో వారి అత్యుత్తమ ప్రదర్శన 2004–05లో తమిళనాడుతో ఉమ్మడి విజేతగా నిలవడం. 2006 లో వారు ధర్మశాలలో సియాల్‌కోట్ క్రికెట్ జట్టును ఓడించి నిస్సార్ ట్రోఫీని గెలుచుకున్నారు. ఇరానీ ట్రోఫీలో వారి ఏకైక ప్రదర్శన 2006-07 సీజన్‌లో జరిగింది, దీనిలో వారు రెస్ట్ ఆఫ్ ఇండియా జట్టుతో ఓడిపోయారు.

రంజీ ట్రోఫీలో అత్యుత్తమ ప్రదర్శన (ఫైనల్)

సంవత్సరం	స్థానం
2008–09	ద్వితియ విజేత
2007–08	ద్వితియ విజేత
2005–06	విజేత
1997–98	ద్వితియ విజేత
1977–78	ద్వితియ విజేత
1939–40	ద్వితియ విజేత

విజయ్ హజారే ట్రోఫీలో అత్యుత్తమ ప్రదర్శన (ఫైనల్)

సంవత్సరం	స్థానం
2020–21	ద్వితియ విజేత
2004–05	విజేత

ప్రముఖ ఆటగాళ్లు

భారతదేశం తరపున టెస్ట్ క్రికెట్ ఆడిన ఉత్తరప్రదేశ్ ఆటగాళ్ళు. బ్రాకెట్లలో తొలి మ్యాచ్ ఆడిన సంవత్సరం:

• గోపాల్ శర్మ (1985)
• మహ్మద్ కైఫ్ (2000)
• నిఖిల్ చోప్రా (2000)
• రుద్ర ప్రతాప్ సింగ్ (2006)
• పీయూష్ చావ్లా (2006)
• సురేష్ రైనా (2010)
• ప్రవీణ్ కుమార్ (2011)
• భువనేశ్వర్ కుమార్ (2013)
• కుల్దీప్ యాదవ్ (2017)

భారతదేశం కోసం వన్‌డే ఆడిన (కానీ టెస్ట్ క్రికెట్ ఆడని) ఉత్తర ప్రదేశ్ ఆటగాళ్ళు. బ్రాకెట్లలో తొలి మ్యాచ్ ఆడిన సంవత్సరం:

• రుద్ర ప్రతాప్ సింగ్ (1986)
• జ్ఞానేంద్ర పాండే (1999)
• సుదీప్ త్యాగి (2009)

భారతదేశం కోసం T20I ఆడిన (కానీ టెస్ట్ లేదా వన్‌డేలు ఆడని) ఉత్తరప్రదేశ్ ఆటగాళ్ళు. బ్రాకెట్లలో తొలి మ్యాచ్ ఆడిన సంవత్సరం:

• శివం మావి (2023)

ప్రస్తుత స్క్వాడ్

అంతర్జాతీయ మ్యాచ్‌లు ఆదిన ఆటగాళ్ల పేర్లను బొద్దుగా చూపించాం.

పేరు	పుట్టినరోజు	బ్యాటింగు శైలి	బౌలింగు శైలి	గమనికలు
బ్యాటర్లు
రింకూ సింగ్	(1997-10-12) 1997 అక్టోబరు 12	ఎడమచేతి వాటం	కుడిచేతి ఆఫ్ బ్రేక్	Plays for Kolkata Knight Riders in IPL
అక్షదీప్ నాథ్	(1993-05-10) 1993 మే 10	కుడిచేతి వాటం	కుడిచేతి మీడియం ఫాస్ట్	Vice-Captain
ప్రియమ్ గార్గ్	(2000-11-30) 2000 నవంబరు 30	కుడిచేతి వాటం	కుడిచేతి మీడియం	Plays for Delhi Capitals in IPL
మాధవ్ కౌశిక్	(1998-01-03) 1998 జనవరి 3	కుడిచేతి వాటం	కుడిచేతి ఆఫ్ బ్రేక్
సమీర్ చౌదరి	(1999-12-19) 1999 డిసెంబరు 19	కుడిచేతి వాటం	కుడిచేతి ఆఫ్ బ్రేక్
దివ్యాన్ష్ జోషి	(2001-09-24) 2001 సెప్టెంబరు 24	కుడిచేతి వాటం	కుడిచేతి మీడియం
అభిషేక్ గోస్వామి	(1997-11-06) 1997 నవంబరు 6	కుడిచేతి వాటం	కుడిచేతి ఆఫ్ బ్రేక్
సమీర్ రిజ్వీ	(2003-12-06) 2003 డిసెంబరు 6	కుడిచేతి వాటం	కుడిచేతి ఆఫ్ బ్రేక్
ఆల్ రౌండర్లు
కరణ్ శర్మ	(1998-10-31) 1998 అక్టోబరు 31	కుడిచేతి వాటం	కుడిచేతి ఆఫ్ బ్రేక్	Captain Plays for Lucknow Super Giants in IPL
వికెట్ ల్కీపర్లు
ఆర్యన్ జూయాల్	(2001-11-11) 2001 నవంబరు 11	కుడిచేతి వాటం
ధ్రువ్ జూరెల్	(2001-01-21) 2001 జనవరి 21	కుడిచేతి వాటం		Plays for Rajasthan Royals in IPL
స్పిన్ బౌలర్లు
సౌరభ్ కుమార్	(1993-05-01) 1993 మే 1	ఎడమచేతి వాటం	ఎడమచేతి స్లో ఆర్థడాక్స్
శివం శర్మ	(1995-11-14) 1995 నవంబరు 14	కుడిచేతి వాటం	ఎడమచేతి స్లో ఆర్థడాక్స్
శివ సింగ్	(1999-10-16) 1999 అక్టోబరు 16	కుడిచేతి వాటం	ఎడమచేతి స్లో ఆర్థడాక్స్
కుల్దీప్ యాదవ్	(1994-12-14) 1994 డిసెంబరు 14	ఎడమచేతి వాటం	Slow left-arm unorthodox	Plays for Delhi Capitals in IPL
పేస్ బౌలర్లు
శివం మావి	(1998-11-26) 1998 నవంబరు 26	కుడిచేతి వాటం	కుడిచేతి ఫాస్ట్ మీడియం	Plays for Gujarat Titans in IPL
అంకిత్ రాజ్‌పూత్	(1993-12-04) 1993 డిసెంబరు 4	కుడిచేతి వాటం	కుడిచేతి మీడియం ఫాస్ట్
యువరాజు యాదవ్	(1998-01-02) 1998 జనవరి 2	కుడిచేతి వాటం	కుడిచేతి మీడియం
ఆకిబ్ ఖాన్	(2003-12-25) 2003 డిసెంబరు 25	కుడిచేతి వాటం	కుడిచేతి మీడియం
కార్తీక్ త్యాగి	(2000-11-08) 2000 నవంబరు 8	కుడిచేతి వాటం	కుడిచేతి ఫాస్ట్	Plays for Sunrisers Hyderabad in IPL
కార్తికేయ జైస్వాల్	(1997-11-28) 1997 నవంబరు 28	కుడిచేతి వాటం	కుడిచేతి మీడియం
యశ్ దయాళ్	(1997-12-13) 1997 డిసెంబరు 13	కుడిచేతి వాటం	ఎడమచేతి మీడియం ఫాస్ట్	Plays for Gujarat Titans in IPL

కోచింగ్ సిబ్బంది

• ప్రధాన కోచ్: విజయ్ దహియా
• అసిస్టెంట్ కోచ్: విక్రమ్‌జీత్ మాలిక్
• శిక్షకుడు: రషీద్ జిరాక్
• ఫిజియో: జీషన్ రైస్
• మేనేజర్: దీపన్నకర్ మాళవ్య
• వీడియో విశ్లేషకుడు : సుబ్బారావు
• ఫీల్డింగ్ కోచ్ : మూసీ రజా

ఇవి కూడా చూడండి

• ఢిల్లీ క్రికెట్ జట్టు
• కేరళ క్రికెట్ జట్టు