మజులి జిల్లా
మజులి జిల్లా,[1] అసోం రాష్ట్ర్రంలోని జిల్లా. దీని ముఖ్య పట్టణం గారమూర్. ఈశాన్య అస్సాంలోని బ్రహ్మపుత్రా నదిపై ఉన్న ఈ ప్రాంతం ప్రపంచంలోనే అతిపెద్ద నది ద్వీపం[2] కాగా, దేశంలోని మొదటి ద్వీప జిల్లా.[3]
మజులి జిల్లా | |
|---|---|
అసోం రాష్ట్ర జిల్లా | |
 జూలైలో చిత్తడి నేల | |
.svg) అస్సాంలోని ప్రదేశం ఉనికి | |
| Coordinates: 26°57′0″N 94°10′0″E / 26.95000°N 94.16667°E | |
| దేశం |  భారతదేశం |
| రాష్ట్రం | అసోం |
| డివిజన్ | ఎగువ అసోం |
| జిల్లా ఏర్పాటు | 2016 జూన్ 27 |
| ముఖ్య పట్టణం | గారమూర్ |
| Government | |
| • డిప్యూటి కమీషనర్ | బికారాం కైరీ |
| విస్తీర్ణం | |
| • మొత్తం | 880 కి.మీ2 (340 చ. మై) |
| జనాభా | |
| • మొత్తం | 1,57,304 |
| భాషలు | |
| • అధికారిక | అస్సామీ |
| Time zone | UTC+05:30 (భారత కాలమానం) |
| Vehicle registration | ఏఎస్-29 |
ఏర్పాటు
మార్చు2016, జూన్ 27న సర్బానంద సోనోవాల్ ఈ జిల్లాను ప్రకటించాడు. జోర్హాట్ ఉత్తర భాగాలతో మజులిని ఏర్పాటుచేసిన తరువాత అస్సాం రాష్ట్ర జిల్లాల సంఖ్య 33కి చేరుకుంది.[4]
విస్తీర్ణం - జనాభా
మార్చుమజులి జిల్లా విస్తీర్ణం 880 చ.కి.మీ. (340 చ.మై.) కాగా, జిల్లాలో 1,57,304 జనాభా ఉంది.
ఆర్థిక వ్యవస్థ
మార్చుఇక్కడ ప్రజల ప్రధాన వృత్తి వ్యవసాయం కాగా, వరి ప్రధాన పంటగా ఉంది. మజులిలో విభిన్నమైన వ్యవసాయ సంప్రదాయం ఉంది, పురుగుమందులు, కృత్రిమ ఎరువులు లేకుండా ఇక్కడ 100 రకాల వరిని పండిస్తారు.
గ్రామీణ ప్రాంత జనాభాలో చేనేత ప్రధాన వృత్తిగా ఉంది. ఇది వాణిజ్యేతర వృత్తి అయినప్పటికీ, చాలామంది ఈ వృత్తిపై ఆధారపడి జీవిస్తున్నారు. పత్తి, పట్టు, ముఖ్యంగా ముగా పట్టుకు వివిధ రంగులు అద్ది, అల్లికలను ఉపయోగించి బట్టలను నేస్తారు.
ఇక్కడ పండించే కోమల్ సాల్ వరి ప్రత్యేకమైనది. ధాన్యాలను వెచ్చని నీటిలో 15 నిమిషాలు నానబెట్టి తినవచ్చు. చాలామంది వీటిని అల్పాహారం ధాన్యంగా తింటారు. చేపలు పట్టడం, పాడిపరిశ్రమ, కుండలు, చేనేత, పడవ తయారీ ఇతర ముఖ్యమైన వృత్తులు.[5]
రాజకీయాలు
మార్చుమజులి శాసనసభ నియోజకవర్గం అస్సాంలోని అసెంబ్లీలోని 99వ నియోజకవర్గం. ఇది షెడ్యూల్డ్ తెగలకు (ఎస్టీ) కేటాయించినన సీటు. లఖింపూర్ లోక్‌సభ నియోజకవర్గ పరిధిలోని 9 అసెంబ్లీ నియోజకవర్గాలలో మజులి ఒకటి.
మూలాలు
మార్చు- ↑ Official Website
- ↑ "Assam's Majuli to become India's first island district today".
- ↑ "Assam: Majuli becomes 1st river island district of India". Hindustan Times. Guwahati. 27 June 2016. Retrieved 23 December 2020.
- ↑ Majuli to get district status today
- ↑ The Only Govt Jobs updates website open from Majuli Archived 2017-05-01 at the Wayback Machine
వెలుపలి లంకెలు
మార్చు- అధికారిక వెబ్‌సైట్ Archived 2020-11-29 at the Wayback Machine