మల్లేశ్వరం (బెంగళూరు)

మల్లేశ్వరం, కర్ణాటక రాష్ట్ర రాజధాని బెంగుళూరు నగరానికి వాయువ్య దిశలో ఉన్న శివారు ప్రాంతం. ఇది బిబిఎంపి జోన్లలో ఒకటి. 1898లో వచ్చిన ప్లేగు వ్యాధి తరువాత ఇది ఒక శివారు ప్రాంతంగా అభివృద్ధి చేయబడింది. చాలామంది నగర కేంద్రం నుండి బయటకు వచ్చారు. కడు మల్లేశ్వర దేవాలయం పేరు మీదుగా ఈ ప్రాంతానికి మల్లేశ్వరం అని పేరు వచ్చింది. బెంగళూరు వరల్డ్ ట్రేడ్ సెంటరు, మంత్రి స్క్వేర్, ఓరియన్ మాల్ వంటి షాపింగ్ మాల్స్, అనేక కార్యాలయాలు ఉన్నాయి.

మల్లేశ్వరం మల్లేశ్వర
సమీపప్రాంతం
మంత్రి సెంట్రల్, మల్లేశ్వర కూరగాయల మార్కెట్, చౌడయ్య మెమోరియల్ హాల్
మల్లేశ్వరం
Coordinates: 13.0031°N 77.5643°E / 13.0031; 77.5643
దేశం	భారతదేశం
రాష్ట్రం	కర్ణాటక
మెట్రోపాలిటన్ ప్రాంతం	బెంగళూరు మెట్రోపాలిటన్ ప్రాంతం బెంగళూరు
భాషలు
• అధికారిక	కన్నడ
Time zone	UTC+5:30 (భారత కాలమానం)
పిన్ కోడ్	560003, 560055

చరిత్ర

మైసూర్ విశ్వవిద్యాలయం మొదటి వైస్-ఛాన్సలర్ హెచ్.వి.నంజుండయ్య అప్పటి శివారు మల్లేశ్వరంను నిర్మించాడు. ఇక్కడ అన్ని వర్గాల ప్రజలు ఉన్నారు. నోబెల్ గ్రహీత సి.వి.రామన్, శాస్త్రవేత్త కృష్ణస్వామి కస్తూరిరంగన్, బ్యాడ్మింటన్ ప్రపంచ ఛాంపియన్ ప్రకాష్ పడుకోనే, అతని కుమార్తె దీపికా పదుకోణే, కర్ణాటక సంగీతకారుడు దొరైస్వామి అయ్యంగార్, నృత్యకారిణి శాంతారావు, సినీ తారలు బి. సరోజా దేవి, రాధిక పండిట్, జగ్గేష్ మొదలైనవారు ఇక్కడ నివసించేవారు.

బెంగళూరు సెంట్రల్ టిఫిన్ రూమ్ (1920), జనతా హోటల్, న్యూ కృష్ణ భవన్, వీణ స్టోర్స్ వంటివి వారసత్వ కేంద్రాలు ఇక్కడ ఉన్నాయి.

ప్రదేశం

ఇది నగర వాయువ్య భాగంలో ఉంది. ఇక్కడికి సమీపంలో యశ్వంత్‌పూర్, రాజాజినగర్, సదాశివ్‌నగర్, శేషాద్రిపురం, కెంపెగౌడ బస్ టెర్మినస్ ఉంది. సంపిగే రోడ్ లో మల్లేశ్వరం మెట్రో స్టేషను ఉంది.

ముఖ్యమైన ప్రదేశాలు

• జామియా మసీదు
• కాడు మల్లేశ్వర దేవాలయం
• శ్రీ గంగమ్మ దేవి దేవాలయం
• శ్రీ లక్ష్మీ నరసింహ స్వామి దేవాలయం
• శ్రీ కన్యాకపరమేశ్వరి దేవాలయం
• శ్రీ దక్షిణాముఖ నంది తీర్థ కళ్యాణి క్షేత్రం
• శ్రీ వేణుగోపాల స్వామి దేవాలయం
• సాంకే ట్యాంక్
• ఎంఈఎస్ పియు కాలేజ్ ఆఫ్ ఆర్ట్స్, కామర్స్ అండ్ సైన్స్
• మంత్రి స్క్వేర్