శాంతారావు (నృత్యకారిణి)

శాంతారావు (1930 - డిసెంబరు 28, 2007) భారతదేశానికి చెందిన నృత్యకారిణి. ఆమె భరతనాట్యం, కథాకళి, కూచిపూడి నృత్యాలలో ప్రావీణ్యం సంపాదించింది.

శాంతారావు
జననం	శాంతారావు 1930 మంగళూరు, కర్ణాటక, భారతదేశం
మరణం	డిసెంబరు 28, 2007 మల్లేశ్వరం, కర్ణాటక
వృత్తి	నృత్యకారిణి

జననం

శాంతారావు, 1930లో మంగళూరులో జన్మించింది. ముంబై, బెంగుళూరులో నివసించింది.

నృత్యరంగం

రావున్ని మీనన్ దగ్గర కథాకళి, పానిక్కర్ దగ్గర మోహినియట్టం నేర్చుకుంది. 1940లలో శ్రీలంక వెళ్లి గుణయా వద్ద కండియన్ నృత్యాలు కూడా నేర్చుకుంది. శాంతా అనేక నృత్య రూపాలను నేర్చుకున్నప్పటికీ, చివరికి ఆమె భరతనాట్యాన్ని ఎంచుకుంది, భరతనాట్యం నేర్చుకోవడానికి పాండనల్లూరుకు వెళ్లి, గురు మీనాక్షి సుందరం పిళ్ళై ఇంటి వద్ద భరతనాట్యంలో శిక్షణ పొందింది. 1943లో ఎగ్మోర్ లోని మద్రాస్ మ్యూజియం థియేటర్ లో తొలి ప్రదర్శన ఇచ్చి, ప్రశంసలు అందుకుంది.

పురస్కారాలు

1971లో భారతదేశం ప్రభుత్వం నుండి పద్మశ్రీ పురస్కారం అందుకున్నది. సంగీతం, నృత్యం, నాటకం అభివృద్ధికోసం భారత ప్రభుత్వం ఏర్పాటుచేసిన కేంద్ర సంగీత నాటక అకాడమీ నుండి 1970లో సంగీత నాటక అకాడమీ అవార్డు అందుకున్నది. 1993-94లలో మధ్యప్రదేశ్ ప్రభుత్వం నుండి శాస్త్రీయ నృత్యం విభాగంలో కాళిదాస్ సమ్మాన్ పురస్కారం అందుకుంది.

మరణం

శాంతారావు 2007, డిసెంబరు 28న బెంగళూరు సమీపంలోని మల్లేశ్వరంలో తన స్వగృహంలో మరణించింది.

ఉపయుక్త గ్రంథాలు

• Sunil Janah; Ashoke Chatterjee (1979). Dances of the Golden Hall: Photographs of the Indian classical dancer Shanta Rao. Indian Council for Cultural Relations.