మా అబ్బాయి

కుమార్ వట్టి దర్శకత్వంలో 2017లో విడుదలైన తెలుగు చలనచిత్రం

మా అబ్బాయి 2017, మార్చి 17న విడుదలైన తెలుగు చలనచిత్రం.[1][2] వెన్నెల క్రియేషన్స్ పతాకంపై బలగ ప్రకాష్ రావు, కుమార్ వట్టి నిర్మాణ సారథ్యంలో కుమార్ వట్టి దర్శకత్వం వహించిన ఈ చిత్రంలో శ్రీవిష్ణు, చిత్ర శుక్ల ప్రధానపాత్రల్లో నటించగా, సురేష్ బొబ్బిలి సంగీతం అందించాడు.

మా అబ్బాయి
Maa Abbayi Movie Poster.jpg
మా అబ్బాయి సినిమా పోస్టర్
దర్శకత్వంకుమార్ వట్టి
నిర్మాతబలగ ప్రకాష్ రావు
కుమార్ వట్టి
నటులుశ్రీవిష్ణు, చిత్ర శుక్ల
సంగీతంసురేష్ బొబ్బిలి
ఛాయాగ్రహణంతమశ్యామ్
కూర్పుమార్తాండ్ కె. వెంకటేష్
నిర్మాణ సంస్థ
వెన్నెల క్రియేషన్స్
విడుదల
17 మార్చి 2017 (2017-03-17)
నిడివి
145 నిముషాలు
దేశంభారతదేశం
భాషతెలుగు

కథా నేపథ్యంసవరించు

అబ్బాయి (శ్రీ విష్ణు) సాప్ట్‌వేర్ ఇంజనీర్. తన పక్కింట్లో ఉన్న అమ్మడు (చిత్ర శుక్ల)తో ప్రేమలో పడతాడు. ఒకరోజు అబ్బాయి తన కుటుంబ సభ్యులతో సాయిబాబ గుడికి వెళ్ళి బయటికి రాగానే బాంబు పేలుడుతో తన తండ్రి, తల్లి, చెల్లి చనిపోతారు. అబ్బాయ్ తన కుటుంబ సభ్యుల మరణానికి ప్రతీకారం తీర్చుకోవాలనుకుంటాడు. అబ్బాయి, అమ్మడు వివాహం చేసుకోవాలని నిర్ణయించుకుంటారు. తరువాత అతను తన హ్యాకింగ్ స్కిల్‌తో ఉగ్రవాదులను గుర్తించి, వాళ్ళని అంతంచేస్తానని సవాలు చేస్తాడు. చివరకు అబ్బాయ్ పబ్లిక్‌లోని అన్ని ఉగ్రవాద బృందాల గురించి ప్రపంచానికి తెలియజేపి, హైదరాబాద్‌లో మళ్లీ పేలుళ్లు జరిపేందుకు ప్లాన్ వేసి, అతని కుటుంబం చనిపోయిన ప్రదేశంలోనే వారిని చంపుతాడు.[3]

నటవర్గంసవరించు

సాంకేతికవర్గంసవరించు

  • దర్శకత్వం: కుమార్ వట్టి
  • నిర్మాత: బలగ ప్రకాష్ రావు, కుమార్ వట్టి
  • సంగీతం: సురేష్ బొబ్బిలి
  • ఛాయాగ్రహణం: థమశ్యామ్
  • కూర్పు: మార్తాండ్ కె. వెంకటేష్
  • విఎఫెక్స్: ప్రదీప్ పూడి
  • పబ్లిసిటి డిజైన్: ధని ఏలే
  • నిర్మాణ సంస్థ: వెన్నెల క్రియేషన్స్

నిర్మాణంసవరించు

కుమార్ వట్టికి దర్శకుడిగా ఇది తొలిచిత్రం. ఎడిటర్ మార్తాండ్ కె. వెంకటేష్ దగ్గర ఎడిటర్ గా పనిచేశాడు.[2] 2011లో సోలో సినిమా చిత్రీకరణ సమయంలో తన దర్శకత్వంలో వచ్చే మొదటి సినిమాలో ప్రధానపాత్రలో నటించాలని శ్రీవిష్ణుకి, కుమార్ చెప్పాడు.[4] శ్రీవిష్ణుకి జోడిగా చిత్ర శుక్ల ఎంపిక చేయబడింది. హైదరాబాదు నగరంలో జరిగిన సంఘటనల ఆధారంగా ఈ చిత్రం రూపొందింది.[2]

పాటలుసవరించు

ఈ చిత్రానికి సురేష్ బొబ్బిలి సంగీతం అందించగా కందికొండ యాదగిరి, కరుణాకర్ అడిగర్ల, సురేష్ బానిశెట్టి పాటలు రాశారు. పాటలు ప్రేక్షకాదరణ పొందాయి.[5][6][7]

సంఖ్య. పాటగాయకులు నిడివి
1. "కదిలే కదిలే (రచన: కందికొండ యాదగిరి)"  సురేష్ బొబ్బిలి 4:17
2. "ఆ చందమామ (రచన: కందికొండ యాదగిరి)"  స్వీకర్ అగస్త్య 4:06
3. "గుచ్చి గుచ్చి (రచన: కరుణాకర్ అడిగర్ల)"  అంజనా సౌమ్య, అనుదీప్ దేవ్ 4:32
4. "హే సాయిరాం"  సాకేత్ 4:32
5. "రంగదేవ (రచన: సురేష్ బానిశెట్టి)"  సురేంద్రనాథ్, సాహితి గాలిదేవర 4:40
6. "సింగారి సింగారి (రచన: సురేష్ బానిశెట్టి)"  సింహా, సాహితి చాగంటి 3:50
మొత్తం నిడివి:
25:57

రేటింగ్సవరించు

ది హిందూ ఈ చిత్రానికి 1/5 రేటింగ్ ఇచ్చి, "ఏమాత్రం థ్రిల్లర్‌గా సినిమాగా అనిపించలేదని" రాసింది.[8] టైమ్స్ ఆఫ్ ఇండియా ఈ చిత్రానికి 1.5/5 రేటింగ్ ఇచ్చి, ఈ సినిమాను చూడకపోవడం వల్ల కొంత సమయం, డబ్బు ఆదా అవుతుందని పేర్కొంది.[3]

మూలాలుసవరించు

  1. "Sree Vishnu's 'Maa Abbayi' to be released on 17th March - Times of India". The Times of India.
  2. 2.0 2.1 2.2 "Sree Vishnu to romance Chitra Shukla in social drama 'Maa Abbayi' - Times of India". The Times of India.
  3. 3.0 3.1 3.2 3.3 "Maa Abbayi Review {1.5/5}: With barely anything positive in this movie, Maa Abbayi doesn't even pass off as a one-time watch". The Times of India.
  4. Jonnalagedda, Pranita (March 15, 2017). "A new beginning". Deccan Chronicle.
  5. "Music Review: Maa Abbayi - Times of India". The Times of India.
  6. "Maa Abbayi - All Songs - Download or Listen Free - JioSaavn". JioSaavn.
  7. "Maa Abbayi Full Songs JUKEBOX - #SreeVishnu - Chitra Shukla - Suresh Bobbili - Kumar Vatti". ARANIndia. 22 February 2017.
  8. Nadadhur, Srivathsan (March 17, 2017). "Maa Abbayi: Terror tales". The Hindu.

ఇతర లంకెలుసవరించు