ముదుగంటి రామగోపాల్ రెడ్డి

ముదుగంటి రామగోపాల్ రెడ్డి తెలంగాణ రాష్ట్రానికి చెందిన రాజకీయ నాయకుడు, మాజీ పార్లమెంట్ సభ్యుడు, మాజీ శాసన సభ్యుడు. భారత జాతీయ కాంగ్రెస్ పార్టీ తరపున నిజామాబాదు లోకసభ నియోజకవర్గం నుండి వరుసగా మూడుసార్లు (1971 నుండి 1984 వరకు) పార్లమెంట్ సభ్యుడిగా ప్రాతినిధ్యం వహించాడు. 1962లో బోధన్ శాసనసభ నియోజకవర్గం నుండి ఉమ్మడి ఆంధ్రప్రదేశ్ శాసన సభ్యుడిగా పాత్రినిధ్యం వహించాడు.[1]

ముదుగంటి రామగోపాల్ రెడ్డి
M Ramgopal Reddy.webp
ముదుగంటి రామగోపాల్ రెడ్డి
మాజీ పార్లమెంట్ సభ్యుడు
In office
1971-1984
అంతకు ముందు వారుఎం. నారాయణరెడ్డి
తరువాత వారుతాడూరి బాలాగౌడ్
నియోజకవర్గంనిజామాబాదు లోకసభ నియోజకవర్గం
మాజీ శాసన సభ్యుడు
In office
1962-1967
నియోజకవర్గంబోధన్ శాసనసభ నియోజకవర్గం
వ్యక్తిగత వివరాలు
జననం(1917-10-10)1917 అక్టోబరు 10
తక్కళ్ళపల్లి, జగిత్యాల జిల్లా, తెలంగాణ
మరణం2002
రాజకీయ పార్టీభారత జాతీయ కాంగ్రెస్
జీవిత భాగస్వామిభూలక్ష్మిదేవి
సంతానంఒక కుమారుడు, ఒక కుమార్తె
కళాశాలఉస్మానియా విశ్వవిద్యాలయం

జననం, విద్యసవరించు

రామగోపాల్ రెడ్డి 1917, అక్టోబరు 10న తెలంగాణ రాష్ట్రం, జగిత్యాల జిల్లా, తక్కళ్ళపల్లి గ్రామంలో జన్మించాడు. తండ్రిపేరు లక్ష్మారెడ్డి. రామగోపాల్ రెడ్డి హైదరాబాదులోని ఉస్మానియా విశ్వవిద్యాలయం నుండి బిఏ పూర్తిచేశాడు.[2]

వ్యక్తిగత జీవితంసవరించు

రామగోపాల్ రెడ్డికి భూలక్ష్మిదేవితో వివాహం జరిగింది. వారికి ఒక కుమారుడు, ఒక కుమార్తె.[3]

వృత్తి జీవితంసవరించు

20 సంవత్సరాలపాటు నిజాం షుగర్ ఫ్యాక్టరీలో అధికారిగా పనిచేసి 1961లో రాజీనామా చేశాడు.

రాజకీయ జీవితంసవరించు

చిన్నప్పటినుండి నాయకత్వ లక్షణాలు ఉన్న రామగోపాల్ రెడ్డి 1961లో తన ఉద్యోగానికి రాజీనామా చేసి రాజకీయాల్లోకి ప్రవేశించాడు. 1962లో స్వతంత్ర అభ్యర్థిగా బోధన్ శాసనసభ నియోజకవర్గం నుండి పోటీచేసి కాంగ్రెస్ అభ్యర్థి కె.వి. రెడ్డి గెలుపొందాడు. తరువాత కాంగ్రెస్ పార్టీలో చేరిన రామగోపాల్ రెడ్డి నిజామాబాదు లోకసభ నియోజకవర్గం నుండి కాంగ్రెస్ పార్టీ తరపున పోటిచేసి 1971లో జరిగిన ఎన్నికల్లో తెలంగాణ ప్రజా సమితి అభ్యర్థి కె. అనంతరెడ్డి,[4] 1977లో జరిగిన ఎన్నికల్లో బి.ఎల్.డి. అభ్యర్థి గడ్డం గంగారెడ్డి,[5] 1980లో జరిగిన ఎన్నికల్లో జనతా పార్టీ అభ్యర్థి ఎం.ఎం. ఖాన్[6] లపై గెలుపొందాడు.

శాసనసభ ఎన్నికల వివరాలుసవరించు

నియోజకవర్గ సంఖ్య అసెంబ్లీ నియోజకవర్గం పేరు గెలుపొందిన అభ్యర్థి పేరు పార్టీ ఓట్లు ప్రత్యర్థి పేరు పార్టీ ఓట్లు
242 బోధన్ ముదుగంటి రామగోపాల్ రెడ్డి స్వతంత్ర 19416 కె.వి. రెడ్డి కాంగ్రెస్ 16585

లోకసభ ఎన్నికల వివరాలుసవరించు

లోక్‌సభ ఎన్నికలు కాలము గెలిచిన అభ్యర్థి పార్టీ సమీప ప్రత్యర్థి పార్టీ ఆధిక్యత
ఐదవ 1971 1971-77 ముదుగంటి రామగోపాల్ రెడ్డి భారత జాతీయ కాంగ్రెస్ కె.అనంతరెడ్డి తెలంగాణా ప్రజాసమితి 59737
ఆరవ 1977 1977-80 ముదుగంటి రామగోపాల్ రెడ్డి భారత జాతీయ కాంగ్రెస్ గడ్డం గంగారెడ్డి బి.ఎల్.డి 159393
ఏడవ 1980 1980-84 ముదుగంటి రామగోపాల్ రెడ్డి భారత జాతీయ కాంగ్రెస్ ఎం.ఎం.ఖాన్ జనతా పార్టీ 200315

నిర్వర్తించిన పదవులుసవరించు

  • నిజామాబాద్ సహకార చక్కెర కర్మాగారం చైర్మన్
  • ఆంధ్రప్రదేశ్ రాష్ట్ర సహకార చక్కెర కర్మాగారాల సమాఖ్య చైర్మన్
  • నిజాం షుగర్ ఫ్యాక్టరీ డైరెక్టర్
  • సహకార చక్కెర ఫ్యాక్టరీల జాతీయ సమాఖ్య డైరెక్టర్
  • ఇండియన్ షుగర్ మిల్స్ అసోసియేషన్ సభ్యుడు
  • నేషనల్ ఫెడరేషన్ ఆఫ్ కోఆపరేటివ్ షుగర్ ఫ్యాక్టరీస్ కన్సల్టేటివ్ కమిటీ సభ్యుడు,
  • కేన్ గ్రోవర్స్ అసోసియేషన్ వ్యవస్థాపకుడు
  • శ్రీనగర్‌లోని భారత్ కృషక్ సమాజ్ (1954) వ్యవస్థాపకుడు
  • గిర్రాజ్ కళాశాల (నిజామాబాద్), జగిత్యాల కళాశాలల వ్యవస్థాపకుడు
  • టెక్స్‌టైల్ మెషినరీ డెవలప్‌మెంట్ కౌన్సిల్ సభ్యుడు
  • ప్రాగా టూల్స్ ఎంప్లాయీస్ యూనియన్ అధ్యక్షుడు
  • సెంట్రల్ గవర్నమెంట్ పబ్లిక్ అండర్‌టేకింగ్స్ ఆఫీసర్స్ అసోసియేషన్ అధ్యక్షుడు

రచనలుసవరించు

“లైఫ్ అండ్ లెటర్స్ ఆఫ్ రామ్ గోపాల్ రెడ్డి లెజిస్లేటర్ అండ్ పార్లమెంటేరియన్,” “లెజిస్లేటివ్ అసెంబ్లీలో రామ్ గోపాల్ రెడ్డి ప్రసంగాలు”, “పార్లమెంటులో నా ప్రసంగాలు” అనే మూడు పుస్తకాలు రాశాడు.

మరణంసవరించు

రామగోపాల్ రెడ్డి తన 85 సంవత్సరాల వయసులో 2002లో కారు ప్రమాదంలో మరణించాడు.

మూలాలుసవరించు

  1. Writer, Staff (2017-10-12). "Remembering Ram Gopal Reddy on his 100th birthday | News India Times". www.newsindiatimes.com (in అమెరికన్ ఇంగ్లీష్). Archived from the original on 2021-05-10. Retrieved 2021-12-03.
  2. "Shri M. Ram Gopal Reddy MP biodata Nizamabad | ENTRANCEINDIA". https:// (in అమెరికన్ ఇంగ్లీష్). 2018-12-28. Archived from the original on 2021-12-03. Retrieved 2021-12-03.
  3. "Members Bioprofile". loksabhaph.nic.in. Archived from the original on 2020-11-29. Retrieved 2021-12-03.
  4. "Election Results 1971" (PDF). www.eci.nic.in. Election Commission of India. Retrieved 2021-12-03.
  5. "Election Results 1977" (PDF). www.eci.nic.in. Election Commission of India. Retrieved 2021-12-03.
  6. "Election Results 1980" (PDF). www.eci.nic.in. Election Commission of India. Retrieved 2021-12-03.