మొగల్తూరు

ఆంధ్ర ప్రదేశ్, పశ్చిమ గోదావరి జిల్లా లోని మండలం, అదే పేరుతో గ్రామం

మొగల్తూరు, ఆంధ్రప్రదేశ్ రాష్ట్రం లోనిపశ్చిమ గోదావరి జిల్లా, మొగల్తూరు మండలం లోని గ్రామం.ఇది మండల కేంద్రమైన మొగల్తూరు నుండి 10 కి. మీ. దూరం లోను, సమీప పట్టణమైన నరసాపురం నుండి 20 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 3378 ఇళ్లతో, 11839 జనాభాతో 3068 హెక్టార్లలో విస్తరించి ఉంది. గ్రామంలో మగవారి సంఖ్య 5832, ఆడవారి సంఖ్య 6007. షెడ్యూల్డ్ కులాల సంఖ్య 944 కాగా షెడ్యూల్డ్ తెగల సంఖ్య 47. గ్రామ జనగణన లొకేషన్ కోడ్ 588753.[1]

మొగల్తూరు
—  రెవెన్యూ గ్రామం  —
మొగల్తూరు is located in Andhra Pradesh
మొగల్తూరు
మొగల్తూరు
ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు: 16°24′41″N 81°36′35″E / 16.411473°N 81.609855°E / 16.411473; 81.609855
రాష్ట్రం ఆంధ్రప్రదేశ్
జిల్లా పశ్చిమ గోదావరి
మండలం మొగల్తూరు
ప్రభుత్వం
 - సర్పంచి
జనాభా (2001)
 - మొత్తం 24,247
 - పురుషులు 12,218
 - స్త్రీలు 12,029
 - గృహాల సంఖ్య 6,077
పిన్ కోడ్ 534281
ఎస్.టి.డి కోడ్

గ్రామస్వరూపం మార్చు

మొగల్తూరు గ్రామం 16°25′00″N 81°36′00″E / 16.4167°N 81.6000°E / 16.4167; 81.6000.[2] అక్షాంశ రేఖాంశాల వద్ద ఉంది. సముద్ర మట్టం నుండి సగటు ఎత్తు 1 మీటర్. ఈ వూరి పాత పేరు కేతకీపురం.

గ్రామ విశేషాలు మార్చు

మొగల్తూరులో విష్ణుకుండినుల కాలానికి చెందిన ఒక చారిత్రికమైన మట్టి కోట ఉంది. ఇది కలిదిండి జమీందారుల స్వస్థలం. వారి ఏలుబడి పశ్చిమ గోదావరి, కృష్ణా జిల్లాలలో విస్తరించి ఉండేది. కాలక్రమంలో చాలా కోటలు శిథిలాలయి పోయాయి కాని మొగల్తూరు కోట ఇంకా నిలిచి ఉంది. రాజ కుటుంబీకులు అక్కడ నివసిస్తున్నారు. చివరి రాజుగారి కుమారుడు రాజా కలిదిండి కుమార వెంకటేశ్వర రాజా బహదూర్, 90 సంవత్సరాలపైబడిన వయస్సులో 2007 జూలై 4న మరణించారు. ప్రస్తుతం ప్రముఖులైన రాజా కలిదిండి దేవీ ప్రసాద వరాహ వెంకట సూర్యనారాయణ కుమార లక్ష్మీకాంత రాజా బహదూర్, రాజా కలిదిండి రామ రాజా బహదూర్ ఈ కుటుంబానికి చెందినవారే. వంశపారంపర్యంగా అంతర్వేది కళ్యాణ మహొత్సవాన్ని, రథోత్సవాన్ని కలిదిండి రాజ కుటుంబ వారసులే నిర్వర్తిస్తున్నారు. ప్రస్తుత రాజ వంశ వారసుడైన రాజా కలిదిండి సత్యనారాయణ సింహ జగపతి రాజా బహదూర్ అంతర్వేది దేవస్థానానికి వంశపారంపర్య ధర్మకర్తగా ఉన్నాడు.

ప్రముఖులు మార్చు

 
చిరంజీవి - చిరంజీవిగా పిలవబడే కొణిదెల శివశంకర వరప్రసాద్ సినీ నటుడు, రాజకీయ నాయకుడు.
  • చిరంజీవి - చిరంజీవిగా పిలవబడే కొణిదెల శివశంకర వరప్రసాద్ సినీ నటుడు, రాజకీయ నాయకుడు. కేంద్రప్రభుత్వంలో 2012 ఆగస్టు 27 నుంచి 2014 మే 26 దాకా పర్యాటక శాఖా మంత్రి (ఇండిపెండెంట్ ఛార్జ్) గా పనిచేశాడు.[3]
  • పవన్ కళ్యాణ్
  • మాలపాక యగ్నేశ్వర సత్యనారాయణ ప్రసాదు (ఎం.వై.ఎస్.ప్రసాద్) - ఇతను నెల్లూరు జిల్లాలోని శ్రీహరికోట అంతరిక్ష పరిశోధన కేంద్రంలో పనిచేస్తున్నాడు.శాస్త్ర సాంకేతి రంగాలలో ఇతని సేవలకుగాను భారత ప్రభుత్వం పద్మశ్రీ పురస్కారాన్నిచ్చి గౌరవించింది.[3]

గ్రామం పేరు వెనుక చరిత్ర మార్చు

మొగల్తూరు గ్రామానికి కేతకీపురం, కేతవరం అనేవి సంస్కృతీకరణ రూపాలు.[4] మొగలితుఱ్ఱు అనే పేరు క్రమంగా మొగల్తూరుగా మారింది.

గణాంకాలు మార్చు

2001 వ.సంవత్సరం జనాభా లెక్కల ప్రకారం గ్రామ జనాభా 24,247. ఇందులో పురుషుల సంఖ్య 12,218, మహిళల సంఖ్య 12,029, గ్రామంలో నివాస గృహాలు 6,077 ఉన్నాయి.

2011 భారత జనగణన గణాంకాల ప్రకారం ఈ గ్రామం 3378 ఇళ్లతో, 11839 జనాభాతో 3068 హెక్టార్లలో విస్తరించి ఉంది. గ్రామంలో మగవారి సంఖ్య 5832, ఆడవారి సంఖ్య 6007. షెడ్యూల్డ్ కులాల సంఖ్య 944 కాగా షెడ్యూల్డ్ తెగల సంఖ్య 47. గ్రామ జనగణన లొకేషన్ కోడ్ 588753.

విద్యా సౌకర్యాలు మార్చు

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు 14, ప్రైవేటు ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాలలు ఐదు, ప్రైవేటు ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాలలు నాలుగు, ప్రైవేటు మాధ్యమిక పాఠశాలలు రెండు ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, అనియత విద్యా కేంద్రం, మొగల్తూరు లోను, ఇంజనీరింగ్ కళాశాల భీమవరం లోనూ ఉన్నాయి. పాలీటెక్నిక్‌ లక్ష్మణేశ్వరం లోను, మేనేజిమెంటు కళాశాల, సమీప వృత్తి విద్యా శిక్షణ పాఠశాల నరసాపురం లోను, దివ్యాంగుల ప్రత్యేక పాఠశాల, సమీప వైద్య కళాశాల, ఏలూరు లోనూ ఉన్నాయి.

వైద్య సౌకర్యం మార్చు

ప్రభుత్వ వైద్య సౌకర్యం మార్చు

కాళీపట్నంలో ఉన్న మూడు ప్రాథమిక ఆరోగ్య ఉప కేంద్రాల్లో డాక్టర్లు లేరు. ఆరుగురు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ముగ్గురు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. నలుగురు పారామెడికల్ సిబ్బంది ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. కుటుంబ సంక్షేమ కేంద్రం గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం మార్చు

గ్రామంలో 5 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు 16 మంది ఉన్నారు. నాలుగు మందుల దుకాణాలు ఉన్నాయి.

తాగు నీరు మార్చు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం మార్చు

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు మార్చు

కాళీపట్నంలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం మొదలైన సౌకర్యాలు ఉన్నాయి. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు మార్చు

గ్రామంలో వాణిజ్య బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. సహకార బ్యాంకు గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు మార్చు

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆటల మైదానం గ్రామం నుండి 5 నుండి 10 కి.మీ. దూరంలో ఉన్నాయి. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉన్నాయి.

విద్యుత్తు మార్చు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 18 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం మార్చు

కాళీపట్నంలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 391 హెక్టార్లు
  • వ్యవసాయం సాగని, బంజరు భూమి: 42 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 11 హెక్టార్లు
  • తోటలు మొదలైనవి సాగవుతున్న భూమి: 464 హెక్టార్లు
  • నికరంగా విత్తిన భూమి: 2157 హెక్టార్లు
  • నీటి సౌకర్యం లేని భూమి: 23 హెక్టార్లు
  • వివిధ వనరుల నుండి సాగునీరు లభిస్తున్న భూమి: 2134 హెక్టార్లు

నీటిపారుదల సౌకర్యాలు మార్చు

కాళీపట్నంలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 2134 హెక్టార్లు

ఉత్పత్తి మార్చు

కాళీపట్నంలో ఈ కింది వస్తువులు ఉత్పత్తి అవుతున్నాయి.వరి ముఖ్యమైన పంట. కొద్ది పాటి ప్రాంతాలలో మామిడి కూడా పండించబడుతుంది.మొగల్తూరులో పీచు (coir) పరిశ్రమ అధికంగా ఉంది.

ప్రధాన పంటలు మార్చు

వరి

చేతివృత్తులవారి ఉత్పత్తులు మార్చు

లేసులు

ఇవి కూడా చూడండి మార్చు

మూలాలు మార్చు

  1. "Office of the Registrar General & Census Commissioner, India - Village amenities of 2011".
  2. Falling Rain Genomics.Mogalturru
  3. "Chiranjeevi's dramatic comeback". Business Standard. Retrieved 28 October 2012.
  4. బదరీనాథ్, కానూరి (ఫిబ్రవరి 2012). "నాటి 'వేంగీ విషయం'లోని (నేటి ప.గో.జిల్లా) కొన్ని గ్రామ నామాలు-వివరణలు". సుపథ సాంస్కృతిక పత్రిక. 12 (2): 35.

వెలుపలి లంకెలు మార్చు