రోమియో (2014 సినిమా)
రోమియో 2014, అక్టోబరు 10న విడుదలైన తెలుగు చలనచిత్రం. గోపి గణేష్ దర్శకత్వం వహించిన ఈ చిత్రంలో సాయిరాం శంకర్, అడోనిక జంటగా నటించగా, సునీల్ కష్యప్ సంగీతం అందించాడు. దర్శకుడిగా గోపి గణేష్ కు ఇది తొలిచిత్రంకాగా, అడోనిక తెలుగులో తొలిసారిగా ఈ చిత్రంలో నటించింది. ఈ చిత్రానికి పూరీ జగన్నాథ్ కథ, మాటలు అందించాడు.[1]
| రోమియో | |
|---|---|
 | |
| దర్శకత్వం | గోపి గణేష్ |
| రచన | పూరీ జగన్నాథ్ |
| నిర్మాత | దొరైస్వామి |
| తారాగణం | సాయిరాం శంకర్, అడోనిక |
| ఛాయాగ్రహణం | పి.జి. వింద |
| కూర్పు | నవీన్ నూలి |
| సంగీతం | సునీల్ కష్యప్ |
| పంపిణీదార్లు | షణ్ముఖ ఫిల్మ్స్ |
విడుదల తేదీ | 10 అక్టోబరు 2014 |
సినిమా నిడివి | 119 నిముషాలు |
| దేశం | భారతదేశం |
| భాష | తెలుగు |
కథ
మార్చున్యూయార్క్ లో ఉండే సమంత (అడోనిక)కు ఒంటరిగా ప్రయాణం చేయడమంటే ఇష్టం ఉండడంతో ఇంట్లోవాళ్లను ఒప్పించి యూరప్ పర్యటనకు వెళ్తుంది. యూరప్ పర్యటనలో భాగంగా ఇటలీలోని రోమ్ నగరానికి చేరుకున్నప్పుడు రోమ్ నగరంలో సమంతను కిట్టు (సాయిరాం శంకర్) చూసి వెంటాడుతుంటాడు. ప్లాన్ ప్రకారం సమంతకు దగ్గరై పాస్‌పోర్ట్ ను తన దగ్గరే పెట్టుకుని ఏడిపిస్తుంటాడు. కావాలనే తన పాస్‌పోర్ట్ తీసుకొని ఏడిపిస్తున్నాడని తెలుసుకున్న సమంత, కిట్టూని నిలదీస్తుంది. దాంతో కిట్టు తన ఫ్లాష్‌బ్యాక్‌ను చెపుతాడు. అయితే కిట్టు ఫ్లాష్ బ్యాక్ కు, సమంతకు లింకేమిటి? ఈ చిత్రంలో అతిధి పాత్రలు పోషించిన రవితేజ, ఆలీ, జయసుధ, నాగబాబులకు పాత్రల ఎంటీ? కిట్టు, సమంతల కథ చివరకు ఏమైందనేదే 'రోమియో' సినిమా.[1]
నటవర్గం
మార్చు- సాయిరాం శంకర్ (కిట్టు)
- శ్రద్ధా ఆర్య
- అడోనిక (సమంత)
- సుబ్బరాజు
- ప్రగతి
- రవితేజ[2]
- ఆలీ
- జయసుధ
- నాగబాబు
పాటల జాబితా
మార్చుఈ చిత్రం లోని పాటలను విశ్వా , భాస్కర భట్ల రవికుమార్ , పైడిశెట్టి రామ్, సునీల్ కశ్యప్ రచన చేసినారు.
ఆజా ఆజా , గానం. శ్రావణ భార్గవి
ఈ అమ్మాయిలు , రచన: అనంత శ్రీరామ్ , గానం. సునీల్ కశ్యప్
ప్రాణమా, గానం.సునీల్ కశ్యప్
నీలో నీలో, గానం . అల్ఫాన్స్
నాలో చెరగని , గానం.కార్తీక్, రంజిత్
రోమియో రాక్ , గానం . సునీల్ కశ్యప్.
సాంకేతికవర్గం
మార్చు- దర్శకత్వం: గోపి గణేష్
- నిర్మాత: దొరైస్వామి
- రచన: పూరీ జగన్నాథ్
- సంగీతం: సునీల్ కష్యప్
- ఛాయాగ్రహణం: పి.జి. వింద
- కూర్పు - నవీన్ నూలి[3]
మూలాలు
మార్చు- ↑ 1.0 1.1 సాక్షి, సినిమా (10 October 2014). "సినిమా రివ్యూ: రోమియో". రాజబాబు అనుముల. Archived from the original on 22 May 2019. Retrieved 22 May 2019.
- ↑ సాక్షి, సినిమా (9 October 2014). "రవితేజ నటించడంతో రోమియో స్థాయి పెరిగింది". Archived from the original on 22 May 2019. Retrieved 22 May 2019.
- ↑ ఈనాడు, ఆదివారం సంచిక (15 July 2018). "ఈడెవడో భలే కట్ చేశాడ్రా". మహమ్మద్ అన్వర్. Archived from the original on 13 మార్చి 2020. Retrieved 13 March 2020.