లలితా సహస్ర నామములు- 101-200

లలితా సహస్తనామ స్తోత్రములోని రెండవ నూరు నామములకు సంక్షిప్త వివరణ ఇక్కడ ఇవ్వబడింది.

శ్లోకం 38సవరించు

  1. మూలాధారైక నిలయా - మూలాధార చక్రమే ముఖ్యమైన నివాసముగా గలది.
  2. బ్రహ్మగ్రంథి విభేదినీ - బ్రహ్మగ్రంథిని విడగొట్టునది.
  3. మణిపూరాంతరుదిరా - మణిపూర చక్రము యొక్క లోపలి నుండి ఉదయించునది లేదా ప్రకటమగునది.
  4. విష్ణుగ్రంథి విభేదినీ - విష్ణుగ్రంథిని విడగొట్టునది.

శ్లోకం 39సవరించు

  1. ఆజ్ఞాచక్రాంతళస్థా - ఆజ్ఞాచక్రము యొక్క మధ్యలో ఉండునది.
  2. రుద్రగ్రంథి విభేదినీ - రుద్రగ్రంథిని విడగొట్టునది.
  3. సహస్త్రారాంభుజారూఢా - వెయ్యి దళములు గల పద్మమును అధిష్టించి యున్నది.
  4. సుధాసారాభివర్షిణీ - అమృతము యొక్క ధారాపాత వర్షమును కురిపించునది.

శ్లోకం 40సవరించు

  1. తటిల్లతా సమరుచిః - మెఱపుతీగతో సమానమగు కాంతి గలది.
  2. షట్చక్రోపరి సంస్థితా - ఆరు విధములైన మూలాధారాది చక్రముల యొక్క పైభాగమందు చక్కగా నున్నది.
  3. మహాసక్తిః - బ్రహ్మమునందు ఆసక్తి గలది.
  4. కుండలినీ - పాము వంటి ఆకారము గలది.
  5. బిసతంతు తనీయసీ - తామరకాడలోని ప్రోగువలె సన్నని స్వరూపము గలది.

శ్లోకం 41సవరించు

  1. భవానీ - భవుని భార్య.
  2. భావనాగమ్యా - భావన చేత పొంద శక్యము గానిది.
  3. భవారణ్య కుఠారికా - సంసారమనెడు అడవికి గండ్రగొడ్డలి వంటిది.
  4. భద్రప్రియా - శుభములు, శ్రేష్ఠములు అయిన వాటి యందు ఇష్టము కలిగినది.
  5. భద్రమూర్తిః - శుభమైన లేదా మంగళకరమైన స్వరూపము గలది.
  6. భక్త సౌభాగ్యదాయినీ - భక్తులకు సౌభాగ్యమును ఇచ్చునది.

శ్లోకం 42సవరించు

  1. భక్తప్రియా - భక్తుల యెడ ప్రేమ, వాత్సల్యము గలది.
  2. భక్తిగమ్యా - భక్తికి గమ్యమైనటువంటిది.
  3. భక్తివశ్యా - భక్తికి స్వాధీనురాలు.
  4. భయాపహా - భయములను పోగొట్టునది.
  5. శాంభవీ - శంభుని భార్య.
  6. శారదారాధ్యా - సరస్వతిచే ఆరాధింపబడునది.
  7. శర్వాణీ - శర్వుని భార్య.
  8. శర్మదాయినీ - శాంతిని, సుఖమును ఇచ్చునది.

శ్లోకం 43సవరించు

  1. శాంకరీ - శంకరుని భార్య.
  2. శ్రీకరీ - ఐశ్వర్యమును ఇచ్చునది.
  3. సాధ్వీ - సాధు ప్రవర్తన గల పతివ్రత.
  4. శరచ్చంద్ర నిభాననా - శరత్కాలము లోని చంద్రునితో సమానమైన వదనము గలది.
  5. శాతోదరీ - కృశించిన లేదా సన్నని పొట్ట గలిగినది.
  6. శాంతిమతీ - శాంతి గలది.
  7. నిరాధారా - ఆధారము లేనిది.
  8. నిరంజనా - మాయా సంబంధమైన అజ్ఞానపు పొరలేని దృష్టి గలది.

శ్లోకం 44సవరించు

  1. నిర్లేపా - కర్మ బంధములు అంటనిది.
  2. నిర్మలా - ఏ విధమైన మలినము లేనిది.
  3. నిత్యా - నిత్య సత్య స్వరూపిణి.
  4. నిరాకారా - ఒక ప్రత్యేకమైన ఆకారము లేనిది.
  5. నిరాకులా - భావ వికారములు లేనిది.
  6. నిర్గుణా - గుణములు అంటనిది.
  7. నిష్కలా - విభాగములు లేనిది.
  8. శాంతా - ఏ విధమైన ఒడిదుడుకులు, తొట్రుపాటు లేనిది.
  9. నిష్కామా - కామము, అనగా ఏ కోరికలు లేనిది.
  10. నిరుపప్లవా - హద్దులు ఉల్లంఘించుట లేనిది.

శ్లోకం 45సవరించు

  1. నిత్యముక్తా - ఎప్పుడును సంగము లేనిది.
  2. నిర్వికారా - ఏ విధమైన వికారములు లేనిది.
  3. నిష్ప్రపంచా - ప్రపంచముతో ముడి లేనిది.
  4. నిరాశ్రయా - ఆశ్రయము లేనిది లేదా అవసరము లేనిది.
  5. నిత్యశుద్ధా - ఎల్లప్పుడు శుద్ధమైనది.
  6. నిత్యబుద్ధా - ఎల్లప్పుడు జ్ఞాన స్వరూపురాలు.
  7. నిరవద్యా - చెప్పరానిది అంటూ ఏమీ లేనిది లేదా నిందించుటకూ ఏదీ లేనిది.
  8. నిరంతరా - ఏ మాత్రము సందు లేకుండా అంతటా వ్యాపించింది.

శ్లోకం 46సవరించు

  1. నిష్కారణా - ఏ కారణము లేనిది.
  2. నిష్కళంకా - ఎటువంటి దోషము లేదా పాపము లేనిది.
  3. నిరుపాధిః - ఏ విధమైన అవిద్యా సంబంధమైన ఉపాధులు లేనిది.
  4. నిరీశ్వరా - ఇంకా తనను పైన ప్రభువు అనువారెవరూ లేనిది.
  5. నిరాగా - రాగము అనగా కోరికలు లేనిది.
  6. రాగమథనీ - రాగమును పోగొట్టి, వైరాగ్యమును కలుగుజేయునది.
  7. నిర్మదా - మదము లేనిది.
  8. మదనాశినీ - మదమును పోగొట్టునది.

శ్లోకం 47సవరించు

  1. నిశ్చింతా - ఏ చింతలూ లేనిది.
  2. నిరహంకారా - ఏ విధమైన అహంకారము లేనిది.
  3. నిర్మోహా - అవగాహనలో పొరపాటు లేనిది.
  4. మోహనాశినీ - మోహమును పోగొట్టునది.
  5. నిర్మమా - మమకారము లేనిది.
  6. మమతాహంత్రీ - మమకారమును పోగొట్టునది.
  7. నిష్పాపా - పాపము లేనిది.
  8. పాపనాశినీ - పాపములను పోగొట్టునది.

శ్లోకం 48సవరించు

  1. నిష్క్రోధా - క్రోధము లేనిది.
  2. క్రోధశమనీ - క్రోధమును పోగొట్టునది.
  3. నిర్లోభా - లోభము లేనిది.
  4. లోభనాశినీ - లోభమును పోగొట్టునది.
  5. నిస్సంశయా - సందేహములు, సంశయములు లేనిది.
  6. సంశయఘ్నీ - సంశయములను పోగొట్టునది.
  7. నిర్భవా - పుట్టుక లేనిది.
  8. భవనాశినీ - పుట్టుకకు సంబంధించిన సంసార బంధక్లేశములు లేకుండా చేయునది.

శ్లోకం 49సవరించు

  1. నిర్వికల్పా - వికల్పములు లేనిది.
  2. నిరాబాధా - బాధలు, వేధలు లేనిది.
  3. నిర్భేదా - భేదములు లేనిది.
  4. భేదనాశినీ - భేదములను పోగొట్టునది.
  5. నిర్నాశా - నాశము లేనిది.
  6. మృత్యుమథనీ - మృత్యు భావమును, మృత్యువును పోగొట్టునది.
  7. నిష్క్రియా - క్రియలు (చేయవలసిన, చేయకూడని) లేనిది.
  8. నిష్పరిగ్రహా - స్వీకరణ, పరిజనాదులు లేనిది.

శ్లోకము 50సవరించు

  1. నిస్తులా - సాటి లేనిది.
  2. నీలచికురా - చిక్కని, చక్కని, నల్లని, ముంగురులు గలది.
  3. నిరపాయా - అపాయములు లేనిది.
  4. నిరత్యయా - అతిక్రమింప వీలులేనిది.
  5. దుర్లభా - పొందశక్యము కానిది.
  6. దుర్గమా - గమింప శక్యము గానిది.
  7. దుర్గా - దుర్గాదేవి.
  8. దుఃఖహంత్రీ - దుఃఖములను తొలగించునది.
  9. సుఖప్రదా - సుఖములను ఇచ్చునది.

శ్లోకము 51సవరించు

  1. దుష్టదూరా - దుష్టత్వము అంటనిది. దుష్టులకు అంటనిది.
  2. దురాచార శమనీ - చెడు నడవడికను పోగొట్టునది.
  3. దోషవర్జితా - దోషములచే విడిచి పెట్టబడింది.
  4. సర్వజ్ఞా - అన్నిటినీ తెలిసింది.
  5. సాంద్రకరుణా - గొప్ప దయ గలది.
  6. సమానాధిక వర్జితా - ఎక్కువ తక్కువ భేదాలచే విడువబడినది అనగా ఎక్కువ వారు తక్కువ వారు లేనిది.

శ్లోకము 52సవరించు

  1. సర్వశక్తిమయీ - సర్వశక్తి స్వరూపిణి.
  2. సర్వమంగళా - సర్వమంగళ స్వరూపిణి.
  3. సద్గతి ప్రదా - మంచి మార్గమును ఇచ్చునది.
  4. సర్వేశ్వరీ - జగత్తు లేదా విశ్వమునంతకు ప్రధానాధికారిణి.
  5. సర్వమయీ - సర్వములో అనగా విశ్వమంతటా నిండి ఉంది.
  6. సర్వమంత్ర స్వరూపిణీ - అన్ని మంత్రములును తన స్వరూపముగా గలది.