లలితా సహస్ర నామములు- 301-400
లలితా సహస్ర నామ స్తోత్రములోని నాలుగవ నూరు నామములకు సంక్షిప్త వివరణ ఇక్కడ ఇవ్వబడింది.[1][2]
శ్లోకం 70
మార్చు- నారాయణీ - నారాయణత్వ లక్షణము గలది.
- నాదరూపా - నాదము యొక్క రూపము అయినది.
- నామరూప వివర్జితా - పేరు, ఆకారము లేనిది
- హ్రీంకారీ - హ్రీంకార స్వరూపిణి.
- హ్రీమతీ - లజ్జాసూచిత బీజాక్షర రూపిణి.
- హృద్యా - హృదయమునకు ఆనందము అయినది.
- హేయోపాదేయ వర్జితా - విడువదగినది, గ్రహింపదగినది, లేనిది.
శ్లోకం 71
మార్చు- రాజరాజార్చితా - రాజులకు రాజులైన వారిచేత అర్చింపబడునది.
- రాజ్ఞీ - రాణి.
- రమ్యా - మనోహరమైనది.
- రాజీవ లోచనా - పద్మములవంటి కన్నులు కలది.
- రంజనీ - రంజింప చేయునది లేదా రంజనము చేయునది.
- రమణీ - రమింపచేయునది.
- రస్యా - రస స్వరూపిణి.
- రణత్కింకిణి మేఖలా - మ్రోగుచుండు చిరుగజ్జెలతో కూడిన మొలనూలు లేదా వడ్డాణము గలది.
శ్లోకం 72
మార్చు- రమా - లక్ష్మీదేవి.
- రాకేందు వదనా - పూర్ణిమ చంద్రుని పోలిన ముఖము గలది.
- రతి రూపా - ఆసక్తి రూపమైనది.
- రతి ప్రియా - ఆసక్తి యందు ప్రీతి కలది.
- రక్షాకరీ - రక్షించునది.
- రాక్షసఘ్నీ - రాక్షసులను సంహరించునది.
- రామా - ఎప్పుడూ సంతోషంగా, క్రీడాత్మకంగా వుండేది.
- రమణ లంపటా - రమణునితో అత్యంత సాన్నిహిత్య, సామ్య సంబంధము గలది.
శ్లోకం 73
మార్చు- కామ్యా - కోరదగినటువంటిది.
- కామకళారూపా - కామేశ్వరుని కళయొక్క రూపమైనది.
- కదంబ కుసుమప్రియా - కడిమి పువ్వులయందు ప్రేమ కలిగినది.
- కళ్యాణీ - శుభ లక్షణములు కలది.
- జగతీ కందా - జగత్తుకు మూలమైనటువంటిది.
- కరుణా రస సాగరా - దయాలక్షణానికి సముద్రము వంటిది.
శ్లోకం 74
మార్చు- కళావతీ -కళా స్వరూపిణీ.
- కలాలాపా - కళలను ఆలాపనా స్వరూపముగా కలిగినది.
- కాంతా - కామింపబడినటువంటిది.
- కాదంబరీ ప్రియా - పరవశించుటను ఇష్టపడునది.
- వరదా - వరములను ఇచ్చునది.
- వామనయనా - అందమైన నేత్రములు గలది.
- వారుణీ మదవిహ్వలా - వరుణ సంబంధమైన పరవశత్వము చెందిన మనోలక్షణము గలది.
శ్లోకం 75
మార్చు- విశ్వాధికా - ప్రపంచమునకు మించినది అనగా అధికురాలు.
- వేదవేద్యా - వేదముల చేత తెలియదగినది.
- వింధ్యాచల నివాసినీ - వింధ్యపర్వత ప్రాంతమున నివాసము గలది.
- విధాత్రీ - విధానమును చేయునది.
- వేద జననీ - వేదములకు తల్లి.
- విష్ణుమాయా - విష్ణుమూర్తి యొక్క మాయా స్వరూపిణి.
- విలాసినీ - వినోదాత్మక, క్రీడాత్మక లక్షణము గలది.
శ్లోకం 76
మార్చు- క్షేత్రస్వరూపా - క్షేత్ర పదంచే సంకేతింపబడే వాటి స్వరూపంగా నుండునది.
- క్షేత్రేశీ - క్షేత్రమునకు అధికారిణి.
- క్షేత్ర క్షేత్రజ్ఞపాలినీ - స్థూలభాగమైన దేహమును, సూక్ష్మభాగమైన దేహిని పాలించునది లేదా రక్షించునది.
- క్షయవృద్ధి వినిర్ముక్తా - తరుగుదల, పెరుగుదల లేనిది.
- క్షేత్రపాల సమర్చితా - క్షేత్రపాలకులచే చక్కగా అర్చింపబడునది.
శ్లోకం 77
మార్చు- విజయా - విశేషమైన జయమును కలిగినది.
- విమలా - మలినములు స్పృశింపనిది.
- వంద్యా - నమస్కరింపతగినది.
- వందారు జనవత్సలా - నమస్కరించు శీలము గల జనుల యందు వాత్సల్యము గలది.
- వాగ్వాదినీ - వాక్కులను చక్కగా వ్యక్తపరచగలుగుటకు ప్రేరణ నిచ్చు పరావాగ్దేవత.
- వామకేశీ - వామకేశ్వరుని భార్య.
- వహ్నిమండల వాసినీ - అగ్ని ప్రాకారమునందు వసించునది.
శ్లోకం 78
మార్చు- భక్తిమత్కల్ప లతికా - భక్తికలవారిపట్ల కల్పవృక్షపు తీగవంటిది.
- పశుపాశ విమోచనీ - వివిధ పాశములచే బంధింపబడువారిని బంధ విముక్తులను చేయునది.
- సంహృతాశేష పాషండా - సంహరింపబడిన సకలమైన పాషండులని సంహరించునది.
- సదాచారప్రవర్తికా - సంప్రదాయబద్దమైన, శ్రోత్రీయ మార్గముననుసరించి యుండునట్లు ప్రవర్తింప చేయునది.
శ్లోకం 79
మార్చు- తాపత్రయాగ్ని సంతప్త సమాహ్లాదన చంద్రికా - ఆధ్యాత్మిక, అధిభౌతిక, అధిదైవిక తాపములనెడి అగ్నిచేత తపింప చేయబడిన వారలకు మిక్కిలి సంతోషమును కలుగజేయునట్టి వెన్నెల వంటిది.
- తరుణీ - ఎప్పుడు తరుణ వయస్సు, అనగా ఒకేరీతి యౌవనము గలది.
- తాపసారాధ్యా - తపస్సు చేయువారిచే ఆరాధింపబడునది.
- తనుమధ్యా - కృశించిన అనగా సన్నని కటి ప్రదేశము అనగా నడుము గలది.
- తమో పహా - చీకటిని లేదా అజ్ఞానమును పోగొట్టునది.
శ్లోకం 80
మార్చు- చితిః - కూర్పు, జ్ఞానబిందు సమీకరణ.
- తత్పదలక్ష్యార్థా - తత్ పదముచే నిర్దేశింపబడు లక్ష్యము యొక్క ప్రయోజనముగా నున్నది.
- చిదేకరస రూపిణీ - జ్ఞానచైతన్యమే ఒకే ఒక రసముగా లేదా సర్వసారముగా స్వరూపముగా గలది.
- స్వాత్మానంద లవీభూత బ్రహ్మాద్యానంద సంతతిః - తనకు సంబంధించిన ఆనందముతో లేశమాత్రమైన బ్రహ్మానందము, ప్రజాపతి ఆనందము - మొదలైన ఆనందముల సమూహము గలది.
శ్లోకం 81
మార్చు- పరా - పరాస్థితిలోని వాగ్రూపము.
- ప్రత్యక్చితీరూపా - స్వస్వరూపము యొక్క జ్ఞానమే స్వరూపముగా గలది.
- పశ్యంతీ - రెండవస్థితిగా వ్యక్తం కాబోయే వాక్కు
- పరదేవతా - పశ్యంతీ వాక్కు యొక్క సూక్ష్మరూపము.
- మధ్యమా - పశ్యంతీ, వైఖరీ వాక్కులకు మధ్య వుండు స్థితికి సంబంధించిన వాక్కు.
- వైఖరీరూపా - స్పష్టముగా వ్యక్తమైన వాక్కు.
- భక్తమానస హంసికా - భక్తుల యొక్క, మనస్సులందు విహరించు ఆడు హంస.
శ్లోకం 82
మార్చు- కామేశ్వర ప్రాణనాడీ - శివుని ప్రాణనాడీ స్వరూపిణి.
- కృతజ్ఞా - చేయబడే పనులన్నీ తెలిసింది.
- కామపూజితా - కామునిచే పూజింపబడునది.
- శృంగార రససంపూర్ణా - శీర్షములతోను, కోణములచేతను, నవరసాదినావముల చేతను కూడి నిండుగా ఉంది.
- జయా - జయస్వరూపిణి.
- జాలంధరస్థితా - జాలంధరసూచిత స్థానము నందున్నది.
శ్లోకం 83
మార్చు- ఓడ్యాణ పీఠనిలయా - ఓడ్యాణ పీఠమునందు ఉంది.
- బిందుమండల వాసినీ - బిందువును పరివేష్టించి యుండు స్థానమున వసించునది.
- రహోయాగ క్రమారాధ్యా - ఒంటరిగా చేయు యాగ పద్ధతిలో క్రమముగా ఆరాధింపబడునది.
- రహస్తర్పణ తర్పితా - రహస్యముగా చేయు తర్పణములచే తృప్తి చెందునది.
శ్లోకం 84
మార్చు- సద్యఃప్రసాదినీ - తక్షణములోనే అనుగ్రహించునది.
- విశ్వ సాక్షిణీ - విశ్వములోని కృత్యములకు ఒకే ఒక సాక్షి.
- సాక్షి వర్జితా - సాక్షి లేనిది.
- షడంగదేవతా యుక్తా - ఆరు అంగదేవతలతో కూడి ఉంది.
- షాడ్గుణ్య పరిపూరితా - ఆరు విధములైన గుణములచే పుష్కలముగా నిండి యుండునది.
శ్లోకం 85
మార్చు- నిత్యక్లిన్నా - ఎల్లప్పుడూ దయార్ద్రతతో తడుపబడి యుండునది.
- నిరుపమా - పోల్చిచెప్పుటకు ఉపమానము ఏమియు లేనిది.
- నిర్వాణ సుఖదాయినీ - సర్వనివృత్తి రూపమైన బ్రహ్మపద ప్రాప్తి లేక మోక్ష సంబంధమైన ఆనందమును ఇచ్చునది.
- నిత్యాషోడాశికారూపా - నిత్యాదేవతలగానున్న పదహారు కళల రూపము.
- శ్రీకంఠార్థశరీరిణీ - శివుని సగము శరీరముగా నున్నది.
శ్లోకం 86
మార్చు- ప్రభావతీ - వెలుగులు విరజిమ్ము రూపము గలది.
- ప్రభారూపా - వెలుగుల యొక్క రూపము.
- ప్రసిద్ధా - ప్రకృష్టముగా సిద్ధముగా నున్నది.
- పరమేశ్వరీ - పరమునకు అధికారిణి.
- మూలప్రకృతిః - అన్ని ప్రకృతులకు మూలమైనది.
- అవ్యక్తా - వ్యక్తము కానిది.
- వ్యక్తావ్యక్త స్వరూపిణీ - వ్యక్తమైన, అవ్యక్తమైన అన్నిటి యొక్క స్వరూపముగా నున్నది.
శ్లోకం 87
మార్చు- వ్యాపినీ - వ్యాపనత్వ లక్షణము కలది.
- వివిధాకారా - వివిధములైన ఆకారములతో నుండునది.
- విద్యావిద్యా స్వరూపిణీ - విద్యకు సంబంధించిన భాగమును, అవిద్యకు సంబంధించిన భాగమును తన రూపముగా గలది.
- మహాకామేశ నయన కుముదాహ్లాద కౌముదీ - మహాకామేశ్వరుని కన్నులనెడు కలువపువ్వులకు ఆనంద వికాసమును కలిగించు వెన్నెలవెల్లువ.
మూలాలు
మార్చు- ↑ "Untitled | PDF". Scribd (in ఇంగ్లీష్). Retrieved 2023-07-08.
- ↑ Incarnation 14 (2020-08-31). "శ్రీ లలితా సహస్ర నామములు – 79 / Sri Lalita Sahasranamavali – Meaning – 79". Prasad Bharadwaj Incarnation 14 Blog (in ఇంగ్లీష్). Retrieved 2023-07-08.
{{cite web}}: CS1 maint: numeric names: authors list (link)