లలితా సహస్ర నామములు- 201-300
లలితా సహస్ర నామ స్తోత్రములోని మూడవ నూరు నామములకు సంక్షిప్త వివరణ ఇక్కడ ఇవ్వబడింది.[1][2]
శ్లోకము 52 మార్చు
- సర్వశక్తిమయీ - సర్వశక్తి స్వరూపిణి.
- సర్వమంగళా - సర్వమంగళ స్వరూపిణి.
- సద్గతిప్రదా - మంచి మార్గమును ఇచ్చునది.
- సర్వేశ్వరీ - జగత్తు లేదా విశ్వమునంతకు ప్రధానాధికారిణి.
- సర్వమయీ - సర్వములో అనగా విశ్వమంతటా నిండి ఉంది.
- సర్వమంత్ర స్వరూపిణీ - అన్ని మంత్రములును తన స్వరూపముగా గలది.
శ్లోకం 53 మార్చు
- సర్వయంత్రాత్మికా - అన్ని యంత్రములకు స్వరూపముగా గలది.
- సర్వతంత్రరూపా - అన్ని తంత్రములను తన రూపముగా గలది.
- మనోన్మనీ - మననస్థితిలో మేల్కాంచిన మననము చేయబడునట్టిది.
- మాహేశ్వరీ - మహేశ్వర సంబంధమైనది.
- మహాదేవీ - మహిమాన్వితమైన ఆధిపత్యము కలది.
- మహాలక్ష్మీ - గొప్పవైన లక్ష్మలు గలది.
- మృడప్రియా - శివుని ప్రియురాలు.
శ్లోకం 54 మార్చు
- మహారూపా - గొప్పదైన లేదా మహిమాన్వితమైన రూపము గలది.
- మహాపూజ్యా - గొప్పగా పూజింపబడునది.
- మహాపాతక నాశినీ - ఘోరమైన పాతకములను నాశనము చేయునది.
- మహామాయా - మహిమాన్వితమైన మాయా లక్షణం కలది.
- మహాసత్వా - మహిమాన్వితమైన ఉనికి గలది.
- మహాశక్తిః - అనంతమైన శక్తి సామర్థ్యములు గలది.
- మహారతిః - గొప్ప ఆసక్తి గలది.
శ్లోకం 55 మార్చు
- మహాభోగా - గొప్ప భోగమును పొందునది లేదా అనుభవించునది.
- మహైశ్వర్యా - విలువ కట్టలేని ఐశ్వర్యమును ఇచ్చునది.
- మహావీర్యా - అత్యంత శక్తివంతమైన వీర్యత్వము గలది.
- మహాబలా - అనంతమైన బలసంపన్నురాలు.
- మహాబుద్ధిః - అద్వితీయమైన బుద్ధి గలది.
- మహాసిద్ధిః - అద్వితీయమైన సిద్ధి గలది.
- మహాయోగేశ్వరేశ్వరీ - గొప్ప యోగేశ్వరులైన వారికి కూడా ప్రభవి.
శ్లోకం 56 మార్చు
- మహాతంత్రా - గొప్పదైన తంత్ర స్వరూపిణి.
- మహామంత్రా - గొప్పదైన మంత్ర స్వరూపిణి.
- మహాయంత్రా - గొప్పదైన యంత్ర స్వరూపిణి.
- మహాసనా - గొప్పదైన ఆసనము గలది.
- మహాయాగ క్రమారాధ్యా - గొప్పదైన యాగ విధానములో క్రమబద్ధమైన పద్ధతిలో ఆరాధింపబడునది.
- మహాభైరవ పూజితా - శివుడి యొక్క వివిధ రూపములలో 'మహా కాల భైరవ' రూపం కలదు. భయము గొలిపే మహాభైరవుడు చేత పూజింపబడే దేవి.
శ్లోకం 57 మార్చు
- మహేశ్వర మహాకల్ప మహాతాండవ సాక్షిణీ - సదాశివునిచే మహాప్రళయ సమయమునందు చేయబడు గొప్ప తాండవ నృత్యమును సాక్షి స్వరూపిణి.
- మహా కామేశ మహిషీ - మహేశ్వరుని పట్టపురాణి.
- మహాత్రిపుర సుందరీ - గొప్పదైన త్రిపురసుందరి.
శ్లోకం 58 మార్చు
- చతుష్షష్ట్యుపచారాఢ్యా - అరువది నాలుగు ఉపచారములతో సేవింపబడునది.
- చతుష్షష్టి కళామయీ - అరువది నాలుగు కళలు గలది.
- మహాచతుష్షష్టి కోటియోగినీ గణసేవితా - గొప్పదైన అరువది కోట్ల యోగినీ బృందముచే సేవింపబడునది.
శ్లోకం 59 మార్చు
- మనువిద్యా - మనువు చేత ఉపాసింపబడిన విద్యారూపిణి.
- చంద్రవిద్యా - చంద్రుని చేత ఉపాసింపబడిన విద్యారూపిణి.
- చంద్రమండలమధ్యగా - చంద్ర మండలములో మధ్యగా నుండునది.
- చారురూపా - మనోహరమైన రూపము కలిగినది.
- చారుహాసా - అందమైన మందహాసము కలది.
- చారుచంద్రకళాధరా - అందమైన చంద్రుని కళను ధరించునది.
శ్లోకం 60 మార్చు
- చరాచర జగన్నాథా - కదిలెడి, కదలని ఈ జగత్తుకు అధినాథురాలు.
- చక్రరాజ నికేతనా - చక్రములలో గొప్పదైన దానిని నిలయముగా కలిగినది.
- పార్వతీ - పర్వతరాజు (హిమవంతుడి) పుత్రి.
- పద్మ నయనా - పద్మములవంటి నయనములు కలది.
- పద్మరాగ సమప్రభా - పద్మరాగముల కాంతికి సమానమగు శరీరకాంతి కలది.
శ్లోకం 61 మార్చు
- పంచప్రేతాసనాసీనా - పంచప్రేతలైన బ్రహ్మ, విష్ణు, రుద్ర, ఈశ్వర, సదాశివులను ఆసనముగా కలిగి ఆసీనులైనది.
- పంచబ్రహ్మ స్వరూపిణీ - పంచబ్రహ్మలైన సద్యోజాత, అఘోర, వామదేవ, తత్పురుష, ఈశాన స్వరూపమైనది.
- చిన్మయీ - జ్ఞానముతో నిండినది.
- పరమానందా - బ్రహ్మానంద స్వరూపము లేక నిరపేక్షకానంద రూపము.
- విజ్ఞానఘన రూపిణీ - విజ్ఞానము, స్థిరత్వము పొందిన రూపము గలది.
శ్లోకం 62 మార్చు
- ధ్యాన ధ్యాతృ ధ్యేయరూపా - ధ్యానము యొక్క, ధ్యానము చేయువాని యొక్క, ధ్యాన లక్ష్యము యొక్క సమన్వయ రూపము కలది.
- ధర్మాధర్మ వివర్జితా - విహితకర్మలు, అవిహిత కర్మలు లేనిది.
- విశ్వరూపా - విశ్వము యొక్క రూపమైనది.
- జాగరిణీ - జాగ్రదవస్థను సూచించునది.
- స్వపంతీ - స్వప్నావస్థను సూచించునది.
- తైజసాత్మికా - తేజస్సువంటి సూక్ష్మ స్వప్నావస్థకు అధిష్ఠాత్రి.
శ్లోకం 63 మార్చు
- సుప్తా - నిద్రావస్థను సూచించునది.
- ప్రాజ్ఞాత్మికా - ప్రజ్ఞయే స్వరూపముగా గలది.
- తుర్యా - తుర్యావస్థను సూచించునది.
- సర్వావస్థా వివర్జితా - అన్ని అవస్థలను విడిచి అతీతముగా నుండునది.
- సృష్టికర్త్రీ - సృష్టిని చేయునది.
- బ్రహ్మరూపా - బ్రాహ్మణ లక్షణము గల రూపము గలది.
- గోప్త్రీ - గోపన లక్షణము అనగా సంరక్షణ లక్షణం కలది.
- గోవింద రూపిణీ - విష్ణుమూర్తితో రూప సమన్వయము కలది.
శ్లోకం 64 మార్చు
- సంహారిణీ - ప్రళయకాలంలో సమస్త వస్తుజీవజాలాన్ని తనలోనికి ఉపసంహరణ గావించి, లీనము చేసుకొనునది.
- రుద్రరూపా - రుద్రుని యొక్క రూపు దాల్చింది.
- తిరోధానకరీ - మఱుగు పరచుటను చేయునది.
- ఈశ్వరీ - ఈశ్వరుని యొక్క శక్తిరూపములో ఉండునది.
- సదాశివా - సదాశివ స్వరూపిణి.
- అనుగ్రహదా - అనుగ్రహమును ఇచ్చునది.
- పంచకృత్య పరాయణా - సృష్టి, స్థితి, లయ, తిరోధాన, అనుగ్రహాలనే అయిదు కృత్యముల యందు ఆసక్తి కలది.
శ్లోకం 65 మార్చు
- భానుమండల మధ్యస్థా - సూర్య మండలములో కేంద్రము వద్ద ఉండునది.
- భైరవీ - భైరవీ స్వరూపిణి.
- భగమాలినీ - వెలుగుతూ గమనము చేయువారిచే హారముగా అగుపించునది.
- పద్మాసనా - పద్మమును నెలవుగా కలిగినది.
- భగవతీ - భగశబ్ద స్వరూపిణి.
- పద్మనాభ సహోదరీ - విష్ణుమూర్తి యొక్క సహోదరి.
శ్లోకం 66 మార్చు
- ఉన్మేషనిమిషోత్పన్న విపన్నభువనావళి - తెరువబడుటతోను, మూయబడుటతోను పుట్టిన లీనమైన చతుర్దశ భువనములు కలది.
- సహస్ర శీర్ష వదనా - వెయ్యి లేదా అనంతమైన శిరస్సులతో, ముఖములు కలది.
- సహస్రాక్షీ - వెయ్యి లేదా అనంతమైన కన్నులు కలది
- సహస్రపాత్ - అనంతమైన పాదములు కలది.
శ్లోకం 67 మార్చు
- ఆబ్రహ్మకీట జననీ - బ్రహ్మ నుండి కీటకముల వరకు అందరికీ తల్లి.
- వర్ణాశ్రమ విధాయినీ - వర్ణములను, ఆశ్రమములను ఏర్పాటు చేయునది.
- నిజాజ్ఞారూప నిగమా - తనయొక్క ఆదేశములే రూపుగట్టుకొనిన వేదములు అయినది.
- పుణ్యాపుణ్య ఫలప్రదా - మంచిపనులకు, చెడ్డపనులను వాటి వాటికి తగిన ఫలములను చక్కగా ఇచ్చునది.
శ్లోకం 68 మార్చు
- శృతి సీమంత సిందూరీ కృతపాదాబ్జ ధూళికా - వేదములనెడు స్త్రీలయొక్క పాపిటలను, సిందూరము ధరించునట్లు చేసిన పాదపద్మము యొక్క ధూళిని కలిగినది.
- సకలాగమ సందోహశుక్తి సంపుటమౌక్తికా - అన్ని ఆగమ శాస్త్రములనెడు ముత్యపు చిప్పలచే చక్కగా ఉంచబడిన లేదా నిక్షిప్తము చేయబడిన ముత్యము.
శ్లోకం 69 మార్చు
- పురుషార్థప్రదా - పురుషునకు కావలసిన ప్రయోజనములు (ధర్మ అర్థ కామ మోక్షములను) చక్కగా ఇచ్చునది.
- పూర్ణా - పూర్ణురాలు.
- భోగినీ - భోగములను అనుభవించునది లేదా భోగములను ఇచ్చునది.
- భువనేశ్వరీ - చతుర్దశ భువనములకు అధినాథురాలు.
- అంబికా - తల్లి.
- అనాది నిధనా - ఆది, అంతము లేనిది.
- హరిబ్రహ్మేంద్ర సేవితా - విష్ణువు చేత, బ్రహ్మ చేత, ఇంద్రుని చేత సేవింపబడునది.
శ్లోకం 70 మార్చు
- నారాయణీ - నారాయణత్వ లక్షణము గలది.
- నాదరూపా - నాదము యొక్క రూపము అయినది.
- నామరూప వివర్జితా - పేరు, ఆకారము లేనిది
- హ్రీంకారీ - హ్రీంకార స్వరూపిణి.
- హ్రీమతీ - లజ్జాసూచిత బీజాక్షర రూపిణి.
- హృద్యా - హృదయమునకు ఆనందము అయినది.
- హేయోపాదేయ వర్జితా - విడువదగినది, గ్రహింపదగినది, లేనిది.
మూలాలు మార్చు
- ↑ "Untitled | PDF". Scribd (in ఇంగ్లీష్). Retrieved 2023-07-08.
- ↑ Incarnation 14 (2020-08-31). "శ్రీ లలితా సహస్ర నామములు – 79 / Sri Lalita Sahasranamavali – Meaning – 79". Prasad Bharadwaj Incarnation 14 Blog (in ఇంగ్లీష్). Retrieved 2023-07-08.
{{cite web}}: CS1 maint: numeric names: authors list (link)