లింగాల (మండవల్లి)

లింగాల ఏలూరు జిల్లా, మండవల్లి మండలానికి చెందిన గ్రామం. ఇది మండల కేంద్రమైన మండవల్లి నుండి 7 కి. మీ. దూరం లోను, సమీప పట్టణమైన గుడివాడ నుండి 20 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 722 ఇళ్లతో, 2341 జనాభాతో 483 హెక్టార్లలో విస్తరించి ఉంది. గ్రామంలో మగవారి సంఖ్య 1155, ఆడవారి సంఖ్య 1186. షెడ్యూల్డ్ కులాల సంఖ్య 423 కాగా షెడ్యూల్డ్ తెగల సంఖ్య 0. గ్రామం యొక్క జనగణన లొకేషన్ కోడ్ 589328.ఇది సముద్రమట్టానికి 7 మీ.ఎత్తులో ఉంది.లింగాల గ్రామం 214వ నెంబర్ జాతీయ రహదారిలో ముదినేపల్లి నుంచి భీమవరం వెళ్ళు మార్గమును ఆనుకొని ఉంది. ముదినేపల్లికి సుమారు ఆరున్నర కిలోమీటర్ల దూరంలో ఉంది.

లింగాల (మండవల్లి)
రెవెన్యూ గ్రామం
లింగాల (మండవల్లి)
అక్షాంశ రేఖాంశాలు: 16°28′N 81°8′E
దేశం	భారతదేశం
రాష్ట్రం	ఆంధ్రప్రదేశ్
జిల్లా	ఏలూరు
మండలం	మండవల్లి
విస్తీర్ణం	4.83 కి.మీ2 (1.86 చ. మై)
జనాభా  (2011)	2,341
• జనసాంద్రత	480/కి.మీ2 (1,300/చ. మై.)
అదనపు జనాభాగణాంకాలు
• పురుషులు	1,155
• స్త్రీలు	1,186
• లింగ నిష్పత్తి	1,027
• నివాసాలు	722
ప్రాంతపు కోడ్	+91 ( )
పిన్‌కోడ్	521325
2011 జనగణన కోడ్	589328

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాల ఒకటి, ప్రైవేటు ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి మండవల్లిలో ఉంది.సమీప జూనియర్ కళాశాల మండవల్లిలోను, ప్రభుత్వ ఆర్ట్స్ / సైన్స్ డిగ్రీ కళాశాల కైకలూరులోనూ ఉన్నాయి. సమీప వైద్య కళాశాల ఏలూరులోను, మేనేజిమెంటు కళాశాల, పాలీటెక్నిక్‌లు గుడివాడలోనూ ఉన్నాయి. సమీప వృత్తి విద్యా శిక్షణ పాఠశాల ముదినేపల్లిలోను, అనియత విద్యా కేంద్రం ఏలూరులోను, దివ్యాంగుల ప్రత్యేక పాఠశాల విజయవాడ లోనూ ఉన్నాయి.

వైద్య సౌకర్యం

ప్రభుత్వ వైద్య సౌకర్యం

లింగాలలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.

పశు వైద్యశాల గ్రామం నుండి 5 కి.మీ. లోపు దూరంలో ఉంది. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు. ఒక మందుల దుకాణం ఉంది.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. తాగునీటి కోసం చేతిపంపులు, బోరుబావులు, కాలువలు, చెరువులు వంటి సౌకర్యాలేమీ లేవు.

పారిశుధ్యం

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

లింగాలలో సబ్ పోస్టాఫీసు సౌకర్యం ఉంది. పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉంది. పోస్టాఫీసు సౌకర్యం గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, మొబైల్ ఫోన్ మొదలైన సౌకర్యాలు ఉన్నాయి. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది. పబ్లిక్ ఫోన్ ఆఫీసు, ఇంటర్నెట్ కెఫె / సామాన్య సేవా కేంద్రం గ్రామం నుండి 10 కి.మీ.కి పైబడిన దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామానికి 5 నుండి 10 కి.మీ. దూరంలో ఉంది.విజయవాడ - భీమవరము రాష్ట్ర రహదారి ముఖ్య రవాణా మార్గము. రైలు మార్గము ద్వారా కైకలూరు చేరి అటుపై రోడ్డు ద్వారా ఈ ఊరు చేరవచ్చు. మొఖాసాకలవపూడి లేదా పుట్లచెరువు రైల్వే స్టేషన్లలో దిగినా దగ్గరగానే ఉంటుంది. మండవల్లి, అల్లూరు నుండి రోడ్దువరాణా సౌకర్యం ఉంది. రైల్వేస్టేషన్; విజయవాడ 64 కి.మీ

రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు ఉన్నాయి.

మార్కెటింగు, బ్యాంకింగు

గ్రామంలో వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. ఏటీఎమ్ గ్రామం నుండి 5 నుండి 10 కి.మీ. దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం గ్రామం నుండి 5 నుండి 10 కి.మీ. దూరంలో ఉంది. గ్రంథాలయం గ్రామం నుండి 5 నుండి 10 కి.మీ. దూరంలో ఉంది. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 9 గంటల పాటు వ్యవసాయానికి, 16 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

లింగాలలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 87 హెక్టార్లు

• సాగులో లేని భూముల్లో బీడు భూములు కానివి: 4 హెక్టార్లు

• నికరంగా విత్తిన భూమి: 390 హెక్టార్లు
• నీటి సౌకర్యం లేని భూమి: 9 హెక్టార్లు
• వివిధ వనరుల నుండి సాగునీరు లభిస్తున్న భూమి: 385 హెక్టార్లు

నీటిపారుదల సౌకర్యాలు

లింగాలలో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 385 హెక్టార్లు

ఉత్పత్తి

లింగాలలో ఈ కింది వస్తువులు ఉత్పత్తి అవుతున్నాయి.పూర్తిగా వ్యవసాయం పై ఆధారపడిన ఈ ఊరి ప్రజల ముఖ్య ఎగుమతి వరి. కృష్ణా నది పై విజయవాడ వద్ద గల ప్రకాశం వంతెన నుండి ప్రారంభమైన ఎడమ కాలువ ఈ ఊరి రైతులకు అన్నపూర్ణగా వారి అభివృద్ధికి తోడ్పడుతున్నది.చేపలు ఇక్కడి నుంచి కలకత్తా వంటి నగరాలకు ఎగుమతి అవుతాయి.

ప్రధాన పంటలు

వరి, చేపలు

పారిశ్రామిక ఉత్పత్తులు

బియ్యం

గ్రామంలో మౌలిక వసతులు

1. కంటి పరీక్షా కేంద్రo:- ఈ గ్రామంలో, 18 నెలల క్రితం, మల్లవరపు వెంకటప్పయ్య, మాణిక్యమ్మల ఙాపకార్ధం, ఆశ్రమ ఫౌండేషన్ మరియూ ఎల్.వి.ప్రసాద్ నేత్రసంస్థ సహకారంతో, గ్రామీణ కంటి పరీక్షా కేంద్రాన్ని స్థాపించారు. ఈ కేంద్రములో ఇప్పటివరకు, ఈ గ్రామస్తులకేకాక, చుట్టుపక్కల 3,000 మంది గ్రామస్తులకు చికిత్స అందించారు. దీనికి సహకారం అందించిన శ్రీ జి.ఎన్.రావుకు, 2014,డిసెంబరు-27వ తేదీనాడు గ్రామంలో సన్మానం నిర్వహించెదరు. [6]
2. పోస్టాఫీసు.

గ్రామంలో రాజకీయాలు

ఈ గ్రామం ఏలూరు పార్లమెంటు నియోజకవర్గం, కైకలూరు అసెంబ్లీ నియోజకవర్గానికి చెందింది.

గ్రామంలోని దర్శనీయ ప్రదేశాలు/దేవాలయాలు

1. ఈ గ్రామ ప్రాశస్త్యము, అక్కడి "దేవీతల్లి" అమ్మవారి దసరా ఉత్సవములు. సుమారు 65 సంవత్సరముల నుండి ఈ ఊరిలో దసరా నవరాత్రులు అత్యంత వైభవముగా జరుగుతున్నవి. ఊరి లోని వైశ్యులు, కాపులు నాయకత్వము వహించి, నిర్వహించు ఈ ఉత్సవములు వీక్షించుటకు చుట్టు ప్రక్కల గ్రామాల ప్రజలు వచ్చెదరు.ఇందులో ముఖ్య ఆకర్షణ హరికథ,బుర్రకథ, కోలాటము వంటి సాంసృతిక కార్యక్రమాలు జరుపుతారు.
2. ఈ ఊరిలో కృష్ణ జయంతి ఉత్సవములు యాదవులు జరుపుతారు.

ఈ గ్రామంలో రు.10 లక్షలతో పునర్నిర్మించిన శ్రీ నాగసుబ్రహ్మణ్యేశ్వరస్వామి ఆలయ విగ్రహ ప్రతిష్ఠ, 2013 నవంబరు 20, బుధవారం నాడు, వైభవోపేతంగా నిర్వహించారు. నాగసుబ్రహ్మణ్యేశ్వరుడు, వెంకటేశ్వరుడు, విఘ్నేశ్వరుడు, రాహువు, కేతువు, నాగబంధం విగ్రహాలను శాస్త్రోక్తంగా ప్రతిష్ఠించారు. తరువాత 5 వేలమందికి అన్నసమారాధన జరిగింది. [2]

1. శ్రీ గంగా విశాలక్ష్మీ సమేత శ్రీ విశ్వేశ్వరస్వామివారి ఆలయం.- ఈ ఆలయంలో స్వామివారి వార్షిక కళ్యాణోత్సవం, 2016,మే-20వ తేదీ శుక్రవారం, వైశాఖ శుద్ధచతుర్దశి రాత్రి, నయనానందకరంగా నిర్వహించారు. ఈ సందర్భంగా ఉదయం నుండియే ప్రత్యేకపూజలు, అభిషేకాలు, లింగార్చనలను నిర్వహించారు. స్వామి, అమ్మవారలను ప్రత్యేకంగా అలంకరించారు. మహాన్యాసపూర్వక రుద్రాభిషేకాన్ని నిర్వహించి, పంచామృతాలతో అభిషేకాలు నిర్వహించారు. రాత్రి 8 గంటల్కు కళ్యాణం ప్రారంభమై, అర్ధరాత్రి వరకు ప్రత్యేకపూజలతో కళ్యాణ మహోత్సవం సాగినది. ఈ కార్యక్రమానికి లింగాల గ్రామం చుట్టుప్రక్కల గ్రామాలనుండి భక్తులు అధికసంఖ్యలో పాల్గొని స్వామి, అమ్మవారలను దర్శించుకొని తీర్ధప్రసాదాలను స్వీకరించారు. 22వ తేదీ ఆదివారంనాడు, కళ్యాణ దంపతులకు పుష్పోత్సవం అనంతరం గ్రామోత్సవం, రాత్రికి పవళింపుసేవ తదితర కార్యక్రమాలు నిర్వహించెదరు.

గ్రామంలో ప్రధాన వృత్తులు

ఈ గ్రామంలో చాలా ప్రదేశములలో ఆయిల్ దొరుకుతుంది. దీనిని ఆధారము చేసుకోని చాలా వ్యవస్థలు నడుపుతున్నారు.

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 2442. ఇందులో పురుషుల సంఖ్య 1237, స్త్రీల సంఖ్య 1205, గ్రామంలో నివాస గృహాలు 623 ఉన్నాయి.