వరగాణి

వరగాణి, గుంటూరు జిల్లా, పెదనందిపాడు మండలంలోని గ్రామం. ఇది మండల కేంద్రమైన పెదనందిపాడు నుండి 2 కి. మీ. దూరం లోను, సమీప పట్టణమైన గుంటూరు నుండి 28 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1122 ఇళ్లతో, 3874 జనాభాతో 1892 హెక్టార్లలో విస్తరించి ఉంది. గ్రామంలో మగవారి సంఖ్య 1864, ఆడవారి సంఖ్య 2010. షెడ్యూల్డ్ కులాల సంఖ్య 1172 కాగా షెడ్యూల్డ్ తెగల సంఖ్య 181. గ్రామ జనగణన లొకేషన్ కోడ్ 590340

వరగాణి
రెవెన్యూ గ్రామం
వరగాణి
అక్షాంశ రేఖాంశాలు: 16°4′49″N 80°20′12″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	గుంటూరు
మండలం	పెదనందిపాడు
విస్తీర్ణం	18.92 కి.మీ2 (7.31 చ. మై)
జనాభా  (2011)	3,874
• జనసాంద్రత	200/కి.మీ2 (530/చ. మై.)
అదనపు జనాభాగణాంకాలు
• పురుషులు	1,864
• స్త్రీలు	2,010
• లింగ నిష్పత్తి	1,078
• నివాసాలు	1,122
ప్రాంతపు కోడ్	+91 ( 08643  )
పిన్‌కోడ్	522235
2011 జనగణన కోడ్	590340

గ్రామ భౌగోళికం

ఈ గ్రామం గుంటూరు నుండి పర్చూరు వెళ్ళె రహదారిలో, గుంటూరుకు సుమారు 20 కిలోమీటర్ల దూరంలో ఉంది.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు ఉన్నాయి.బాలబడి, ప్రాథమికోన్నత పాఠశాల, మాధ్యమిక పాఠశాల‌లు పెదనందిపాడులో ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల పెదనందిపాడులోను, ఇంజనీరింగ్ కళాశాల కుర్నూతలలోనూ ఉన్నాయి. సమీప మేనేజిమెంటు కళాశాల పెదనందిపాడులోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

వైద్య సౌకర్యం

ప్రభుత్వ వైద్య సౌకర్యం

ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. సమీప ప్రాథమిక ఆరోగ్య కేంద్రం, ప్రాథమిక ఆరోగ్య ఉప కేంద్రం గ్రామం నుండి 5 కి.మీ. లోపు దూరంలో ఉన్నాయి. పశు వైద్యశాల గ్రామం నుండి 5 కి.మీ. లోపు దూరంలో ఉంది. డిస్పెన్సరీ గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు. ఒక మందుల దుకాణం ఉంది.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

వరగానిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 కి.మీ. లోపు దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 కి.మీ. లోపు దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో ఏటీఎమ్, వాణిజ్య బ్యాంకు (భారతీయ స్టేట్‌బ్యాంకు) ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉంది. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.

సహకార బ్యాంకు గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 కి.మీ. లోపు దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉన్నాయి.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 21 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

వరగానిలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 256 హెక్టార్లు
• వ్యవసాయం సాగని, బంజరు భూమి: 1 హెక్టార్లు
• శాశ్వత పచ్చిక ప్రాంతాలు, ఇతర మేత భూమి: 1 హెక్టార్లు
• బంజరు భూమి: 64 హెక్టార్లు
• నికరంగా విత్తిన భూమి: 1567 హెక్టార్లు
• నీటి సౌకర్యం లేని భూమి: 733 హెక్టార్లు
• వివిధ వనరుల నుండి సాగునీరు లభిస్తున్న భూమి: 897 హెక్టార్లు

నీటిపారుదల సౌకర్యాలు

వరగానిలో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 437 హెక్టార్లు
• బావులు/బోరు బావులు: 254 హెక్టార్లు
• చెరువులు: 206 హెక్టార్లు

ఉత్పత్తి

వరగానిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

ప్రత్తి, మిరప, శనగ

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో పోపూరి పుణ్యకుమారి, సర్పంచిగా ఎన్నికైనాడు.

దర్శనీయ ప్రదేశాలు/దేవాలయాలు

శ్రీ రత్నగర్భ గణపతి వరసిద్ధి వినాయక, సీతలమ్మ తల్లి, శంఖుచక్ర నామాల దేవాలయాలు

ఈ ఆలయాల వార్షికోత్సవాల సందర్భంగా, 2015, జూన్-17వ తేదీ బుధవ్రాంనాడు, ఆలయంలో విశేషపూజలు నిర్వహించారు. భక్తబృందం సభ్యులు భజనలు చేసారు. అనంతరం భక్తులకు తీర్ధప్రసాదాలు పంపిణీచేసారు. [4]

శ్రీ గోవిందమాంబా సమేత శ్రీ వీరబ్రహ్మేంద్రస్వామివారి ఆలయం

ఈ పురాతన ఆలయం స్థానంలో నూతన ఆలయ నిర్మాణానికై, 2016, ఏప్రిల్-1వ తేదీ శుక్రవారంనాడు, శంకుస్థాపన నిర్వహించారు. ఈ కార్యక్రమంలో భాగంగా, 15 మంది దంపతులు పూజలు, యగ్నాలు నిర్వహించారు. [8]

గ్రామములోని ప్రధాన పంటలు

వరి, అపరాలు, కాయగూరలు

గ్రామములోని ప్రధాన వృత్తులు

వ్యవసాయం, వ్యవసాయాధారిత వృత్తులు

గ్రామ ప్రముఖులు

కందుల శ్రీనివాస్

వీరు ఫ్రాన్స్కు చెందిన ఐ.టి.సేవలు, కన్సల్టింగ్ సేవల కంపెనీ, క్యాప్ జెమిని కి భారతదేశ కార్యకలాపాలకు నాయకుడిగా ఎంపికైనారు. అంతర్జాతీయ కార్యకలాపాలు నిర్వహించే సంస్థకు భారతదేశ వ్యవహారాలకు పగ్గాలు చేపట్టి, గుంటూరు జిల్లాకే వన్నె తెచ్చారు. వీరు ఈ బాధ్యతలను 2016-జనవరిలో చేపట్టనున్నారు. వీరి తల్లిదండ్రులు బుల్లెమ్మ, వెంకటేశ్వర్లు. శ్రీనివాస్ ప్రాథమిక విద్యనుండి ఎం.బి.య్యే.వరకు చీరాలలో అభ్యసించారు. అనంతరం ఎన్.టి.పి.సి సంస్థలో జమ్ము, ఢిల్లీ లలో పనిచేసారు. క్యాప్ జెమిని సంస్థలో 10 సంవత్సరాల క్రితం చేరినారు. అ సంస్థలో అంచెలంచెలుగా ఎదిగి ఈ స్థాయికి చేరినారు.

గ్రామ విశేషాలు

1. వరగాణి గ్రామానికి చెందిన శ్రీ బొడ్డు సుబ్బారావు, ఐ.ఐ.టి. ఖరగ్ పూరు డైరెక్టరు చక్రవర్తి నుండి, డాక్టరేటు పట్టా పొందాడు. సెల్ టవర్లకు దూరంగా ఉన్నా, సెల్ ఫోన్లు మెరుగా పనిచేసే విధానంపై సమర్పించిన పరిశోధనా పత్రం కు, వీరికి ఈ డాక్టరేటు లభించింది. వీరు ఇంటరు పెదనందిపాడు ఆర్ట్స్ & సైన్స్ కలాశాలలోనూ, బి.టెక్./ఎం.టెక్. బాపట్ల ఇంజనీరింగ్ కళాశాలలోనూ చదివినారు.
2. రాజ్యసభ సభ్యులు జె.డి.శీలం, ఈ గ్రామాన్ని ఆకర్షణీయ గ్రామం (స్మార్ట్ విలేజ్) గా అభివృద్ధి చేయడానికై, ఈ గ్రామాన్ని దత్తత తీసుకున్నారు.

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 4074, ఇందులో పురుషుల సంఖ్య 2029, స్త్రీల సంఖ్య 2045, గ్రామంలో నివాస గృహాలు 1063 ఉన్నాయి.