సికార్ (రాజస్థాన్)
సికార్, భారతదేశంలోని, రాజస్థాన్ రాష్ట్రంలో జాతీయ రహదారి 52లో ఆగ్రా, బికనీర్ మధ్యలో ఉన్న ఒక నగరం. ఇది సికార్ జిల్లాకు ప్రధాన పరిపాలనా ప్రధాన కార్యాలయం. సికార్ ఒక చారిత్రక నగరం. ఈ నగరంలో పాత హవేలీలను మొఘల్-యుగంలో నిర్మించిన పెద్ద ఇళ్ళు కలిగి ఉన్నాయి. ఇది జైపూర్ నుండి 114 కి.మీ.దూరంలో ఉంది. జోధ్పూర్ నుండి 320 కి.మీ. దూరంలో, బికనీర్ నుండి 215 కి.మీ. దూరంలో, ఢిల్లీ నుండి 280 కి.మీ. దూరంలో ఉంది.
సికార్ | |
|---|---|
  సికార్ భారతదేశంలో రాజస్థాన్ రాష్ట్ర పటం  సికార్ సికార్ (India) | |
| Coordinates: 27°37′N 75°09′E / 27.62°N 75.15°E | |
 భారతదేశం | దేశం |
| రాష్ట్రం | రాజస్థాన్ |
| జిల్లా | సికార్ |
| Government | |
| • Type | మునిసిపల్ కౌన్సిల్ |
| • Body | సికార్ నగరపాలక సంస్థ |
| విస్తీర్ణం | |
| • Total | 26.57 కి.మీ2 (10.26 చ. మై) |
| Elevation | 427 మీ (1,401 అ.) |
| జనాభా (2020) | |
| • Total | 3,59,293 |
| • Rank | 6th |
| • జనసాంద్రత | 14,000/కి.మీ2 (35,000/చ. మై.) |
| భాషలు | |
| • అధికారిక | హిందీ |
| Time zone | UTC+5:30 (భారత ప్రామాణిక కాలమానం) |
| పిన్‌కోడ్ | 332001 |
| ప్రాంతీయ ఫోన్‌కోడ్ | 91-1572 |
| Vehicle registration | RJ-23 |
| అక్షరాస్యత | 81.25% (2nd) |
చరిత్ర
మార్చుసికార్ జైపూర్ రాష్ట్రంలో అతిపెద్ద టికానా (ఎస్టేట్). గతంలో సికార్‌ను షేఖావతి అని పిలిచేవారు. ఇది టికానా రాజధాని. సికార్ చుట్టూ ఏడు ప్రధాన ద్వారాల కలిగిన బలమైన గోడలు ఉన్నాయి. ఈ చారిత్రాత్మక ద్వారాలకు బవారీ, ఫతేపురి, నాని, సూరజ్‌పోల్, దుజోద్ గేట్ ఓల్డ్, దుజోద్ గేట్ న్యూ, చాంద్‌పోల్ ద్వారాలుగా పేర్లు పెట్టారు."బీర్ భంకా బాస్" సికార్ పురాతన పేరుగా ఉంది.
భౌగోళికం
మార్చుసికార్, సికార్ జిల్లాకు ప్రధాన కార్యాలయం.ఇది రాజస్థాన్ రాష్ట్రం తూర్పు భాగంలో ఉంది. రాజస్థాన్ రాష్ట్రంలో అత్యధిక జనాభా కలిగిన ఆరవ నగరం సికార్.ఇది 27°37′N 75°09′E / 27.62°N 75.15°E వద్ద ఉంది.[1] ఇది 427 మీటర్లు (1401అడుగులు) సగటు ఎత్తులో ఉంది.
జనాభా
మార్చు2011 జనాభా లెక్కల ప్రకారం సికార్ నగరం 237,579 మంది జనాభాను కలిగి ఉంది.[2] వీరిలో 123,156 మంది పురుషులు, 114,423 మంది మహిళలు ఉన్నారు.సికార్ నగర లింగ నిష్పత్తి ప్రతి 1000 మంది పురుషులకు 929 మంది మహిళలు కలిగి ఉన్నారు. విద్యకు సంబంధించిన లెక్కలు ప్రకారం సికార్ నగరంలో మొత్తం అక్షరాస్యులు 158,413 మంది ఉండగా, వారిలో 91,403 మంది పురుషులు కాగా, 67,010 మంది మహిళలు ఉన్నారు. సికార్ సిటీ సగటు అక్షరాస్యత రేటు 77.13 శాతం పురుషుల అక్షరాస్యత రేటు 86.29 శాతం ఉండగా,స్త్రీలు అక్షరాస్యత స్థితి 67.37 శాతం ఉంది.సికార్ నగరంలో 6 సంవత్సరంలలోపు మొత్తం పిల్లల జనాభా 32,189, ఇందులో 17,236 మంది బాలురు,14,953 మంది బాలికలు ఉన్నారు.
ఆసక్తి ఉన్న ప్రదేశాలు
మార్చు
- రాజ్‌కుమార్ హర్దియాల్ సింగ్ ప్రభుత్వ ప్రదర్శనశాల. సికార్
- సికార్ కోట
- శ్రీ దిగంబర్ జైన్ బడా మందిర్, (బవారీ ప్రధాన ద్వారం)
- హమీర్‌పురా రాజ భవనం (హమీర్‌పురా)
- రాణి మహల్
- నెహ్రూ ఉద్యానవనం
- దీపురా రాజాజీ కోట
పరిపాలన
మార్చుసికార్ నగరాన్ని నగరపాలక సంస్థ నిర్వహిస్తుంది.ఇది సికార్ పట్టణ సముదాయ పరిధిలోకి వస్తుంది. కొత్త నగరపాలక సంస్థ భవనం శేఖవతి శైలిలో నిర్మించబడింది.సికార్ నగరాన్ని 60 వార్డులుగా విభజించారు. సికార్ మెట్రోపాలిటన్ ప్రాంతంలో చంద్రపుర (గ్రామీణ), రాధాకృష్ణపుర, సమర్త్‌పురా, శివసింగ్‌పురా, సికార్ నగరం ఉన్నాయి.
రవాణా సౌకర్యాలు
మార్చురైలు
మార్చుసికార్ జంక్షన్ రైల్వే స్టేషన్ ఉంది.ఇది నార్త్ వెస్ట్రన్ రైల్వే భూభాగంలోకి వస్తుంది.సికార్ సిటీ నుండి ఝున్‌ఝును, రేవారి, ఢిల్లీ, చురు, బికనీర్, శ్రీ గంగానగర్, హిసార్, జైపూర్, కోట, అజ్మీర్,ఉదయపూర్, ఇండోర్, అహ్మదాబాద్, ముంబై ఇంకా దేశంలోని ఇతర నగరాలకు ప్రయాణ సౌకర్యం అనుసంధానించబడిఉంది.
త్రోవ
మార్చుసికార్ నుండి రాజస్థాన్ లోని అన్ని ప్రధాన నగరాలుకు, సమీప రాష్ట్రాలకు రోడ్ల ద్వారా బాగా అనుసంధానించబడి ఉంది. నాలుగు వరుసల జాతీయ రహదారి జాతీయ రహదారి-52 నగరం గుండా వెళుతుంది.జాతీయ రహదారి-52 జైపూర్, బికనీర్‌తో సికార్‌ను కలుపుతుంది.పశ్చిమ సరుకు రవాణా కారిడార్ కేంద్ర ప్రభుత్వ ప్రధాన ప్రాజెక్టుగా సికార్ రింగాస్ గుండా వెళుతుంది. కోట్పుతాలి కుచమన్ మెగా హైవే కూడా సికార్ గుండా వెళుతుంది.
గాలి
మార్చుసికార్ నగరానికి సమీప విమానాశ్రయం జైపూర్ అంతర్జాతీయ విమానాశ్రయం. ఇది ఢిల్లీ, ముంబై, హైదరాబాద్, బెంగళూరు, పూణే, ఇండోర్, అహ్మదాబాద్, చెన్నై, గువహతి, కోల్‌కతా,ఉదయపూర్, దుబాయ్, షార్జా, మస్కట్ లకు రోజువారీ విమానాలను నడుపుతుంది.డబ్బు చెల్లింపు పద్ధతిపై చిన్న అనధికార సంస్థలకు చెందిన విమానాలు దిగటానికి తార్పురా పట్టణంలో ఒక చిన్న ప్రదేశం అందుబాటులో ఉంది.
విద్య
మార్చురాజస్థాన్ రాష్ట్రంలో సికార్ ప్రధాన విద్యా కేంద్రం. సికార్‌ను రాజస్థాన్ విద్యా నగరం అంటారు. సికార్లో చదువుతున్నఇతర రాష్ట్రాల, నగరాలు, గ్రామాల నుండి చదువుకునే విద్యార్థులు ఉన్నారు. ఆర్ట్, సైన్స్, కామర్స్ విద్యను అందించే అనేక ప్రభుత్వ కళాశాలలతో పాటు, అనేక అనధికార సంస్థలకు చెందిన విద్యాసంస్థలు కూడా నగరంలో ఉన్నాయి. పండిట్ దీన్‌దయాల్ ఉపాధ్యాయ శేఖవతి విశ్వవిద్యాలయాన్ని 2013 లో రాజస్థాన్ ప్రభుత్వం ప్రారంభించింది. సికార్ ఐఐటి, జెఇఇ, ఎన్ఇఇటి కోచింగ్ కు అభివృద్ధి చెందుతున్న కేంద్రంగా ఉంది.
- శ్రీ కళ్యాణ్ ప్రభుత్వ కళాశాల
- సికార్ మెడికల్ కళాశాల షేఖావతి
గుర్తింపు ఉన్న వ్యక్తులు
మార్చు- జమ్నాలాల్ బజాజ్ - బజాజ్ గ్రూప్ వ్యవస్థాపకుడు
- భైరోన్ సింగ్ షేఖావత్ - భారత మాజీ ఉపాధ్యక్షుడు
- శ్రీమతి ప్రతిభా పాటిల్ - భారత మాజీ మహిళా అధ్యక్షురాలు
- ప్రియన్ సైన్ - మిస్ ఎర్త్ ఇండియా 2023 విజేత
ఇది కూడ చూడు
మార్చుమూలాలు
మార్చు- ↑ "Falling Rain Genomics, Inc a – Sikar". Fallingrain.com. Retrieved 2011-12-29.
- ↑ "Census 2011 data – Sikar city". census2011.co.in. Retrieved 2011-12-29.