సి పి బ్రౌన్ పురస్కారం

అనువాదం, పరిశోధన, నిఘంటు నిర్మాణాల్లో తెలుగు జాతికి ఎనలేని సేవలందిచిన సి.పి. బ్రౌన్ స్మృత్యర్థం ఈ పురస్కారం నెలకొల్పబడింది. దీనిని తమ్మినేని యదుకుల భూషణ్ గారు నెలకొల్పారు. ప్రతి ఏట ఈ పురస్కారాన్ని (పదివేల నూట పదహారు రూపాయిలు) నవంబరు 24 వ తారీకు ఇస్మాయిల్ గారి సంస్మరణ సభలో ప్రదానం చేస్తారు. 2011 నుంచి ఈ పురస్కారాన్ని పాతిక వేలా నూట పదహార్లకి పెంచారు.

సి పి బ్రౌన్

ఎంపిక పద్ధతి

బ్రౌన్ పురస్కారం ఎంపికలో పాటించే పద్ధతులు.

1.బ్రౌన్ పురస్కారం అనువాదం,నిఘంటునిర్మాణం,పరిశోధనరంగాల్లో కృషి చేసిన పండితులకే.

2.ఒక్కొక్క ఏడాది ఒక్కొక్క రంగంలో కృషి చేసిన పండితుణ్ణి గుర్తించి గౌరవిస్తారు.

3.గ్రంథానికి సరిపడా వ్యాసాలున్న పక్షంలో దేశి బుక్స్ తరపున గ్రంథాన్ని ప్రకటిస్తారు.

4.పురస్కార గ్రహీతలు ముందు ముందు తమకు నచ్చిన పండితుణ్ణి సూచించవచ్చు.

5.ఎంపికలో తుది నిర్ణయం ఐదుగురు సభ్యులున్న కమిటీదే.

పురస్కార గ్రహీతలు

సంవత్సరం	రచయిత	పుస్తకం	సభా స్థలం
2007	దేశెట్టి కేశవ రావు	Tree, My Guru, ఇస్మాయిల్ "చెట్టు నా ఆదర్శం"కి ఆంగ్లానువాదం	కడప
2008	జొన్నలగడ్డ వేంకటేశ్వర శాస్త్రి	J.P.L. గ్విన్ నిఘంటు నిర్మాణంలో సహ సంపాదకత్వం	హైదరాబాద్
2009	జెజ్జాల కృష్ణమోహన రావు	ఛందశ్శాస్త్రంపై పరిశోధన	న్యూజెర్సీ
2010	దీవి సుబ్బారావు	కన్నడ వచనాలు - అనువాదం	హైదరాబాద్
2011	కోరాడ మహాదేవ శాస్త్రి	భాషా శాస్త్రంలో ఏడు దశాబ్దాల అవిరళ కృషి, పరిశోధన	చెన్న పట్నం
2012	ఆలూరి భుజంగ రావు	చారిత్రక నవలా సాహిత్యం, తత్వ శాస్త్రం - అనువాదాలు	గుంటూరు
2013	రవ్వా శ్రీహరి	భాషా శాస్త్రంలో కృషి,నిఘంటు నిర్మాణం, పరిశోధన	తిరుపతి
2014	పుచ్చా వాసుదేవ పరబ్రహ్మ శాస్త్రి	యావజ్జీవితం శాసన పరిశోధన	హైదరాబాద్
2015	యల్లపు ముకుంద రామారావు	దశాబ్ద కాలంగా వివిధ అనువాదాలు	హ్యూస్టన్

బయటి లింకులు

• "ఈ మాట" ప్రకటన Archived 2009-01-08 at the Wayback Machine
• "సాక్షి" ప్రకటన
• "దట్స్ తెలుగు" ప్రకటన
• 2009 "ఈ మాట" ప్రకటన Archived 2010-01-16 at the Wayback Machine