ఎదురులేని మనిషి (2001 సినిమా)
ఎదురులేని మనిషి జొన్నలగడ్డ శ్రీనివాసరావు దర్శకత్వంలో 2001 లో విడుదలైన చిత్రం.[1] ఇందులో నాగార్జున, సౌందర్య, షెహనాజ్, నాజర్ ముఖ్యపాత్రలు పోషించారు. ఈ సినిమాను కామాక్షీ మూవీస్ పతాకంపై డి. శివప్రసాద్ రెడ్డి నిర్మించాడు. ఎస్. ఎ. రాజ్ కుమార్ సంగీతం అందించాడు.
| ఎదురులేని మనిషి | |
|---|---|
| దర్శకత్వం | జొన్నలగడ్డ శ్రీనివాసరావు |
| నిర్మాత | డి. శివప్రసాద్ రెడ్డి |
| తారాగణం | అక్కినేని నాగార్జున, సౌందర్య, కోట శ్రీనివాసరావు, అచ్యుత్, సుహాని కలిత |
| సంగీతం | ఎస్. ఎ. రాజ్‌కుమార్ |
నిర్మాణ సంస్థ | |
విడుదల తేదీ | 2001 |
| భాష | తెలుగు |
కథ సవరించు
సూర్యమూర్తి ఊరికి పెద్దమనిషి. ఊర్లో అందరూ అతన్ని గౌరవంగా చూస్తుంటారు. సూర్యమూర్తి తన తాత, బామ్మ, ఒక చిన్న పాపతో కలిసి ఉంటాడు. అతని లాగే ఉండే తమ్ముడు సత్య హైదరాబాదులో కంప్యూటర్ సైన్సులో ఇంజనీరింగ్ పూర్తి చేసుకుని వస్తాడు. సత్యకి తెలుగు తెలియని ఒక అమ్మాయి స్నేహితురాలిగా ఉంటుంది. సూర్యమూర్తి పెళ్ళి వయసు వచ్చినా జీవితాంతం పెళ్ళి చేసుకోనని అంటూ ఉంటాడు. కానీ అతనికి ఎలాగైనా పెళ్ళి చేయాలని అమ్మాయికోసం వెతుకుతుంటాడు సత్య. అప్పుడే అతనికి వసుంధర తారసపడుతుంది. కొన్ని సంఘటనల తర్వాత ఆమె సూర్యమూర్తితో పెళ్ళికి ఒప్పుకొంటుంది. అప్పుడే ఆమెకు ఒక నిజం తెలుస్తుంది. తన అక్క భవానిని పెళ్ళి చేసుకుంది సూర్యమూర్తి, సత్య అన్న అనీ, సూర్యమూర్తి వల్ల అతను చనిపోయాడనీ తన కుమార్తె రాణిని సూర్యమూర్తి బలవంతంగా తీసుకుని వెళ్ళిపోయాడని చెబుతుంది. వసుంధర సూర్యమూర్తిని పెళ్ళి చేసుకుని ఆ కుటుంబం మీద పగ సాధించాలని చూస్తుంది. వసుంధర కొన్ని నాటకాలు ఆడి సూర్యమూర్తిని మెప్పించాలని ప్రయత్నిస్తుంది. చివరికి అందరి బలవంతం మేరకు సూర్యమూర్తి వసుంధరను పెళ్ళి చేసుకోవడానికి ఒప్పుకొంటాడు. పెళ్ళైన తర్వాత పురోహితుడితో కలిసి కొన్ని రోజుల దాకా శోభన ముహూర్తం వాయిదా వేస్తుంది వసుంధర. తర్వాత ఒక దొంగ ద్వారా వాళ్ళింట్లో నగలు దొంగతనం చేయించి అక్క దగ్గరికి చేర్చాలని చూస్తుంది. కానీ ఆదొంగ పోలీసులకు పట్టుబడిపోతాడు. ఈ లోపు సత్య వసుంధరకు నిజం చెబుతాడు. నిజానికి భవాని ప్రవర్తన మంచిది కాదనీ అందుకే సూర్యమూర్తి రాణిని బలవంతంగా తీసుకువచ్చేశాడని తెలుస్తుంది. వసుంధర సూర్యమూర్తి మంచి మనసును అర్థం చేసుకుంటుంది. వదినను కాపాడటం కోసం దొంగతనం కేసును తనమీద వేసుకుంటాడు సత్య. చివరికి కుటుంబం అంతా ఎలా ఒక్కటైందనేది మిగతా కథ.
తారాగణం సవరించు
- సూర్యమూర్తి/సత్యగా నాగార్జున ద్విపాత్రాభినయం
- వసుంధరగా సౌందర్య
- షెహనాజ్
- సూర్యమూర్తి తాతగా సత్యనారాయణ
- నాజర్
- కోట శ్రీనివాసరావు
- బ్రహ్మానందం
- ఆలీ
- చంద్రమోహన్
- వేణుమాధవ్
- ఎల్. బి. శ్రీరామ్
- సత్యప్రకాష్
- పొన్నంబళం
- సూర్య
- గాజర్ ఖాన్
- రంగనాథ్
- బాలయ్య
- అచ్యుత్
- ప్రసాద్ బాబు
- అనంత్
- గుండు హనుమంతరావు
- గాదిరాజు సుబ్బారావు
- చంద్రమౌళి
- విజయకుమారి
- సుధ
- యమున
- సుహాని కలిత
మూలాలు సవరించు
- ↑ "Telugu Cinema - Eduruleni Manishi - Nagarjuna, Shehnaz & Soundarya". www.idlebrain.com. Retrieved 2020-06-23.