ఏలేటి అన్నపూర్ణ
ఏలేటి అన్నపూర్ణ తెలంగాణ రాష్ట్రానికి చెందిన రాజకీయ నాయకురాలు. ఉమ్మడి ఆంధ్రప్రదేశ్ మాజీ శాసనసభ్యడు ఆలేటి మహీపాల్ రెడ్డి భార్యైన ఈవిడ తెలుగుదేశం పార్టీ తరపున ఆర్మూర్ శాసనసభ నియోజకవర్గం నుండి 1994, 2009లో ప్రాతినిథ్యం వహించింది.[1][2][3]
| ఏలేటి అన్నపూర్ణ | |||
| |||
| అధికారంలో ఉన్న వ్యక్తి | |||
| అధికార ప్రారంభం 1994 - 1999, 2009 - 2014 | |||
| నియోజకవర్గం | ఆర్మూర్ శాసనసభ నియోజకవర్గం | ||
|---|---|---|---|
వ్యక్తిగత వివరాలు
|
|||
| జననం | మే 7, 1956 వేల్పూరు, నిజామాబాద్ జిల్లా, తెలంగాణ, భారతదేశం | ||
| జాతీయత | భారతీయురాలు | ||
| రాజకీయ పార్టీ | భారతీయ జనతా పార్టీ | ||
| ఇతర రాజకీయ పార్టీలు | తెలుగుదేశం పార్టీ | ||
| జీవిత భాగస్వామి | ఏలేటి మహిపాల్ రెడ్డి | ||
| సంతానం | ఏలేటి మల్లికార్జున్ రెడ్డి, ఏలేటి నాగార్జునరెడ్డి | ||
| నివాసం | హైదరాబాద్, తెలంగాణ, భారతదేశం | ||
జననం - విద్యాభ్యాసం మార్చు
అన్నపూర్ణ 1956, మే 7న వేముల నర్సారెడ్డి, గంగవ్వ దంపతులకు తెలంగాణ రాష్ట్రం, నిజామాబాద్ జిల్లా లోని వేల్పూరు లో జన్మించింది. డిగ్రీ వరకు చదువుకుంది.[4]
వివాహం - పిల్లలు మార్చు
1972, మే 25న ఏలేటి మహిపాల్ రెడ్డి తో అన్నపూర్ణ వివాహం జరిగింది. వీరికి ఇద్దరు కుమారులు ఏలేటి మల్లికార్జున్ రెడ్డి, ఏలేటి నాగార్జునరెడ్డి ఉన్నారు.
రాజకీయ ప్రస్థానం మార్చు
ఏలేటి అన్నపూర్ణ 1992లో రాజకీయాల్లోకి ప్రవేశించింది. నిజామాబాద్ జిల్లా టిడిపి ఉపాధ్యక్షులుగా పనిచేసింది. 1994లో అసెంబ్లీ ఎన్నికల్లో తెలుగుదేశం పార్టీ తరపున ఆర్మూర్ శాసనసభ నియోజకవర్గం నుండి పోటిచేసి, స్వతంత్ర అభ్యర్థైన బాజిరెడ్డి గోవ‌ర్ద‌న్ పై విజయం సాధించింది. ఆ సమయంలో రాష్ట్ర మహిళా సంక్షేమ శాఖ ఛైర్మెన్ గా పనిచేసింది. 1999లో భారత జాతీయ కాంగ్రేసు అభ్యర్థి బాజిరెడ్డి గోవ‌ర్ద‌న్ చేతిలో, 2004లో తెలంగాణ రాష్ట్ర సమితి అభ్యర్ధి శనిగరం సంతోష్ రెడ్డి చేతిలో ఓడిపోయింది. ఆమె 2009లో కాంగ్రెస్ పార్టీ అభ్యర్ధి కె.అర్.సురేష్ రెడ్డిపై విజయం సాధించింది.
ఏలేటి అన్నపూర్ణ 2019 నవంబర్ 2న టీడీపీ ప్రాథమిక సభ్యత్వానికి, రాష్ట్ర ఉపాధ్యక్ష పదవికి రాజీనామా చేసి,[5] ఢిల్లీలో బీజేపీ వర్కింగ్‌ ప్రెసిడెంట్‌ జేపీ నడ్డా సమక్షంలో 3 నవంబర్ 2019న బీజేపీలో చేరింది.
మూలాలు మార్చు
- ↑ మననాయకుడు. "ఆలేటి అన్నపూర్ణ". mananayakudu.com. Retrieved 12 May 2017.[permanent dead link]
- ↑ మైనేత. "Annapurna Aleti". myneta.info. Retrieved 12 May 2017.
- ↑ Eenadu (24 October 2023). "కమల దళం సిద్ధం". Archived from the original on 24 October 2023. Retrieved 24 October 2023.
- ↑ Eenadu (14 November 2023). "మన అభ్యర్థులవి పెద్ద చదువులే". Archived from the original on 14 November 2023. Retrieved 14 November 2023.
- ↑ Sakshi (2 November 2019). "టీడీపీకి అన్నపూర్ణమ్మ రాజీనామా". Archived from the original on 25 November 2021. Retrieved 25 November 2021.