కొమ్ము పాపయ్య తెలంగాణ రాష్ట్రంకు చెందిన చెందిన మాజీ మంత్రి, మాజీ శాసనసభ్యుడు. 1978, 1983లో రామన్నపేట నియోజకవర్గం నుంచి భారతీయ జాతీయ కాంగ్రెస్ అభ్యర్థిగా పోటీ చేసి గెలుపొందడమేకాకుండా, 1983లో అంజయ్య మంత్రివర్గంలో విద్యుత్తు శాఖ మంత్రిగా నెల రోజులు పనిచేశాడు.[1]

కొమ్ము పాపయ్య
కొమ్ము పాపయ్య


శాసనసభ్యుడు
పదవీ కాలము
1978 – 1983
నియోజకవర్గము రామన్నపేట నియోజకవర్గం, తెలంగాణ

వ్యక్తిగత వివరాలు

మరణం సెప్టెంబర్ 6, 2017
హైదరాబాద్, తెలంగాణ
రాజకీయ పార్టీ భారతీయ జాతీయ కాంగ్రెస్
నివాసము హైదరాబాద్, తెలంగాణ
పూర్వ విద్యార్థి ఉస్మానియా విశ్వవిద్యాలయం

జననం - విద్యాభ్యాసంసవరించు

పాపయ్య యాదాద్రి భువనగిరి జిల్లా, అడ్డగూడూర్ మండలం, బొడ్డుగూడెం లోని కొమ్ము రామయ్య, రామక్కలకు జన్మించాడు. బొడ్డుగూడెం ఉన్నత పాఠశాలలో 10వ తరగతి వరకు చదువుకున్న పాపయ్య, భువనగిరి లో పీయూసీ, హైదరాబాద్ లోని నిజాం కళాశాల లో డిగ్రీ పూర్తిచేశాడు. అనంతరం ఉస్మానియా విశ్వవిద్యాలయం లో న్యాయశాస్త్రం చదివాడు

కుటంబంసవరించు

పాపయ్య యాదవ్‌కు భార్య భారతమ్మ, కుమారులు వాసు నారాయణ, జగన్మోహన్, కూతురు ప్రభావతి ఉన్నారు. చిన్నకుమారుడు జగన్మోహన్ అమెరికాలో సాప్గ్‌వేర్ ఉద్యోగం చేస్తుండగా, పెద్దకుమారుడు హైద్రాబాద్‌లో వ్యాపారం చేస్తున్నారు.

రాజకీయ ప్రస్థానంసవరించు

చిన్నప్పటి నుండి నాయకత్వ లక్షణాలు కలిగిన పాపయ్య కాంగ్రెస్ పార్టీ కార్యక్రమాలలో చురుగ్గా పాల్గొనేవాడు. దాంతో కాంగ్రెస్ పార్టీ 1978 అసెంబ్లీ ఎన్నికల్లో పాపయ్యను రామన్నపేట నియోజకవర్గం నుండి కాంగ్రెస్ పార్టీ అభ్యర్థిగా బరిలోకి దించింది. ఆ ఎన్నికల్లో సీపీఐ అభ్యర్థి గుర్రం యాదగిరి రెడ్డి పై విజయం సాధించాడు. 1983లో అదే నియోజకవర్గం నుండి సీపీఐ అభ్యర్థి కె. సుశీలదేవి పై గెలుపొంది, అప్పటి ముఖ్యమంత్రి టి. అంజయ్య మంత్రివర్గంలో విద్యుత్తు శాఖ మంత్రిగా నెలరోజులు పనిచేసాడు. ఇందిరాగాంధీ అనుచరుడిగా ఉన్న పాపయ్య, హకా కార్పొరేషన్ ఛైర్మెన్ గా, నేషనల్ సీడ్ కార్పొరేషన్ డైరెక్టర్ గా పనిచేసాడు.

మరణంసవరించు

ఆరు నెలలుగా అనారోగ్యంతో బాధపడుతున్న పాపయ్య హైదరాబాద్‌ లోని నాగోల్‌ లోగల తన స్వగృహంలో 2017, సెప్టెంబర్ 6 న మరణించాడు.[2][3][4]

మూలాలుసవరించు

  1. ఈనాడు, యాదాద్రి భువనగిరి జిల్లా ఎడిషన్, 07.09.2017., పేజీ.2.
  2. నమస్తే తెలంగాణ. "మాజీ మంత్రి పాపయ్య కన్నుమూత". Retrieved 13 September 2017.
  3. ఆంధ్రజ్యోతి. "మాజీ మంత్రి కొమ్ము పాపయ్య మృతి". Archived from the original on 11 ఏప్రిల్ 2020. Retrieved 13 September 2017.
  4. మన తెలంగాణ. "మాజీ మంత్రి కొమ్ము పాపయ్య మృతి". Archived from the original on 11 సెప్టెంబర్ 2017. Retrieved 13 September 2017.