గన్నవరం శాసనసభ నియోజకవర్గం (కృష్ణా జిల్లా)

గన్నవరం శాసనసభ నియోజకవర్గం, ఆంధ్రప్రదేశ్ శాసనసభకు ప్రతినిధులను ఎన్నుకునే ఆంధ్రప్రదేశ్‌లోని కృష్ణా జిల్లా (పాక్షికం), ఎన్.టి.ఆర్. జిల్లాలో (పాక్షికం)లో ఒక నియోజకవర్గం. మచిలీపట్నం లోక్‌సభ నియోజకవర్గంలోని ఏడు శాసనసభ నియోజకవర్గాలలో ఇది ఒకటి.

గన్నవరం శాసనసభ నియోజకవర్గం

ఆంధ్రప్రదేశ్ శాసనసభ నియోజకవర్గం

దేశం	భారతదేశం
వున్న పరిపాలనా ప్రాంతం	కృష్ణా జిల్లా
అక్షాంశ రేఖాంశాలు	16°32′24″N 80°48′0″E

గన్నవరం శాసనసభ్యునిగా సేవలందించిన పుచ్చలపల్లి సుందరమ్మ

యార్లగడ్డ వెంకటరావు 2024 ఆంధ్రప్రదేశ్ శాసనసభ ఎన్నికలలో తెలుగుదేశం పార్టీ నుండి గెలిచి, ప్రస్తుత నియోజకవర్గం శాసనసభ్యునిగా ఉన్నారు. Asఈ నియోజకవర్గం డీలిమిటేషన్ ఆర్డర్స్ (1955) ప్రకారం 1955లో స్థాపించబడింది.

చరిత్ర

గన్నవరం నియోజకవర్గం 1955 లో ఏర్పడింది. గన్నవరం, ఉంగుటూరు మండలాలు పూర్తిగా, కంకిపాడు మండలంలోని రెండు, బాపులపాడు మండలంలోని తొమ్మిది గ్రామాలు, ఉయ్యూరు మండలంలోని రెండు గ్రామాలు కలిపి నియోజకవర్గాన్ని ఏర్పాటు చేశారు.

పునర్విభజన తదుపరి గన్నవరం, ఉంగుటూరు, బాపులపాడు మండలాల పరిధిలోని గ్రామాలు పూర్తిగా, విజయవాడ రూరల్‌ మండలంలోని తొమ్మిది గ్రామాలతో నియోజకవర్గాన్ని పునర్విభజించారు. తూర్పున ఉంగుటూరు మండలం కొయ్యగూరపాడు, పడమరన విజయవాడ రూరల్‌ మండలంలోని పి.నైనవరం, దక్షిణాన రామవరప్పాడు, ఉత్తరాన బొమ్ములూరు గ్రామాలు నియోజకవర్గంలో ఉన్నాయి.

నియోజకవర్గ ప్రజలలో సామాజిక ఆర్థిక పరిస్థితుల జీవనశైలిలో ఇక్కడ నిరుపేదలు, దళిత, వ్యవసాయ కార్మికులు ఎక్కువ. ప్రస్తుతం నిర్మాణంలో ఉన్న ప్రాజెక్టులు, పెద్ద పథకాలు అయిన ఐటీ పార్కు, విమానాశ్రయ అభివృద్ధి, పోలవరం తవ్వకం వంటివి ఈ నియోజకవర్గంలో ఉన్నాయి.

నియోజకవర్గంలోని మండలాలు

• ఉంగుటూరు
• గన్నవరం
• నందివాడ
• బాపులపాడు
• విజయవాడ గ్రామీణ (పాక్షికం)

నైసర్గికం

• విజయవాడ, రామవరప్పాడు రింగ్‌ నుంచి గన్నవరం నియోజకవర్గం వస్తుంది.

ముఖ్యమైన ప్రదేశాలు

విమానాశ్రయం, ఐటీపార్కు . సూరంపల్లి పారిశ్రామిక వాడ, పశుదాణా కర్మాగారం, డెల్టా షుగర్స్‌, పట్టుగూళ్ల పరిశ్రమ, శ్రీనివాస హేచరీస్‌ వంటివి ఉన్నాయి. పెద అవుటుపల్లిలో జోసెఫ్‌ తంబి పుణ్యక్షేత్రం, చిక్కవరం గ్రామములో బ్రహ్మయ్య లింగం ఆలయం, హనుమాన్ జంక్షన్‌లో అభయాంజనేయస్వామి దేవాలయం ఉన్నాయి.

ప్రముఖులు

ఈ నియోజకవర్గం నుంచి రాష్ట్ర, జాతీయ స్థాయిలో ప్రముఖుల పేర్లు ఉన్నాయి. కవి విశ్వనాథ సత్యనారాయణ, పారిశ్రామిక వేత్త దాసరి జైరమేష్‌, తమిళనాడు మాజీ గవర్నర్‌ పీఎస్‌.రామ్మోహనరావు, పుచ్చలపల్లి సుందరయ్య, కంభంపాటి రామ్మోహనరావు, గద్దె రామ్మోహనరావు, తానా అధ్యక్షుడు టీబీఆర్‌ ప్రసాద్‌, కేవీపీ రామచంద్రరావు వంటి వారు ఎందరో ఉన్నారు.

1983 ఎన్నికలు

1983 రాష్ట్ర శాసనసభ ఎన్నికలలో తెలుగుదేశం పార్టీ అభ్యర్థి ముసునూరు రత్నబోస్ తన సమీప ప్రత్యర్థి కాంగ్రెస్ పార్టీ అభ్యర్థి అయిన కొమ్మినేని శేషగిరిరావుపై 1211 ఓట్ల మెజారిటీతో విజయం సాధించాడు. రత్నబోస్‌కు 23436 ఓట్లు రాగా, శేషగిరిరావుకు 22225 ఓట్లు లభించాయి.

2004 ఎన్నికలు

2004లో జరిగిన శాసనసభ ఎన్నికలలో గన్నవరం శాసనసభ నియోజకవర్గం నుండి కాంగ్రెస్ పార్టీకిచెందిన ఎం.వెంకటేశ్వరరావు తన సమీప ప్రత్యర్థి అయిన తెలుగుదేశం పార్టీకి చెందిన డి.వి.బలవర్థన్ రావుపై 2235 ఓట్ల ఆధిక్యతతో విజయం సాధించాడు. వెంకటేశ్వరరావుకు 42444 ఓట్లు లభించగా, బలవర్థన్ రావు 40209 ఓట్లు పొందినాడు.

2009 ఎన్నికలు

2009 ఎన్నికలలో తెలుగుదేశం పార్టీ తరఫున పోటీచేసిన డి.బాలవర్థనరావు తన సమీప ప్రత్యర్థి, కాంగ్రెస్ పార్టీ అభ్యర్థి పి.వెంకటేశ్వరరావుపై 17195 ఓట్ల ఆధిక్యతతో విజయం సాధించాడు.

2014 ఎన్నికలు

2014 ఎన్నికలలో తెలుగుదేశం పార్టీ తరఫున పోటీచేసిన వల్లభనేని వంశీమోహన్ తన సమీప ప్రత్యర్థి, వైకాపా అభ్యర్థి దుట్టా రామచంద్రరావు 9548 ఓట్ల ఆధిక్యతతో విజయం సాధించాడు.

ఎన్నికైన శాసనసభ్యులు

ఇంతవరకు సంవత్సరాల వారీగా నియోజకవర్గంలో గెలుపొందిన సభ్యుల పూర్తి వివరాలు ఈ క్రింది పట్టికలో నుదహరించబడినవి

సంవత్సరం	సభ్యుడు	రాజకీయ పార్టీ
1955	పుచ్చలపల్లి సుందరయ్య		కమ్యూనిస్ట్ పార్టీ ఆఫ్ ఇండియా
1962
1967	వి. సీతా రామయ్య		భారత జాతీయ కాంగ్రెస్
1968	కె. వెంకట రత్నం
1972	టీఎస్ ఆనంద్ బాబు
1978	పుచ్చలపల్లి సుందరయ్య		కమ్యూనిస్ట్ పార్టీ ఆఫ్ ఇండియా
1983	ఎం. రత్న బోస్		తెలుగుదేశం పార్టీ
1985	ఎం. బాలకృష్ణారావు
1989	ఎం. రత్న బోస్		భారత జాతీయ కాంగ్రెస్
1994	గద్దె రామమోహన్ రావు		స్వతంత్ర
1999	డివి బాలవర్ధనరావు		తెలుగుదేశం పార్టీ
2004	ఎం. వెంకటేశ్వరరావు		స్వతంత్ర
2009	డివి బాలవర్ధనరావు		తెలుగుదేశం పార్టీ
2014	వల్లభనేని వంశీ మోహన్
2019
2024	యార్లగడ్డ వెంకటరావు

ఎన్నికల సరళి

సంవత్సరం	రకం	గెలుపొందిన అభ్యర్థి	లింగం		పార్టీ	ఓట్లు	ప్రత్యర్థి	లింగం		పార్టీ	ఓట్లు
2024	జనరల్	యార్లగడ్డ వెంకట రావు	పు		తె.దే.పా	135552	వల్లభనేని వంశీమోహన్	పు		తె.దే.పా	103043
2019	జనరల్	వల్లభనేని వంశీమోహన్	పు		తె.దే.పా	103881	యార్లగడ్డ వెంకట రావు	పు		వై.కా.పా	97924
2014	జనరల్	వల్లభనేని వంశీమోహన్	పు		తె.దే.పా	99163	దుట్టా రామచంద్రరావు	పు		వై.కా.పా	89615
2009	జనరల్	దాసరి బాలవర్ధనరావు	పు		తె.దే.పా	82218	ముద్రబోయిన వెంకటేశ్వర రావు	పు		కాంగ్రెస్	66923
2004	జనరల్	ముద్రబోయిన వెంకటేశ్వర రావు	పు		ఇతరులు	42444	దాసరి బాలవర్ధనరావు	పు		తె.దే.పా	40209
1999	జనరల్	దాసరి బాలవర్ధనరావు	పు		తె.దే.పా	49563	ముద్రబోయిన వెంకటేశ్వర రావు	పు		కాంగ్రెస్	27763
1994	జనరల్	గద్దే రామమోహన్	పు		ఇతరులు	45824	దాసరి బాలవర్ధనరావు	పు		తె.దే.పా	35121
1989	జనరల్	ముసునూరు రత్న బోస్	పు		కాంగ్రెస్	43225	ములుపూరు బాల క్రిష్ణరావు	పు		తె.దే.పా	42510
1985	జనరల్	ములుపూరు బాల క్రిష్ణరావు	పు		తె.దే.పా	40641	కొలుసు పెద బెద్దయ్య	పు		కాంగ్రెస్	35072
1983	జనరల్	రత్న బోస్ ముసునూరు	పు		ఇతరులు	23436	శేషగిరిరావు కొమ్మినేని	పు		కాంగ్రెస్	22225
1978	జనరల్	పుచ్చలపల్లి సుందరయ్య	పు		సిపిఐ(ఎం)	35984	లంక వేంకటేశ్వర రారు (చిన్ని)	పు		కాంగ్రెస్	18472
1972	జనరల్	ఇ.ఎస్.ఆనంద బాయి తప్పట	పు		కాంగ్రెస్	21662	అట్లూరి శ్రీమన్నారాయణ	పు		సిపిఐ(ఎం)	21307
1967	జనరల్	వి.సీతారామయ్య	పు		కాంగ్రెస్	27656	ఎస్.మనికొండ	పు		సిపిఐ(ఎం)	23727
1962	జనరల్	పుచ్చలపల్లి సుందరయ్య	పు		సి.పి.ఐ	28264	కలపల సూర్య ప్రకాశరావు	పు		కాంగ్రెస్	23463
1955	జనరల్	పుచ్చలపల్లి సుందరయ్య	పు		సి.పి.ఐ	22575	వెలివెల సీతారామయ్య	పు		కాంగ్రెస్	21754

ఇవి కూడా చూడండి

• ఆంధ్రప్రదేశ్ శాసనసభ సభ్యుల జాబితాలు