చెమళ్ల మూడి

చమళ్ల మూడి, గుంటూరు జిల్లా, వట్టిచెరుకూరు మండలానికి చెందిన గ్రామం. ఇది మండల కేంద్రమైన వట్టిచెరుకూరు నుండి 6 కి. మీ. దూరం లోను, సమీప పట్టణమైన గుంటూరు నుండి 11 కి. మీ. దూరంలోనూ ఉంది.

చెమళ్ల మూడి
రెవెన్యూ గ్రామం
చెమళ్ల మూడి
అక్షాంశ రేఖాంశాలు: 16°11′N 80°27′E
దేశం	భారతదేశం
రాష్ట్రం	ఆంధ్రప్రదేశ్
జిల్లా	గుంటూరు
మండలం	వట్టిచెరుకూరు
విస్తీర్ణం	10.23 కి.మీ2 (3.95 చ. మై)
జనాభా  (2011)	2,919
• జనసాంద్రత	290/కి.మీ2 (740/చ. మై.)
అదనపు జనాభాగణాంకాలు
• పురుషులు	1,452
• స్త్రీలు	1,467
• లింగ నిష్పత్తి	1,010
• నివాసాలు	783
ప్రాంతపు కోడ్	+91 ( )
పిన్‌కోడ్	522017
2011 జనగణన కోడ్	590312

గణాంకాలు

2011 భారత జనగణన గణాంకాల ప్రకారం ఈ గ్రామం 783 ఇళ్లతో, 2919 జనాభాతో 1023 హెక్టార్లలో విస్తరించి ఉంది. గ్రామంలో మగవారి సంఖ్య 1452, ఆడవారి సంఖ్య 1467. షెడ్యూల్డ్ కులాల సంఖ్య 1055 కాగా షెడ్యూల్డ్ తెగల సంఖ్య 279. గ్రామం యొక్క జనగణన లొకేషన్ కోడ్ 590312. ఎస్.టి.డి.కోడ్ = 0863.

2001 వ.సంవత్సరం జనాభా లెక్కల ప్రకారం జనాభా 3014, పురుషుల సంఖ్య 1522, మహిళలు 1492, నివాసగృహాలు 771, విస్తీర్ణం 1023 హెక్టారులు,ప్రాంతీయ భాష తెలుగు

గ్రామ చరిత్ర

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.

సమీప గ్రామాలు

కాట్రపాడు 2 కి.మీ, వింజనంపాడు 3 కి.మీ, లేమల్లెపాడు 3 కి.మీ, పుల్లడిగుంట 3 కి.మీ, గారపాడు 4 కి.మీ.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి ఉన్నాయి. బాలబడి వట్టిచెరుకూరులోను, మాధ్యమిక పాఠశాల కాట్రపాడులోనూ ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల గుంటూరులో ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ గుంటూరులో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

వైద్య సౌకర్యం

ప్రభుత్వ వైద్య సౌకర్యం

సమీప ప్రాథమిక ఆరోగ్య కేంద్రం, ప్రాథమిక ఆరోగ్య ఉప కేంద్రం గ్రామం నుండి 5 కి.మీ. లోపు దూరంలో ఉన్నాయి. డిస్పెన్సరీ, పశు వైద్యశాల గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో3 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ముగ్గురు ఉన్నారు. ఒక మందుల దుకాణం ఉంది.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని శుద్ధి ప్లాంట్‌లోకి పంపిస్తున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

చామల్లమూడిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం నుండి 5 నుండి 10 కి.మీ. దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉంది. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 10 కి.మీ.కి పైబడిన దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు గ్రామం నుండి 5 నుండి 10 కి.మీ. దూరంలో ఉంది. గ్రంథాలయం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 20 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

గ్రామ ప్రముఖులు

యడ్లపల్లి మోహనరావు :ప్రముఖ వ్యక్తిత్వ వికాస నిపుణుడు,

• యడ్లపల్లి మోహనరావు :ప్రముఖ వ్యక్తిత్వ వికాస నిపుణుడు, రచయిత. స్వార్థభారతి స్వచ్ఛంద సంస్థ వ్యవస్థాపకుడు.

• టి.వెంకటేశ్వరరావు:విజయవాడ నగరపాలక సంస్థ మొదటి మేయర్. 1981-83, 1995-2000 సంవత్సరాల మధ్యకాలంలో రెండు సార్లు అతను మేయర్ గా పనిచేశాడు.
• కోడూరి నారాయణరావు:(ఇటీవల అమెరికన్ మిషన్ టీంస్ ఇంటర్నేషనల్ విశ్వవిద్యాలయం, వీరికి డాక్టరేట్ ప్రదానం చేసింది.

గ్రామంలోని దర్శనీయ ప్రదేశాలు/దేవాలయాలు

శ్రీ సీతారామాంజనేయస్వామివారి ఆలయం

1945 ప్రాంతాలలో ఈ ఆలయానికి దాతలు యడ్లపల్లి కుటుంబీకులు, సహాయ సహకారంలో కీలక పాత్ర పోషించినట్లు ఆలయంలో ఆధారాలు ఉన్నాయి. ఈ ఆలయం 30 సంవత్సరాల క్రితం, వైభవంగా విలసిల్లినది. ఇపుడు ధూపదీపాలకు గూడా కరువైనది. శ్రీరాముడు, సీతాదేవి, ఆంజనేయస్వామి వార్ల విగ్రహాలు స్వాహా అయినవి. ఆలయం శిథిలావస్థకు చేరినది. తక్షణం జీర్ణోధ్దరణ చేయవలసిన అవసరం ఉంది. ఈ ఆలయానికి వట్టిచెరుకూరు గ్రామంలో 23.56 ఎకరాలు, చమళ్ళమూడి గ్రామంలో 8.36 ఎకరాల మాన్యం భూమి ఉంది. ఈ భూములద్వారా ప్రతి సంవత్సరం 9.78 లక్షల రూపాయల ఆదాయం వస్తున్నది. అయినాగానీ ఆలయ నిర్వహణ సరిగా లేదు.

ఈ ఆలయంలోని స్వామివారి రథం మరమ్మత్తులకు గురి కాగా, 30వేల రూపాయల నిధులతో, 2017,మార్చి-18న, రథం మరమ్మత్తులను చేపట్టినారు. 2017,ఏప్రిల్-5న ఆలయంలో నిర్వహించు స్వామివారి కల్యాణం అనంతరం, ఏప్రిల్-6న సాంప్రదాయబద్ధంగా నిర్వహించు స్వామివారి రథోత్సవం, ఈ రథంపై నిర్వహించెదరు.

శ్రీ గంగా పార్వతీ సమేత శ్రీ చంద్రశేఖరస్వామివారి ఆలయం

శిథిలావస్థలో ఉన్న ఈ అలయన్ని, 1.36 కోట్ల వ్యయంతో పునర్నిర్మించారు. దీనిలో దేవాదాయశాఖ 25 లక్షలు అందించగా, మిగిలిన మొత్తం, గ్రామస్థుల, దాతల సహకారంతో పునర్నిర్మాణం చేపట్టినారు. దేవాలయ పునర్నిర్మాణంలో భాగంగా, ఆలయం ముందు నిర్మించిన మంచినీటి చెరువు ఒక ప్రత్యేక ఆకర్షణగా నిలుచుచున్నది.

ఈ ఆలయంలో నిత్య పూజలు నిర్వహించుటకు ఒక యాగశాలను నిర్మించారు. ఆలయంలో విగ్రహ ప్రతిష్ఠా కార్యక్రమాలు 2017,మే-20వతేదీ శనివారం నుండి ప్రారంభించారు. 2017,మే-22వతేదీ సోమవారం ఉదయం 8-45 కి విగ్రహ ప్రతిష్ఠా కార్యక్రమం వైభవంగా నిర్వహించారు. అనంతరం 11-00 నుండి భక్తులకు అన్నసమారాధన కార్యక్రమం నిర్వహించారు.

గ్రామదేవతలు అద్దంకమ్మ, పోలేరమ్మ, సీతాలమ్మ అమ్మవార్ల ఆలయం

2017,జూన్-11, ఆదివారంనాడు గ్రామస్థులు ఈ గ్రామదేవతలకు పొంగళ్ళు సమర్పించి పూజలు చేసారు. ఆలయం నుండి గ్రామపొంగళ్ళు, వీరతాళ్ళు, అమ్మవారి ప్రభతో బొల్లీఅవు ప్రదర్శన నిర్వహించారు. అనంతరం గ్రామ రైతులు వ్యవసాయ పనులకు శ్రీకారం చుట్టినారు.

భూమి వినియోగం

చామల్లమూడిలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 103 హెక్టార్లు
• బంజరు భూమి: 45 హెక్టార్లు
• నికరంగా విత్తిన భూమి: 873 హెక్టార్లు
• నీటి సౌకర్యం లేని భూమి: 318 హెక్టార్లు
• వివిధ వనరుల నుండి సాగునీరు లభిస్తున్న భూమి: 600 హెక్టార్లు

నీటిపారుదల సౌకర్యాలు

చామల్లమూడిలో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 600 హెక్టార్లు

ఉత్పత్తి

చామల్లమూడిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

వరి, ప్రత్తి, మిరప

పారిశ్రామిక ఉత్పత్తులు

బియ్యం

గ్రామంలో మౌలిక వసతులు

శుద్ధజల కేంద్రం

ఈ కేంద్రం గ్రామంలోని మంచినీటి చెరువు కట్టపై ఉంది.

గ్రామంలో ప్రధాన వృత్తులు

వ్యవసాయం, వ్యవసాయాధారిత వృత్తులు