సురభి జమునా రాయలు

(జమునా రాయలు నుండి దారిమార్పు చెందింది)

జమునా రాయలు (జనవరి 22, 1960 - ఆగస్టు 12, 2020) రంగస్థల నటి కళాకారిణి. సురభి నాటక సమాజం ప్రదర్శించిన అనేక నాటకాల్లో, ఇతర నాటక సమాజాల నాటకాల్లో నటించింది.[1] టీవీ, సినిమాల్లో కూడా నటించింది.

సురభి అవేటి జమునా రాయలు
Surabhi Jamuna Rayalu.jpeg
సురభి జమునా రాయలు
జననంజమున
జనవరి 22, 1960
తెనాలి, గుంటూరు జిల్లా, ఆంధ్రప్రదేశ్
మరణం2020 ఆగస్టు 12 (2020-08-12)(వయసు 60)
హైదరాబాదు, తెలంగాణ
నివాస ప్రాంతంహైదరాబాదు, తెలంగాణ
వృత్తిసురభి నాటక సమాజం
ప్రసిద్ధిరంగస్థల కళాకారిణి
మతంహిందు
భార్య / భర్తసురభి అవేటి కృష్ణదేవరాయలు
పిల్లలుఇద్దరు కుమార్తెలు
తండ్రివనారస కొండలరావు
తల్లివసుధమ్మ

జననంసవరించు

జమునా రాయలు 1960, జనవరి 22న వనారస కొండలరావు, వసుంధరాదేవి దంపతులకు గుంటూరు జిల్లా, తెనాలిలో జన్మించింది. మేనమామ సురభి రాయలునే వివాహం చేసుకుంది. తన మేనమామ సురభి అవేటి రాయలుని పెళ్ళి చేసుకున్న తరువాత ఈమె పేరు జమునా రాయలుగా మారింది.

రంగస్థల ప్రస్థానంసవరించు

8 ఏళ్ళ వయసులో హరికథలు, బుర్రకథలు చెప్పడం ప్రారంభించింది. తొలిసారిగా చింతామణి నాటకంలో శ్రీకృష్ణుడు పాత్ర పోషించింది. షణ్ముఖి ఆంజనేయ రాజుతో సత్యభామగా, పీసపాటి నరసింహమూర్తితో రాధగా, వేమూరి రామయ్యతో సుధేష్ణగా నటించడంతోపాటు బాలనాగమ్మ, గుణసుందరి, ఝాన్సీ లక్ష్మీబాయి, రాణీ మాలినీదేవి, చంద్రమతి, ద్రౌపది, సక్కుబాయి, మహాకవి కాళిదాసులో కథానాయికిగా, చత్రపతి శివాజీలో జిజియా బాయి, పాన పిశాచంలో కథానాయికిగావంటి పాత్రలు పోషించింది. వరవిక్రయం, శ్రీకృష్ణ రాయబారం, సత్య హరిశ్చంద్ర, పంచమధర్మం వంటి నాటకాలలో నటించింది. మాతృశ్రీ తరికొండ వెంగమాంబ, శశిరేఖా పరిణయం అంటి నాటకాలకు దర్శకత్వం చేసింది.[2] ప్రథమ స్వతంత్ర మహాసంగ్రామం నాటకంలో ఝాన్సీ లక్ష్మీబాయిగా, శ్రీ మాధవ వర్మ నాటకంలో గుండమ్మగా నటించి నంది అవార్డు, ఉత్తమ నటి అవార్డులు అందుకుంది.

స్వాతి చినుకులు, సుందరకాండ సీరియళ్ళలో, మిడిల్ క్లాస్ మెలోడీస్ సినిమాలో కూడా నటించింది.

బహుమతులు - పురస్కారాలుసవరించు

  1. ఉత్తమ దర్శకత్వం - శశిరేఖా పరిణయం (నాటకం) - నంది అవార్డు
  2. పైడి లక్ష్మయ్య అవార్డు - తెలుగు విశ్వవిద్యాలయం
  3. సత్యసాయి బాబా నుండి ‘నవరత్నమాల’ను బహుకరణ
  4. బెస్ట్ ఎక్స్ లెన్సీ అవార్డు
  5. అక్కినేని ప్రథమ గోల్డ్ మెడల్
  6. జి.వి.ఆర్. జీవిత పురస్కారం
  7. నట శిరోమణి, నటనా విదూషీమణి, గానకోకిల బిరుదులు
  8. రాధాకుమారి స్మారక పురస్కారం (సుమధుర కళానికేతన్, విజయవాడ, 27 జూలై 2019)[3][4]
  9. నాటకకళా పురస్కారం (యువ కళావాహిని, రవీంద్రభారతి, హైదరాబాదు, 19 అక్టోబరు 2019)[5]

మరణంసవరించు

జమునారాయలు కరోనా వ్యాధితో 2020, ఆగస్టు 12న హైదరాబాదులోని గాంధీ ఆస్పత్రిలో మరణించింది.[6]

మూలాలుసవరించు

  1. జమునా రాయలు, కళాదీపికలు (సమకాలీన రంగస్థల నటీమణులు), ప్రథమ ముద్రణ, సంపాదకులు: వి.ఎస్. రాఘవాచారి., కళాదీపిక మాసపత్రిక, తిరుపతి, అక్టోబర్ 2011, పుట. 42.
  2. The Hindu, Features (Friday Review) (6 August 2010). "A celebration of culture" (in ఆంగ్లం). A. Ramalinga Sastry. Archived from the original on 13 August 2020. Retrieved 13 August 2020.
  3. ఆంధ్రజ్యోతి, కృష్ణా జిల్లా (28 July 2019). "ఆద్యంతం హాస్యపు జల్లులే." Archived from the original on 22 January 2020. Retrieved 22 January 2020.
  4. The New Indian Express, Vijayawada (26 July 2019). "Sumadhura comedy drama festival to begin today". www.newindianexpress.com. Archived from the original on 13 August 2020. Retrieved 13 August 2020.
  5. ఆంధ్రజ్యోతి, హైదరాబాద్‌ (19 October 2019). "హైదరాబాద్‌లో నేటి కార్యక్రమాలు". www.andhrajyothy.com. Archived from the original on 13 August 2020. Retrieved 13 August 2020.
  6. ఈనాడు, తాజా వార్తలు (13 August 2020). "రంగస్థల నటి జమునా రాయలు కన్నుమూత". www.eenadu.net. Archived from the original on 13 August 2020. Retrieved 13 August 2020.