మాయాబజార్ (1995 సినిమా)
మాయ బజార్ ( English: Market of Illusion ) 1995 లో వచ్చిన కామెడీ చిత్రం,[1] పిఎస్ఎన్ మూర్తి, ఎమ్కె మావుల్లయ్య కామాక్షి ఫిల్మ్స్ పతాకంపై నిర్మించగా, దాసరి నారాయణరావు దర్శకత్వం వహించాడు. ఇందులో అక్కినేని నాగేశ్వరరావు, సుమన్, ఆమని, దాసరి నారాయణరావు ప్రధాన పాత్రలలో నటించగా, మాధవపెద్ది సురేష్ సంగీతం అందించాడు. ఈ చిత్రం సతత హరిత పౌరాణిక క్లాసిక్ తెలుగు చిత్రం మాయ బజార్ (1957) కు సాంఘిక రూపం.
| మాయాబజార్ (1995 తెలుగు సినిమా) | |
 | |
|---|---|
| దర్శకత్వం | దాసరి నారాయణరావు |
| తారాగణం | అక్కినేని నాగేశ్వరరావు, సుమన్, దాసరి నారాయణరావు, ఆమని, చంద్రమోహన్, సుత్తివేలు, రాళ్లపల్లి, ఎ.వి.ఎస్., ప్రభ, తోటపల్లి మధు, గుమ్మడి వెంకటేశ్వరరావు, బాబుమోహన్, సౌందర్య, చలపతిరావు |
| సంగీతం | రాజ్ - కోటి |
| నిర్మాణ సంస్థ | కామాక్షి ఫిల్మ్స్ |
| భాష | తెలుగు |
| ఐ.ఎమ్.డీ.బి పేజీ | |
కథ
మార్చుఈ చిత్రం ఒక గ్రామంలో ప్రారంభమవుతుంది, ఇక్కడ బలరామయ్య (గుమ్మడి) గౌరవ మర్యాదలున్న వ్యక్తి. కృష్ణ ప్రసాద్ (అక్కినేని నాగేశ్వరరావు) అతని తమ్ముడు. తెలివిగల వాడూ, వివేకవంతుడు. ఇంద్రజాలికుడు కూడా. వీరికి ఒక సోదరి సుభద్ర (జయంతి), కోటీశ్వరుడు అర్జున రావు (మురళి మోహన్) ను వివాహం చేసుకుంది. వారి కుమారుడు రాజేష్ (సుమన్) కు బలరామయ్య కుమార్తె శశిరేఖ (ఆమని) అంటే ప్రేమ. ఒకసారి అర్జునరావు అన్నయ్య అయిన ధర్మారావు (రామకృష్ణ) ను వారి సవతి సోదరుడు సుయోధన రావు (గోకిన రామారావు) ఆహ్వానిస్తాడు. వీరి కుటుంబాల మధ్య విద్వేషాలు ఉన్నాయి. పరిస్థితిని వాడుకుని సుయోధన రావు, తన మామ కుళ్ళాయప్ప (తోటపల్లి మధు) తో కలిసి, వారి సంపద మొత్తాన్ని జూదంలో లాక్కొని, వాళ్ళను నేరంలో ఇరికించి, శిక్ష వేయిస్తాడు. అది తెలుసుకున్న బలరామయ్య తన రాజకీయ అనుచరుడైన సుయోధన రావు వద్దకు కోపంగా వెళతాడు. ఇది తెలిసి జిత్తులమారి సుయోధన రావు కుళ్ళాయప్పలు బలరామయ్యను పొగడ్తలతో ముంచెత్తుతారు. సుయోధన రావు కుమారుడు బేబీ (బాబు మోహన్) తో శశిరేఖకు పెళ్ళి చెయ్యడానికి అతడి అనుమతి తీసుకుంటారు. ఇంతలో, రాజేష్ సుభద్ర గ్రామానికి చేరుకుంటారు. వారు ఆర్థికంగా నాశనమయ్యారు కాబట్టి, బలరామయ్య భార్య రేవతి (అనురాధ) వారిని చులకనగా చూస్తుంది.
ప్రస్తుతం, కుటుంబాల మధ్య విభేదాలు తలెత్తుతున్నాయి, కృష్ణ ప్రసాద్ తెలివిగా వారిని అడవిలో ఉండే రాజేష్ బంధువు ఘట్టయ్య దొర (దాసరి నారాయణరావు) కుగ్రామానికి మళ్లిస్తాడు. ఘట్టయ్య దొర ఒక గిరిజన నాయకుడు, అతీంద్రియ శక్తులను కలిగినవాడు. వారికి ఆత్మీయ స్వాగతం పలుకుతాడు. ఆ తరువాత, అతను జరిగిన కల్లోలం గురించి తెలుసుకుంటాడు, కృష్ణ ప్రసాద్ మార్గదర్శకత్వంలో అతను శశిని తీసుకువెళ్ళి, ఆ స్థానంలో తనను తాను వధువుగా కనికట్టు చేస్తాడు. ప్రస్తుతం, వివాహ వేదికలో ఘట్టయ్య దొర, అతని సహాయకుల మంత్ర తంత్రాలు పెళ్ళికుమారుల ప్రజలను బాధపెడతాయి. సమాంతరంగా, రాజేష్ తన తండ్రి, మామల అమాయకత్వాన్ని రుజువు చేసి వారిని నిర్దోషిగా విడిపిస్తాడు. చివరికి కృష్ణ ప్రసాద్, దుష్టుల నిజమైన ఉద్దేశాలను వెలికి తెస్తాడు. చివరగా, రాజేష్ & ససిరేఖా పెళ్ళితో సినిమా ముగుస్తుంది.
నటీనటులు
మార్చుసాంకేతిక సిబ్బంది
మార్చు- కళ: భాస్కర రాజు
- నృత్యాలు:
- సంభాషణలు: తోటపల్లి మధు
- సాహిత్యం: సిరివెన్నెల సీతారామ శాస్త్రి, జోన్నావితుల రామలింగేశ్వర రావు, భువన చంద్ర, సాహితి, నందిగమగాణి
- నేపథ్య గానం: ఎస్పీ బాలు, మనో, ఎస్. జానకి, చిత్ర, రాధిక, స్వర్ణలత
- అసలు కథ: పింగలి నాగేంద్రరావు
- సంగీతం: మాధవపెద్ది సురేష్
- కూర్పు: బి. కృష్ణరాజు
- ఛాయాగ్రహణం: సిహెచ్. రమణ రాజు
- నిర్మాత: పిఎస్ఎన్ మూర్తి, ఎంకె మావుల్లయ్య
- కథ - చిత్రానువాదం - దర్శకుడు: దాసరి నారాయణరావు
- బ్యానర్: కామాక్షి ఫిల్మ్స్
- విడుదల తేదీ: 1995 మే 4
పాటలు
మార్చు| సం. | పాట | పాట రచయిత | గాయనీ గాయకులు | పాట నిడివి |
|---|---|---|---|---|
| 1. | "అవే కళ్ళు అవే చూపు" | భువనచంద్ర | SP Balu, Chitra | 4:55 |
| 2. | "తొలి వలపుల" | సిరివెన్నెల సీతారామశాస్త్రి | Mano, S. Janaki | 3:26 |
| 3. | "నీవేనా" | జొన్నవిత్తుల రామలింగేశ్వరరావు | SP Balu, S. Janaki | 3:54 |
| 4. | "దండంతో" | నందిగామగని | ఎస్. పి. బాలసుబ్రహ్మణ్యం | 5:04 |
| 5. | "ఏలో ఎల్లెల్లో" | సాహితి | ఎస్. పి. బాలసుబ్రహ్మణ్యం,ఎస్. జానకి | 3:51 |
| 6. | "ఓ చందమామా" | సాహితి | ఎస్. పి. బాలసుబ్రహ్మణ్యం, చిత్ర | 5:21 |
| 7. | "ఓ సుందరి నువ్వే" | సాహితి | ఎస్. పి. బాలసుబ్రహ్మణ్యం,స్వర్ణలత | 5:07 |
| 8. | "రంగ రంగా" | భువన చంద్ర | ఎస్. పి. బాలసుబ్రహ్మణ్యం | 4:10 |
| 9. | "జై శక్తి" | జొన్నవిత్తుల రామలింగేశ్వరరావు | ఎస్. పి. బాలసుబ్రహ్మణ్యం | 3:06 |
| మొత్తం నిడివి: | 38:54 | |||
మూలాలు
మార్చు- ↑ "Maya Bazaar (Review)". Know Your Films.