వేణు (హాస్యనటుడు)

వేణు ఒక హాస్యనటుడు, దర్శకుడు. తేజ దర్శకత్వంలో వచ్చిన జై సినిమాతో సినీ రంగంలో ప్రవేశించాడు. ఈటీవీలో ప్రసారమవుతున్న జబర్దస్త్ కార్యక్రమంలో వేణు వండర్స్ అనే పేరుతో ఒక బృందం నడిపాడు. 200 పైగా సినిమాల్లో నటించాడు. 2023 లో బలగం అనే చిత్రానికి దర్శకత్వం వహించాడు.

వేణు
జననం	వేణు ఎల్దండి (1980-06-02) 1980 జూన్ 2 సిరిసిల్ల
వృత్తి	నటుడు దర్శకుడు
క్రియాశీల సంవత్సరాలు	2004–ప్రస్తుతం
తల్లిదండ్రులు	వెంకటయ్య, మాలవ్వ

వ్యక్తిగత జీవితం

వేణు స్వస్థలం తెలంగాణాలోని సిరిసిల్ల. తల్లిదండ్రులకు వేణు తొమ్మిదో సంతానం. వీరు కూరగాయల వ్యాపారం చేసేవారు. వాళ్ళకి ఆ పనుల్లో సాయపడుతూ చదువుకున్నాడు. అదే పనిలో వాగుడుకాయ అని పేరు కూడా తెచ్చుకున్నాడు. మార్షల్ ఆర్ట్స్ నేర్చుకుని రెండు సార్లు స్టేట్ ఛాంపియన్ కూడా అయ్యాడు. కానీ ఆ తర్వాత సినిమాల మీద ఆసక్తి కలిగి ఇంటి నుంచి బయటికి వచ్చాడు.

తెలంగాణ రాష్ట్ర చలనచిత్ర, టీవీ, థియేటర్ డెవలప్‌మెంట్ కార్పొరేషన్ కార్యాలయంలో 23 ఏప్రిల్ 2023న హైదరాబాద్‌లో బలగం దర్శకుడిని సత్కారించిన ఎఫ్‌డీసీ చైర్మన్ అనిల్ కూర్మాచలం

కెరీర్

ప్రారంభంలో నవకాంత్ అనే రచయిత దగ్గర మూడు నెలలు సహాయకుడిగా పనిచేశాడు. సినిమా రంగంలో ఉన్నవారికి దగ్గరగా ఉంటే అవకాశాలు తొందరగా వస్తాయని భావించి నటుడు చిత్రం శ్రీను దగ్గర రెండు సంవత్సరాలు సహాయకుడిగా ఉన్నాడు. నటుడిగా ప్రయత్నించడం కోసం అక్కడి నుంచి కూడా బయటికి వచ్చేశాడు. పని లేకపోవడంతో పూట గడవడం కూడా కష్టమైంది. అదే సమయంలో దర్శకుడు తేజ తాను తీస్తున్న జై సినిమా కోసం నూతన నటులను అన్వేషిస్తున్నాడని తెలుసుకుని ఆడిషన్ కి హాజరై అందులో చిన్న పాత్ర చేజిక్కించుకున్నాడు. ఆ తరువాత 2000 దశాబ్దం నుంచి వేణు చిన్న చిన్న పాత్రల్లో నటిస్తూ ఉన్నాడు. సుమారు 200కి పైగా చిత్రాల్లో నటించాడు. కానీ కమర్షియల్ గా అంత గుర్తింపు రాలేదు. ఈటీవీలో ప్రసారమైన జబర్దస్త్ కార్యక్రమంలో వేణు వండర్స్ అనే పేరుతో ఒక బృందాన్ని నడిపాడు. కొంతకాలం తర్వాత మళ్ళీ సినిమాల మీదనే దృష్టి సారించాడు. తాను పుట్టిన ప్రాంతం, మనుషులు, సంస్కృతి నేపథ్యంలో బలగం సినిమా కథ రాసుకుని తానే దర్శకత్వం వహించాడు. ఈ సినిమా 2023 లో విడుదలై మంచి స్పందన లభించింది.

వివాదం

జబర్దస్త్ కార్యక్రమంలో ఒక ప్రదర్శనలో తమ కులాన్ని అవమానించారంటూ కొంతమంది ఇతని మీద దాడి చేశారు. ఈ దాడిని తెలుగు సినీ నటుల సంఘం ఖండించింది. దాడికి చేసిన వారిపై చర్య తీసుకోవాలని పోలీసులకు రిపోర్టు చేశారు.

సినిమాలు

సంవత్సరం	శీర్షిక	పాత్ర(లు)	గమనికలు	Ref.
2004	జై	విద్యార్థి
2005	ధైర్యం	ప్రకాష్
2006	రణం	భగవతి అనుచరులు
	కేడి	రఘు స్నేహితుడు	తమిళ సినిమా
	సీతకోక చిలుక
2007	జగడం	నల్ల మహేష్
	మున్నా	టిల్లు
	టక్కరి	తిరుపతి స్నేహితుడు
	గోదావ	కాలేజీ విద్యార్థి
2008	కంత్రి
	కథానాయకుడు
	సికాకుళానికి చెందిన సిద్దు	దోసె బాబు
	అంకిత్, పల్లవి & స్నేహితులు	సునీల్
	దొంగల బండి
	రాజు	బొట్టు శీను అనుచరుడు
2009	కుర్రాడు	కుమార్
2010	సాధ్యం
	మరో చరిత్ర	బాలు మరియు సంధ్య సహోద్యోగి
	డాన్ శీను	బార్ వెయిటర్
	కత్తి కాంత రావు	నల్ల శ్రీను
2011	నాకు ఓ లవర్వుండి
	పిల్ల జమీందార్	బ్యాంకాక్
2012	నీకు నాకు డాష్ డాష్	బాపినీడు పక్కవాడు
	దరువు
	సుడిగాడు	ఆటో డ్రైవర్
	అదృష్టవంతుడు	లక్కీ స్నేహితుడు
2013	జబర్దస్త్	డాన్స్ మాస్టర్
	జఫ్ఫా	వేణు బొంగుల
	నీడ	తాగుబోతు
	1000 అబద్దాలు	సత్య స్నేహితుడు
	అడ్డా
	అత్తారింటికి దారేది	శశి కిడ్నాపర్
	మధుమతి
2014	జాతి గుర్రం	తాగుబోతు
	బిల్లా రంగ
	గలాటా
	రా రా కృష్ణయ్య
	అల్లుడు శీను	లుంగీ బాబా స్నేహితుడు
	బూచమ్మ బూచోడు
	దిక్కులు చూడకు రామయ్య
	ది ఎండ్	వాచ్ మాన్
	లక్ష్మి రావే మా ఇంటికి
2015	బీరువా
	పులి	టైగర్ స్నేహితుడు
	మంత్రం 2
	మిర్చి లాంటి కుర్రాడు
	బ్రూస్ లీ: ది ఫైటర్	బ్రూస్ లీ స్నేహితుడు
	భలే మంచి రోజు	ఈసు
2016	సర్దార్ గబ్బర్ సింగ్
	ఒక్క అమ్మాయి తప్పా
	బాబు బంగారం
2017	కిట్టు ఉన్నాడు జాగ్రత్త
	నక్షత్రం
	మహానుభావుడు
	గల్ఫ్	సోములు
	ప్రేమతో మీ కార్తీక్
2018	రా రా
	బ్రాండ్ బాబు	డైమండ్ బాబు అసిస్టెంట్
	నన్ను దోచుకుందువటే	గిరి
	అనగనగా ఓ ప్రేమకథ
2019	ఒకటే లైఫ్	విక్కీ
	వజ్ర కవచధార గోవిందా
	రాజ్‌దూత్	డొంక
2020	భార్య, ఐ	వర్మ స్నేహితుడు
2021	దృశ్యం 2	ఆటో డ్రైవర్
2023	రంగ మార్తాండ
	నిరీక్షణ	చీను	డబ్బింగ్ వెర్షన్ మాత్రమే విడుదలైంది
	బలగం		దర్శకుడు కూడా
	భోలా శంకర్	శంకర్ స్నేహితుడు
2024	డార్లింగ్	బాబా

టెలివిజన్

సంవత్సరం	పని	పాత్ర	నెట్‌వర్క్
2013	జబర్దస్త్		ETV
2023	సేవ్ ది టైగర్స్	రాఘవ	హాట్‌స్టార్