శుభలేఖ (సినిమా)
శుభలేఖ 1982 లో కె. విశ్వనాథ్ దర్శకత్వంలో విడుదలైన సాంఘిక చిత్రం. ఇందులో చిరంజీవి, సుమలత ముఖ్యపాత్రలు పోషించారు.
| శుభలేఖ | |
|---|---|
 | |
| దర్శకత్వం | కె.విశ్వనాథ్ |
| రచన | గొల్లపూడి మారుతీరావు (మాటలు) |
| స్క్రీన్ ప్లే | కె.విశ్వనాథ్ |
| కథ | కె.విశ్వనాథ్ |
| తారాగణం | చిరంజీవి, సుమలత |
| ఛాయాగ్రహణం | లోక్ సింగ్ |
| కూర్పు | జి.జి.కృష్ణారావు |
| సంగీతం | కె.వి.మహదేవన్ |
నిర్మాణ సంస్థ | |
విడుదల తేదీ | 1982 |
| భాష | తెలుగు |
కథ
మార్చు
బహుముఖ ప్రజ్ఞాశాలి అయిన నరసింహ మూర్తి (చిరంజీవి) డిగ్రీలో తప్పటంతో ఒక స్టార్ హోటల్లో వెయిటర్ గా పనిచేస్తూ ఉంటాడు. అంకెల ఆదిశేషయ్య (కైకాల సత్యనారాయణ) నడుపుతున్న కళాశాలలో అధ్యాపకురాలిగా పనిచేస్తున్న సుజాత (సుమలత) అతనికి పరిచయం అవుతుంది. ఆదిశేషయ్య తన కుమారుడు మోహన్ (గిరీశ్)తో సహా పెళ్ళిచూపులకి సుజాత ఇంటికి వస్తారు. ఆదిశేషయ్య అడిగిన వరకట్నం సుజాత కుటుంబం స్తోమతకి మించగా, సుజాత అతనితో వాదనకి దిగుతుంది. తమతోనే ఉంటే తమ కుమార్తె వివాహం చెయ్యలేమని, సంఘంలో తలెత్తుకు తిరగలేమని భయపడిన తల్లిదండ్రులు ఆమెను ఇంటినుండి పంపించేస్తారు. ఆదిశేషయ్య కూడా తనని పనిలోంచి తీసేయగా నిరాశ్రయురాలైన తనకి తన ఇంటిలోనే చోటిస్తాడు మూర్తి. అయితే సంఘం వారిద్దరికీ అక్రమ సంబంధం అంటగడుతుంది. ఒక సన్మాన సభలో ఆదిశేషయ్య నిజస్వరూపాన్ని బయటపెట్టి మూర్తి అతనిని అవమానించగా, రౌడీలతో అతనిని కొట్టించి, అతని ఉద్యోగం కూడా తీయించేస్తాడు ఆదిశేషయ్య. సుజాతతో బాటు హైదరాబాదు చేరి, తనకి పరిచయం ఉన్న ఆల్విన్ లో ఉన్నతోద్యోగి అయిన రావు (అరుణ్) తో మాటాడి సుజాతకి ఉద్యోగం ఇప్పిస్తాడు మూర్తి. సుజాత చెల్లెలు లక్ష్మి (తులసి) ని మోహన్ తమ్ముడు మురళి (శుభలేఖ సుధాకర్) ప్రేమిస్తాడు. లక్ష్మితో పెళ్ళి జరిపించకపోతే ఆత్మహత్య చేస్కొంటానన్న మురళి బెదిరింపుకు భయపడి, తక్కువ కట్నంతోనే మురళి, తులసి ల పెళ్ళికి ఏర్పాట్లు చేస్తాడు ఆదిశేషయ్య.
మూర్తి, సుజాతల పెళ్ళికి మురళి, లక్ష్మిలు ఏం చేశారు, అన్నది చిత్రానికి ముగింపు.
తారాగణం
మార్చు- నరసింహ మూర్తిగా చిరంజీవి
- అంకెల ఆదిశేషయ్య గా కైకాల సత్యనారాయణ
- సుజాతగా సుమలత
- లక్ష్మిగా తులసి
- మురళిగా శుభలేఖ సుధాకర్
- జె. వి. రమణమూర్తి
- అల్లు రామలింగయ్య
- రాళ్ళపల్లి
- నిర్మలమ్మ
- పొట్టి ప్రసాద్
- గిరీష్
- వంకాయల సత్యనారాయణ
- సాక్షి రంగారావు
- థమ్
విశేషాలు
మార్చు
- కె.విశ్వనాథ్ దర్శకత్వంలో చిరుకి ఇది మొదటి చిత్రం.
- బేతా సుధాకర్, శుభలేఖ సుధాకర్ అయ్యింది ఈ చిత్రంతోనే.
- ఈ చిత్రంలో చిరు పని చేసే స్టార్ హోటల్, వైజాగ్లో రామోజీ రావుకి చెందిన డాల్ఫిన్ హోటల్
- ఆల్విన్ ఫ్రిజ్ ల వాణిజ్య ప్రకటనకి మాడల్ గా చిరంజీవి ఒక పాటలో అన్ని భారతీయ సంప్రదాయ నాట్యాల నృత్యకారుడిగా కనిపిస్తారు.
పాటలు
మార్చు- రాగాల పల్లకిలో కోయిలమ్మా, రచన:వేటూరి సుందర రామమూర్తి,గానం. ఎస్ పి బాలసుబ్రహ్మణ్యం, పి సుశీల
- అయితే అది నిజమైతే, రచన: వేటూరి సుందర రామమూర్తి, గానం. ఎస్ పి బాలసుబ్రహ్మణ్యం
- విన్నపాలు వినవలె వింతవింతలు, రచన: అన్నమయ , గానం .ఎస్ జానకి
- నెయ్యములల్లో , రచన: అన్నమయ్య , గానం.ఎస్ పి బాలసుబ్రహ్మణ్యం
- నీజడ కుచ్చులు నామెడకుచ్ఛులు , రచన:వేటూరి సుందర రామమూర్తి, గానం.ఎస్ పి బాలసుబ్రహ్మణ్యం ఎస్ జానకి
- ఓహో తద్దిమి తజజను , రచన: వేటూరి సుందర రామమూర్తి,గానం. ఎస్ జానకి , పూర్ణచంద్రరావు
- మరుగేలరా ఓ రాఘవ , రచన: త్యాగరాజ కీర్తన , గానం.ఎస్ . జానకి.
- దశరథ వర కుమారుడైతీవి, గానం.వింజమూరి కృష్ణమూర్తి , ఎస్ పి . శైలజ
- సర్వదా శ్రీకారం దేవి సర్వ యోగీశ్వరి(పద్యం) గానం.శిష్ట్లా జానకి.