నిర్మలమ్మ
ఈ వ్యాసం లేదా వ్యాసభాగాన్ని విస్తరించవలసి ఉంది. సముచితమైన సమాచారంతో వ్యాసాన్ని విస్తరించండి. విస్తరణ పూర్తయిన తర్వాత, ఈ నోటీసును తీసివేయండి. |
సినీనటి నిర్మలమ్మ (1920, జూలై 18 - 2009, ఫిబ్రవరి 19) తెలుగు చిత్రసీమలో బామ్మ పాత్రలకు ప్రాణం పోసిన సహజనటి. నిర్మలమ్మ వందలాది తెలుగు చిత్రాలలో నటించారు. క్యారెక్టర్ ఆర్టిస్ట్ గా అనేక పాత్రలలో నటించిన ఆమె సహజ నటిగా గుర్తింపు పొందారు.
| నిర్మలమ్మ | |
| జన్మ నామం | రాజమణి |
| జననం | 1920 జూలై 18 బందరు ఆంధ్రప్రదేశ్ భారతదేశం |
| మరణం | 2009 ఫిబ్రవరి 19 (వయసు 88) హైదరాబాదు, తెలంగాణ |
| ప్రముఖ పాత్రలు | స్నేహం కోసం, మాయలోడు |
జననంసవరించు
నిర్మలమ్మ అసలు పేరు రాజమణి. 1920, జూలై 18న గంగ‌య్య, కోట‌మ్మ దంప‌తులకు ఆంధ్ర‌ప్ర‌దేశ్‌లోని కృష్ణాజిల్లాలోని మచిలీప‌ట్నంలో జన్మించారు.
కుటుంబంసవరించు
నిర్మలమ్మకు పందొమ్మిదేళ్ళ వయసులో రంగ‌స్థ‌ల నటుడు జీవీ కృష్ణారావుతో వివాహం జరిగింది. నిర్మలమ్మను చూసి ప్రేమ‌లో ప‌డ్డ కృష్ణారావు సాంప్ర‌దాయం ప్ర‌కారం, పెళ్ళిచూపుల కోసం నిర్మలమ్మ ఇంటివ‌ద్ద‌కు వెళ్ళాడు. తాను పెళ్లి అయ్యాక కూడా న‌టిస్తాన‌ని, న‌ట‌న‌కు అడ్డు చెప్ప‌కుంటేనే ఈ పెళ్లికి ఒప్పుకుంటాన‌ని కండీష‌న్ పెట్టింది. అందుకు కృష్ణ‌రావు అంగీకరించడంతో వారిద్ద‌రికీ వివాహం జరిగింది. ఈయన ప్రొడక్షన్ మేనేజర్ గా పనిచేసేవాడు. ఆమె దత్త పుత్రిక పేరు కవిత. అల్లుడు డి.యస్. ప్రసాద్.[1]
నటనా జీవితంసవరించు
చిన్ననాటినుంచి నాటకాలంటే ఆమెకు ప్రాణం. ఆదే ఆమె సినీరంగ ప్రవేశానికి ద్వారాలు తెరిచింది. వివాహం జ‌రిగిన ఉద‌యం అనే నాట‌క సంస్థ‌ను ఏర్పాటుచేసి, పలు నాటకాలు ప్రదర్శించి గుర్తింపు పొందారు. కొంద‌రు సినీ ప్ర‌ముఖులు సినిమాలు చేయ‌వ‌చ్చు క‌దా అని కోర‌డంతో భార్యభ‌ర్త‌లు సినిమాల వైపు అడుగుపెట్టారు.1943లో తన పదహారేళ్ల వయసులో గరుడ గర్వభంగం సినిమాలో చెలికత్తె పాత్రలో తొలిసారి నటించారు. కొన్నాళ్ల తరువాత 1961లో కృష్ణ‌ప్రేమ అనే చిత్రంలో నిర్మలమ్మ రుక్మిణి పాత్ర ల‌భించింది. ఆ తరువాత కాలంలో మంచి అవ‌కాశాలు లభించాయి. సుమారు వెయ్యి సినిమాల్లో నటించారు.
భార్య, భ‌ర్త‌లు చిత్రంలో అక్కినేని త‌ల్లిదండ్రులుగా గుమ్మ‌డి-నిర్మలమ్మ క‌లిసి నటించారు. ఈ కాంబినేష‌న్ హిట్ కావ‌డంతో ఈ ఇద్దరు 20 సినిమాల వరకు జంట‌గా నటించారు. మనుషులు మారాలిలో శోభ‌న్‌బాబుకు త‌ల్లి పాత్ర పోషించ‌గా.. అక్క‌డి నుంచి త‌ల్లి, పిన్ని పాత్రలు పోషిస్తుండ‌గా.. ఆ క్యారెక్ట‌ర్లు ఆమెకు వెతుక్కుంటూ వ‌చ్చాయి. ఇలా క్యారెక్టర్ ఆర్టిస్ట్‌గా ప్రేక్ష‌కుల‌ను ఆక‌ట్టుకున్నారు. తనకన్నా పెద్దవారైన నాటి నందమూరి తారక రామారావు, అక్కినేని నాగేశ్వరరావు, యస్వీ రంగారావు ల నుంచి నేటి చిరంజీవి, బాలకృష్ణ, వెంకటేష్ వరకు ఎందరో హీరోలకు బామ్మగా, అమ్మగా నటించారు. మయూరి, సీతారామరాజు సినిమాలకు నంది అవార్డులను అందుకున్నారు.
శంకరాభరణం, యమగోల, పదహారేళ్ల వయసు, మావిచిగురు, గ్యాంగ్ లీడర్, శుభసంకల్పం, ఆపద్బాంధవుడు, స్వాతిముత్యం తదితర చిత్రాల్లో వయసు మీద పడినా ఓపికతో నటించిన ఆమె అనంతరం ఆరోగ్యకారణాలతో నటన విరమించుకున్నారు. స్నేహం కోసం చిత్రం తరువాత ఆమె దాదాపు నటించటం మానేశారు. ఎస్వీ కృష్ణారెడ్డి బలవంతం మీద ఆమెను చివరి చిత్రం ప్రేమకు స్వాగతంలో నటించడానికి ఒప్పించాడు.[2]
60 ఏళ్ళపాటు తెలుగు తెర‌పై పలు పాత్ర‌ల‌ను పోషించిన నిర్మలమ్మ, బామ పాత్రలకు పెట్టింది పేరుగా నిలిచారు. కాకినాడలో కరువు రోజులు అనే నాటకంలో న‌టిస్తుండ‌గా నటుడు పృథ్వీరాజ్‌క‌పూర్ నుంచి ఆమెకు ప్ర‌శంస‌లు అందాయి.
ప్రముఖుల అభిప్రాయాలుసవరించు
- షూటింగ్ విరామ సమయంలో మమ్మల్ని తల్లిలా ఆదరించేది. అందకూ మేమందరం ఆమెను ఆప్యాయంగా నిర్మలమ్మ (నిర్మల+అమ్మ) అని పిలుచుకునే వాళ్ళం. — అక్కినేని నాగేశ్వరరావు
- కాకినాడలో కరువు రోజులు అనే నాటకం చూసిన అలనాటి బాలీవుడ్ నటుడు పృధ్వీరాజ్ కపూర్ నిర్మలమ్మను గొప్ప నటివవుతావని చెప్పాడు. ఈ సంఘటనను నిర్మలమ్మ చాలా సందర్భాల్లో గుర్తు చేసుకునేది.
- ఏక వీర నాటకంలో గిరిక పాత్రను వేసిన నిర్మలమ్మను చూసిన కవిసామ్రాట్ విశ్వనాథ సత్యనారాయణ పిచ్చిమొద్దూ! నీలో ఇంత నటన ఉందని అనుకోలేదు అంటే అమాయకంగా నవ్విందట నిర్మలమ్మ.
- నిర్మలమ్మ ఆడపెత్తనంలో హీరోయిన్ గా చేయాల్సింది. కానీ అది కుదర్లేదు. తర్వాత ఆమె గరుడ గర్వభంగంలో హీరోయిన్ గా చేసింది కానీ అంతగా ప్రాచుర్యం పొందలేదు. కానీ ఆమెకు నటిగా పేరు తెచ్చింది మాత్రం మనుషులు మారాలి అనే చిత్రం. ఆ సినిమా శతదినోత్సవాలకు వెళ్ళిన హిందీ నటుడు ప్రాణ్. నువ్వు శోభన్ బాబు కే అమ్మ కాదు. భారత్ కీ మా! అని అన్నాడు. అప్పట్లో ఆయనతో నాలుగు ముక్కలు హిందీలో మాట్లాడలేకపోయానని ఆమె విచారిస్తుండేది.
నటించిన కొన్ని సినిమాలుసవరించు
- స్నేహం కోసం (1999)
- రాయుడు (1998)
- ఆరో ప్రాణం (1997)
- మావిచిగురు (1996)
- బిగ్ బాస్ (1995)
- శుభ సంకల్పం (1995)
- ఆలీబాబా అరడజను దొంగలు (1994)
- ఆ ఒక్కటి అడక్కు (1993)
- ష్ గప్‌చుప్ (1993)
- మాయలోడు (1993)
- పేకాట పాపారావు (1993)
- చిన్నరాయుడు (1992)
- ఆపద్బాంధవుడు (1992)
- రాత్రి (సినిమా) (1992)
- సుందరకాండ] (1992)
- గాంగ్ లీడర్ (1991)
- కర్తవ్యం (1991)
- మామగారు (1991)
- చలాకీ మొగుడు చాదస్తపు పెళ్లాం (1989)
- విజయ్ (1989)
- ఖైదీ నెం. 786 (1988)
- ఆఖరి పోరాటం (1988)
- ఊరేగింపు (1988)
- చిన్నోడు పెద్దోడు (1988)
- వారసుడొచ్చాడు (1988)
- నాకు పెళ్ళాం కావాలి (1987)
- శ్రీ కనక మహాలక్ష్మి రికార్డింగ్ డాన్స్ ట్రూప్ (1987)
- కృష్ణ గారడీ (1986)
- ఒక రాధ ఇద్దరు కృష్ణులు (1985)
- ముచ్చటగా ముగ్గురు (1985)
- స్వాతిముత్యం (1985)
- రుస్తుం (1984)
- మయూరి (1984)
- మహానగరంలో మాయగాడు (1984)
- హీరో (1984)
- బాబాయ్ అబ్బాయ్ (1984)
- సంఘర్షణ (1983)
- మంత్రిగారి వియ్యంకుడు (1983)
- మగ మహారాజు (1983)
- ముగ్గురు మొనగాళ్ళు (1983)
- పట్నం వచ్చిన పతివ్రతలు (1982)
- శుభలేఖ (1982)
- అగ్నిపూలు (1981)
- మోసగాడు (1980)
- కోతల రాయుడు (1979)
- శంకరాభరణం (1979)
- నాయుడుబావ (1978)
- పదహారేళ్ళ వయసు (1978)
- శివరంజని (1978)
- ఇదెక్కడి న్యాయం (1977)
- చిల్లరకొట్టు చిట్టెమ్మ (1977)
- యమగోల (1975)
- మేమూ మనుషులమే (1973)
- విధివిలాసం (1970)
- అర్ధరాత్రి (1968)
- దేవత (1965)
- ఇరుగు పొరుగు (1963)
- కులగోత్రాలు (1962)
- భార్యాభర్తలు (1961)
- భాగ్యదేవత (1959)
పురస్కారాలుసవరించు
- 1985లో మయూరి చిత్రానికి ఉత్తమ సహాయనటిగా, 2000లో సీతారామరాజు చిత్రానికి ఉత్తమ క్యారెక్టర్ నటిగా నంది పురస్కారం పొందారు.[3][4]
మరణంసవరించు
నిర్మలమ్మ మరణించడానికి కొంతకాలంగా ముందు అనారోగ్యంతో ఉన్నారు. ఆరోగ్యం విషమించి హైదరాబాదు‌లో 2009, ఫిబ్రవరి 19 న మృతిచెందారు.
మూలాలుసవరించు
- ↑ "Archived copy". www.hindu.com. Archived from the original on 26 February 2009. Retrieved 12 January 2022.
{{cite web}}: CS1 maint: archived copy as title (link) - ↑ Obituary: Nirmalamma, The Hindu, 20 February 2009
- ↑ "Cine 'baamma' Nirmalamma is dead". The New Indian Express. 20 February 2009. Retrieved 2015-09-23.
- ↑ "Nirmalamma passes away". The Hindu. 20 February 2009. Retrieved 20 June 2019.