షారుఖ్ ఖాన్
షారుఖ్ ఖాన్ (జననం 2 నవంబరు 1965) ప్రముఖ భారతీయ సినీ నటుడు, నిర్మాత టివీ ప్రముఖుడు. అభిమానులు ఆయనను బాలీవుడ్ బాద్షా, కింగ్ ఖాన్ అని పిలుస్తారు. షారూఖ్ దాదాపు 80 సినిమాల్లో నటించారు. ఆయన 14 ఫిలింఫేర్ పురస్కారాలు అందుకున్నారు. ఆసియాలో షారూఖ్ చాలా ప్రముఖుడైన నటుడు. ప్రపంచవ్యాప్తంగా భారతీయులు ఎక్కువ నివసించే ప్రదేశాల్లో కూడా ఆయన చాలా ప్రసిద్ధుడు. అభిమానుల సంఖ్య, వసూళ్ళు లెక్కలో షారూఖ్ ప్రపంచంలోని అత్యంత సక్సెస్ ఫుల్ ఫిలిం స్టార్ లలో ఒకరిగా నిలిచారు.[2][3][4]
షారుఖ్ ఖాన్ | |
|---|---|
 2018 లో హ్యుండాయ్ కార్యక్రమంలో షారుఖ్ | |
| జననం | షారుఖ్ ఖాన్ 1965 నవంబరు 2 ఢిల్లీ |
| విద్యాసంస్థ | హంసరాజ్ కాలేజ్, జామియా మిలియా ఇస్లామియా[1] |
| వృత్తి |
|
| క్రియాశీల సంవత్సరాలు | 1988–ప్రస్తుతం |
Works | పూర్తి జాబితా |
| జీవిత భాగస్వామి | |
| పిల్లలు | 3, సుహానా ఖాన్ తో సహా |
| పురస్కారాలు | పూర్తి జాబితా |
| సన్మానాలు | పద్మశ్రీ (2005) Ordre des Arts et des Lettres (2007) Légion d'honneur (2014) |
| సంతకం | |
 | |
1980వ దశకం చివర్లో టివి సీరియల్స్ ద్వారా కెరీర్ ప్రారంభించారు షారూఖ్. 1992లో దీవానా సినిమాతో బాలీవుడ్ తెరంగేట్రం చేశారు ఆయన. కెరీర్ మొదట్లో దార్ర్ (1993), బాజిగర్ (1993), అంజామ్ (1994) వంటి సినిమాల్లో ప్రతినాయక పాత్రలు పోషించారు. ఆ తరువాత వచ్చిన రొమాంటిక్ కామెడీ సినిమాలు దిల్ వాలే దుల్హనియా లేజాయేంగే (1995), దిల్ తో పాగల్ హై (1997), కుచ్ కుచ్ హోతా హై (1998), మొహొబ్బతే (2000), కభీ ఖుషీ కభీ గమ్ (2001) సినిమాలతో హీరోగా ఉన్నత శిఖరాలందుకున్నారు షారుఖ్. దేవదాస్ (2002), స్వదేశ్ (2004), చక్ దే! ఇండియా (2007), మై నేమ్ ఈజ్ ఖాన్ (2010) సినిమాల్లో ఆయన నటనకు విమర్శకుల ప్రశంసలు లభించాయి. ఆయన నటించిన కామెడీ సినిమాలు చెన్నై ఎక్స్‌ప్రెస్ (2013), హ్యాపీ న్యూ ఇయర్ (2014) సినిమాలో అతి ఎక్కువ వసూళ్ళు సాధించిన సినిమాలుగా నిలిచాయి. ఆయన సినిమాల్లో దేశభక్తి, సామాజిక సమస్యల గురించి ఎక్కువగా చర్తిస్తారు. సినిమాల్లో చేసిన కృషికిగానూ భారత ప్రభుత్వం ఆయనను పద్మశ్రీతోనూ, ఫ్రాన్స్ ప్రభుత్వం ఒర్డరే డెస్ ఆర్ట్స్ ఎట్ దెస్ లెట్టర్స్, లెగియన్ డి ' హానర్ పురస్కారలతో గౌరవించాయి.
ప్రముఖ నిర్మాణ సంస్థ రెడ్ చిల్లీస్ ఎంటర్ టైన్మెంట్ కు ఆయన సహ చైర్మన్ గానూ, ఇండియన్ ప్రీమియర్ లీగ్ లోని కోల్‌కత నైట్ రైడర్స్ టీంకు సహ యజమానిగా ఉన్నారు. ఆయన ఇప్పటికీ టీవీ షోలలో వ్యాఖ్యాతగా వ్యవహరిస్తుంటారు. ఎన్నో వ్యవస్థాపక వెంచర్లు చేస్తున్నందున మీడియా ఆయనను "బ్రాండ్ ఎస్.ఆర్.కె"గా వ్యవహరిస్తుంటుంది. అనారోగ్యాల అవగాహన ప్రచారంలోనూ, విపత్తులు సంభవించినప్పుడు ఆయన దాతృత్వం చెప్పుకోదగ్గది. పిల్లల చదువు ఆవశ్యకతా ప్రచారంలో ఆయన చేసిన కృషికి గుర్తింపుగా 2011లో యునెస్కో పిరమిడ్ కాచ్ మర్నీ పురస్కారంతో గౌరవించింది. ప్రభావవంతమైన భారతీయునిగా ఎన్నో పత్రికల చిట్టాల్లో ఎన్నోసార్లు ఉన్నారు షారుఖ్. 2008లో న్యూస్ వీక్ పత్రిక ప్రపంచంలోని 50 అత్యంత పవర్ ఫుల్ వ్యక్తుల జాబితాలో ఆయనను ప్రస్తావించింది.
తొలినాళ్ళ జీవితం, కుటుంబం
మార్చు
1965 నవంబరు 2లో ఢిల్లీ లో ముస్లిం కుటుంబంలో జన్మించారు ఆయన. పుట్టిన తరువాత 5ఏళ్ళ వరకు ఆయన మంగళూరు లోని అమ్మమ్మ గారింట్లో ఉండేవారు షారూఖ్.[5][6] షారూఖ్ తాత ఇఫ్తికర్ అహ్మద్ 1960ల్లో పోర్టులో చీఫ్ ఇంజినీరుగా పనిచేసేవారు. తన నాన్నగారి తండ్రి జాన్ మహ్మద్ ఆఫ్ఘనిస్థాన్కు చెందిన సంప్రదాయ పఠాన్ కుటుంబానికి చెందినవారని షారూఖ్ చెబుతారు.[7] ఆయన కొన్ని ఇంటర్వ్యూలలో తమది పెషావర్ కు చెందిన పఠాన్ కుటుంబమనీ, తాము ఇంట్లో హింద్కో భాషలోనే మాట్లాడుకుంటామనీ వివరించారు.[8] బ్రిటిష్ భారత్ లోని పెషావర్ లో షారొఖ్ తండ్రి మీర్ తాజ్ మొహమద్ ఖాన్ ప్రముఖ స్వాతంత్ర్య సమరయోధుడు. ఆయన ఖాన్ అబ్దుల్ గఫర్ ఖాన్ కు అనుచరుడు, అఖిల భారత జాతీయ కాంగ్రెస్ పార్టీకి చెందినవారు. భారత విభజన తరువాత వారి కుటుంబం ఢిల్లీ కి వచ్చేశారు.[9] షారూఖ్ తల్లిదండ్రులు 1959లో వివాహం చేసుకున్నారు. ఒక ట్వీట్ లో షారూఖ్ తనను హాఫ్ హైదరాబాదీ (తల్లి), హాఫ్ పఠాన్ (తండ్రి), హాఫ్ కాశ్మీరీ (నానమ్మ) గా పేర్కొన్నారు.[10]
సినిమాలు
మార్చుపూర్తి వ్యాసం షారూఖ్ ఖాన్ సినిమాలు
అవార్డులు, గౌరవాలు
మార్చు
- ప్రపంచ ఆర్థిక వేదిక సదస్సు - 2018లో క్రిస్టల్ అవార్డు అందుకున్నాడు.
ఇవి కూడ చూడండి
మార్చుఫుట్ నోట్స్
మార్చుమూలాలు
మార్చు- ↑ "SRK finally receives graduation degree from Hansraj College after 28 years". The Indian Express. 17 February 2016. Archived from the original on 17 February 2016. Retrieved 17 February 2016.
- ↑ ఉల్లేఖన లోపం: చెల్లని
<ref>ట్యాగు;billionఅనే పేరుగల ref లలో పాఠ్యమేమీ ఇవ్వలేదు - ↑ ఉల్లేఖన లోపం: చెల్లని
<ref>ట్యాగు;Richest Actorsఅనే పేరుగల ref లలో పాఠ్యమేమీ ఇవ్వలేదు - ↑ ఉల్లేఖన లోపం: చెల్లని
<ref>ట్యాగు;thetimes1అనే పేరుగల ref లలో పాఠ్యమేమీ ఇవ్వలేదు - ↑ "Shah Rukh Khan's South Connect: 'Chennai Express' Actor's Mangalore Home Turns into Tourist Spot". International Business Times. 25 August 2013. Archived from the original on 17 మార్చి 2015. Retrieved 23 September 2013.
- ↑ "B'day Special: Shah Rukh Khan (p. 4)". The Times of India. Archived from the original on 16 December 2014. Retrieved 16 November 2014.
- ↑ Mardomi interviews Shahrukh Khan in U.S.A. YouTube. 26 January 2009. Event occurs at 2:00. Retrieved 1 November 2014.
- ↑ Shahrukh Khan Show on StarPlus. YouTube. 2009. Event occurs at 0:55. Retrieved 7 February 2016.
- ↑ Shariff, Faisal (31 May 2004). "Peshawar: The Shah Rukh Connection". Rediff.com. Retrieved 28 January 2013.
- ↑ "Shah Rukh Khan on Twitter, @iamsrk". Twitter. 19 August 2010. Retrieved 27 July 2014.
i am half hyderabadi (mom) half pathan (Dad) some kashmiri (grandmom) born in delhi life in mumbai punjabi wife kolkata team. indian at heart