సంసారం అనిల్ ప్రొడక్షన్స్ బ్యానర్‌లో 1975 లో వచ్చిన తెలుగు సినిమా. తాతినేని ప్రకాశరావు నిర్మించి దర్శకత్వం వహించాడు.[1] ఇందులో ఎన్‌టి రామారావు, జమున ముఖ్య పాత్రల్లో నటించారు.[2] టి.చలపతిరావు సంగీతం అందించాడు.[3]

సంసారం
(1975 తెలుగు సినిమా)
Samsaram 1975.jpg
దర్శకత్వం తాతినేని ప్రకాశరావు
నిర్మాణం తాతినేని ప్రకాశరావు
చిత్రానువాదం తాతినేని ప్రకాశరావు
తారాగణం నందమూరి తారక రామారావు,
జమున
సంగీతం టి. చలపతిరావు
నిర్మాణ సంస్థ అనిల్ ప్రొడక్షన్స్
భాష తెలుగు

కథసవరించు

రాఘవరావు (ఎన్.టి.రామారావు) స్వయంకృషితో ఎదిగిన వ్యక్తి. తన తండ్రి అనుమతి లేకుండా న్యాయవాది ప్రతాపరావు (మిక్కిలినేని) కుమార్తె లలిత (జమున) ను ప్రేమించి వివాహం చేసుకున్నాడు. కొంత సమయం తరువాత, ఈ దంపతులకు శేఖర్ లక్ష్మి అనే ఇద్దరు పిల్లలు కలుగుతారు. రాఘవ భూపతి (జగ్గయ్య) యాజమాన్యంలోని సంస్థలో గుమస్తాగా పనిచేస్తూంటాడు. అక్కడ భూపతి సోదరుడు జనరల్ మేనేజర్ సత్యం (సత్యనారాయణ) చేసిన దుశ్చర్యలను బయటపెడతాడు. అది తెలుసుకున్న భూపతి సత్యాన్ని తొలగించి అతని స్థానంలో రాఘవరావును నియమిస్తాడు. అక్కడ నుండి, సత్యం రాఘవరావుపై పగ పెంచుకుంటాడు. ఆ తరువాత, రాఘవరావు అధికారిక పార్టీల సమయంలో మద్యపానం అలవాటు చేసుకుంటాడు. ఇది అతని కుటుంబ జీవితంలో వివాదాలకు దారితీస్తుంది. ఇంతలో, వార్షిక ఆడిట్ మొదలౌతుంది. సత్యం అకౌంటెంట్ లింగం (అల్లు రామలింగయ్య), కార్యదర్శి నళిని (విజయ భాను) సహాయంతో వారిని పట్టి ఇచ్చే అన్ని పత్రాలను తగలబెడతారు. నళినిని నిరక్షరాస్యుడైన బావ చంద్రం ఆమెను ప్రేమిస్తాడు. కాని ఆమె అతణ్ణి తిరస్కరిస్తుంది. ఆమెకు సత్యంతో సంబంధం కారణంగా గర్భవతి అవుతుంది. సత్యం ఆమెను తిరస్కరించడంతో ఆమె తమ రహస్యాలు వెల్లడిస్తానని అతన్ని బ్లాక్ మెయిల్ చేస్తుంది. సత్యం ఆమెను చంపి, నిందను రాఘవరావుపై వేస్తాడు. చంద్రం ఆ హత్యను చూసి మూగవాడైపోతాడు. లింగం ఈ ఘటన ఫోటో తీసి సత్యాన్ని తన పట్టులో బిగించి ఉంచుకుంటాడు. ప్రతాపరావు పబ్లిక్ ప్రాసిక్యూటర్‌గా రాఘవరావుకు జీవిత ఖైదు విధింపజేస్తాడు.

లలిత పిల్లలతో కలిసి నగరం వదిలి ట్యూటర్‌గా కాలేజీలో చేరింది. దాని ప్రిన్సిపాల్ రాజారావు (రావి కొండలరావు) ఆమెను తన సొంత సోదరిగా చూసుకుంటాడు. సంవత్సరాలు గడిచిపోతాయి. రాఘవరావు విడుదలై, రాజారావు ఇంట్లో తోటమాలిగా చేరి లలితను చూస్తాడు. అతను తన అమాయకత్వాన్ని నిరూపించుకునే వరకు తన గుర్తింపును బహిర్గతం చేయకూడదని నిర్ణయించుకుంటాడు. మరొక వైపు, శేఖర్, లక్ష్మి, భూపతి కుమారుడు గోపి, రాజారావు కుమార్తె సరోజ అదే కాలేజీలో చదువుతూ, ప్రేమలో పడతారు. రాఘవరావు తన జైలు సహచరుడు దారా (ప్రభాకర్ రావు) ఇంటికి వెళ్ళినపుడు, దారా సత్యం చంద్రంల వద్ద పనిచేస్తున్నాడని తెలుసుకుంటాడు. సమాంతరంగా, సత్యం లింగాలు బ్లాక్ మార్కెటింగ్ చేస్తున్నారని గుర్తించి భూపతి, వాళ్ళను పోలీసులకు లొంగిపోమ్మని చెబుతాడు. దాంతో వాళ్ళు అతన్ని నిర్మూలించాలని నిర్ణయించుకుంటారు. విధి నిర్వహణలో సత్యం దారాకు వెళ్లి అక్కడ చంద్రం‌ను గుర్తించి చంపడానికి ప్రయత్నిస్తాడు. చనిపోయే ముందు, అతనికి గొంతు వస్తుంది. రాఘవరావుకు నిజం వెల్లడిస్తాడు. ఇప్పుడు రాఘవరావు దారాతో కలిసి, సింగపూర్ రౌడీ భక్రా వేషంలో వస్తాడు. భూపతి సహాయంతో సత్యాన్ని బయట పెడతాడు. చివరగా, మొత్తం కుటుంబం కలవడంతో ఈ చిత్రం ముగుస్తుంది.

నటీనటులుసవరించు

సాంకేతిక సిబ్బందిసవరించు

పాటలుసవరించు

ఎస్. లేదు పాట పేరు సాహిత్యం సింగర్స్ పొడవు
1 "మా పాప పుట్టిన రోజు" దాశరథి ఎస్పీ బాలు, పి.సుశీల 3:12
2 "లేరా బుజ్జీ మావా" కొసరాజు ఎల్.ఆర్.ఈశ్వరి 4:25
3 "తీయా తీయని" దాశరథి వి.రామకృష్ణ 3:39
4 "చిరు చిరు నవ్వుల" కొసరాజు ఎస్పీ బాలు, సరస్వతి 7:30
5 "శకుంతల" దాశరథి మాధవపెద్ది సత్యం 5:18
6 "ఒంటరిగా ఉన్నాము" సి.నారాయణ రెడ్డి మాధవపెద్ది రమేష్, ఎస్.జానకి 4:16
7 "యవ్వనం పువ్వులాంటిధి" దాశరథి ఎస్పీ బాలు, ఎల్.ఆర్ ఈశ్వరి 4:28
8 "సింగపూర్ రౌడీ" కొసరాజు ఎస్పీ బాలు 2:23

బయటి లింకులుసవరించు

మూలాలుసవరించు

  1. Samsaram (Banner). Chitr.com.
  2. Samsaram (Cast & Crew). gomolo.com.
  3. Samsaram (Review). Youtube.