సిద్ధాపూర్ జలాశయం
సిద్ధాపూర్ జలాశయం, తెలంగాణ రాష్ట్రం, నిజామాబాద్ జిల్లా, వర్ని మండలం, సిద్ధాపూర్ గ్రామ సమీపంలో నిర్మించబడుతున్న జలాశయం. సిద్ధాపూర్ సమీపంలోని మూడు చెరువుల ఉన్నతీకరణతోపాటు కెనాల్స్‌ ద్వారా 10వేల ఎకరాలకు సాగునీటి సరఫరా ఏర్పాటుకు 119.41 కోట్ల రూపాయలతో ఈ జలాశయం నిర్మాణం జరుగుతోంది.[1]
| సిద్ధాపూర్ జలాశయం | |
|---|---|
 సిద్ధాపూర్ జలాశయం శంకుస్థాపన కార్యక్రమంలో మంత్రి కల్వకుంట్ల తారక రామారావు | |
| ప్రదేశం | సిద్ధాపూర్, వర్ని మండలం, నిజామాబాద్ జిల్లా |
| స్థితి | నిర్మాణంలో ఉంది |
| యజమాని | తెలంగాణ ప్రభుత్వం |
| ఆనకట్ట - స్రావణ మార్గాలు | |
| ఆనకట్ట రకం | బ్యారేజి |
| జలాశయం | |
| సృష్టించేది | సిద్ధాపూర్ జలాశయం |
| మొత్తం సామర్థ్యం | 409.56 ఎంసీఎఫ్‌టీ |
| విద్యుత్ కేంద్రం | |
| నిర్వాహకులు | తెలంగాణ రాష్ట్రం |
| Type | జలాశయం |
ప్రారంభం
మార్చుపోచారం శ్రీనివాస్ రెడ్డి వ్యవసాయశాఖ మంత్రిగా ఉన్నప్పుడు 2018లో ఈ జలాశయం నిర్మాణానికి కార్యాచరణ రూపొందించగా, పరిపాలన అనుమతులతోపాటు 119.41 కోట్ల రూపాయల నిధులు విడుదలయ్యాయి. 2022, ఫిబ్రవరి 16న తెలంగాణ రాష్ట్ర అసెంబ్లీ స్పీకర్ పోచారం శ్రీనివాస్ రెడ్డి, ఐటి-పురపాలక శాఖామంత్రి కెటీఆర్, రోడ్లు-భవనాల శాఖామంత్రి వేముల ప్రశాంత్ రెడ్డి ఈ జలాశయం పనులకు శంకుస్థాపన చేశారు.[2][3] ఈ కార్యక్రమంలో ఉమ్మడి నిజామాబాదు జిల్లా ఎంపీలు, ఎమ్మెల్యేలు, ఇతర ప్రజాప్రతినిధులు, అధికారులు పాల్గొన్నారు.[4]
సామర్థ్యం
మార్చు409.56 ఎంసీఎఫ్‌టీ సామర్థ్యంతో ఈ సిద్ధాపూర్ జలాశయం నిర్మించనున్నారు.
రూపకల్పన
మార్చుఅటవీ ప్రాంతంలో కేవలం 614 ఎకరాల ఆయకట్టు కలిగిన చద్మల్‌, పైడిమల్‌, నామ్‌కల్‌ చెరువులను ఒకేచోట కలిపి జలాశయంగా మార్చబోతున్నారు. వర్షాధారంగా వచ్చే నీటిని నిల్వ చేయడంతోపాటు వర్షాభావ పరిస్థితులు తలెత్తిన సమయంలో ప్యాకేజీ-22 ద్వారా సిద్ధాపూర్ జలాశయంను కలుపుతున్నారు. దీనికి దాదాపు 3.6 కిలో మీటర్ల పొడవులో ఆనకట్ట నిర్మించబడుతోంది. ఈ జలాశయం ద్వారా నిజామాబాద్, కామారెడ్డి జిల్లాల్లోని గిరిజన తండాలకు సాగునీరు సమకూరుతుంది. మంజూరైన మొత్తం నిధులలో జలాశయం పనుల కోసం రూ.72.52 కోట్లు, గ్రావిటీ ద్వారా కెనాల్స్‌ నిర్మాణం చేపట్టేందుకు రూ.46.89 కోట్లను ఉపయోగించనున్నారు.
ఇతర వివరాలు
మార్చుఈ జలాశయం ద్వారా సాగునీరు అందించబడే గ్రామాల వివరాలు:
| క్ర.సం | మండలం | గ్రామాలు | ఎకరాలు |
|---|---|---|---|
| 1 | వర్ని మండలం | శ్యామ్‌రావు తండా, కోకల్‌దాస్‌ తండా, చెల్క తండా, చింతల్‌పేట తండా, గుంటూర్‌ క్యాంప్‌, పైడిమల్‌ తండా | 1900 |
| 2 | బాన్సువాడ మండలం | సంగ్రామ్‌నాయక్‌ తండా, అవాజ్‌పల్లి, కిమ్యానాయక్‌ తండా, పులిగుండు తండా, సోమాలినాయక్‌ తండా, గోపాల్‌ తండా | 4,400 |
| 3 | నస్రుల్లాబాద్‌ మండలం | హాజీపూర్‌, సంగం | 1000 |
| 4 | గాంధారి మండలం | గౌరారం, సక్రామ్‌ తండా, సర్వాపూర్‌, అలుగు తండా, కంచరాయ్‌ తండా, హేమ్లా నాయక్‌ తండా, మొండిసడక్‌ తండా, గండివేట్‌ తండా | 2,700 |
మూలాలు
మార్చు- ↑ telugu, NT News (2022-02-11). "ట్రైబల్ రిజర్వాయర్‌". www.ntnews.com. Archived from the original on 2022-02-16. Retrieved 2022-02-16.
- ↑ telugu, NT News (2022-02-16). "సిద్దపూర్ రిజర్వాయర్‌ పనులకు శంకుస్థాపన చేసిన స్పీకర్, మంత్రులు". www.ntnews.com. Archived from the original on 2022-02-16. Retrieved 2022-02-16.
- ↑ "KTR: 24 గంటల ఉచిత విద్యుత్ ఇస్తున్న ఏకైక రాష్ట్రం తెలంగాణే: కేటీఆర్‌". EENADU. 2022-02-16. Archived from the original on 2022-02-16. Retrieved 2022-02-16.
- ↑ "సిద్ధాపూర్ రిజర్వాయర్‌కు మంత్రి కేటీఆర్‌ శంకుస్థాపన". Sakshi. 2022-02-16. Archived from the original on 2022-02-16. Retrieved 2022-02-16.