కామారెడ్డి జిల్లా
కామారెడ్డి జిల్లా, తెలంగాణలోని 33 జిల్లాలలో ఒకటి.[1]
అక్టోబరు 11, 2016న కొత్తగా అవతరించిన ఈ జిల్లాలో 3 రెవెన్యూ డివిజన్లు (కామారెడ్డి, బాన్సువాడ, ఎల్లారెడ్డి), 22 మండలాలు, 450 రెవెన్యూ గ్రామాలు ఉన్నాయి.[1] 44వ నెంబరు జాతీయ రహదారిపై ఉన్న కామారెడ్డి పట్టణం ఈ జిల్లా పరిపాలన కేంద్రంగా మారింది. ఇందులోని అన్ని మండలాలు మునుపటి నిజామాబాదు జిల్లాలోనివే.
జిల్లా గణాంకాలుసవరించు
కామారెడ్డి జిల్లా విస్తీర్ణం: 3,667 చ.కి.మీ., జనాభా: 9,74,227, అక్షరాస్యత: 48.49 శాతంగా ఉన్నాయి.
భౌగోళికంసవరించు
జిల్లా 3,652.00 చదరపు కిలోమీటర్లు (1,410.05 చ. మై.) విస్తీర్ణంతో రాష్ట్రంలో 15వ అతిపెద్ద జిల్లాగా నిలిచింది.[2] కామారెడ్డికి ఉత్తరాన నిజామాబాద్ జిల్లా, తూర్పున రాజన్న సిరిసిల్ల, సిద్ధిపేట జిల్లాలు, దక్షిణాన సంగారెడ్డి, మెదక్ జిల్లాలు, పశ్చిమ-నైరుతిలో వరుసగా మహారాష్ట్ర, కర్ణాటక రాష్ట్రాలకు చెందిన నాందేడ్ జిల్లా, బీదర్ జిల్లాలు సరిహద్దులగా ఉన్నాయి.
జనాభాసవరించు
2011 భారత జనాభా లెక్కల ప్రకారం జిల్లాలో 974,227 మంది ఉన్నారు. జనాభాలో రాష్ట్రంలోని జిల్లాల్లో 15వ స్థానంలో ఉంది.[3][4] మొత్తం జనాభాలో షెడ్యూల్డ్ కులాలు 15.77%, షెడ్యూల్డ్ తెగలు 8.41% ఉన్నారు. 2011 జనాభా లెక్కల ప్రకారం జిల్లాలో 72.87% జనాభా తెలుగు, 9.73% ఉర్దూ, 8.57% లంబాడీ, 3.89% మరాఠీ, 3.23% కన్నడ వారి మొదటి భాషగా మాట్లాడేవారు ఉన్నారు.[5]
జిల్లాలోని మండలాలుసవరించు
తెలంగాణ ప్రభుత్వ ఉత్తర్వు సంఖ్య GO Ms No 230 Revenue (DA-CMRF) Department, Dated: 11-10-2016 ప్రకారం ఈ విభాగంలలో 22 (ఇరవై రెండు రెవెన్యూ మండలాలు ఉన్నాయి.
- కామారెడ్డి మండలం
- బిక్నూర్ మండలం
- తాడ్వాయి మండలం
- దోమకొండ మండలం
- మాచారెడ్డి మండలం
- సదాశివనగర్ మండలం
- బాన్స్‌వాడ మండలం
- బీర్కూర్ మండలం
- బిచ్కుంద మండలం
- జుక్కల్ మండలం
- పిట్లం మండలం
- మద్నూరు మండలం
- నిజాంసాగర్‌ మండలం
- యెల్లారెడ్డి మండలం
- నాగిరెడ్డిపేట మండలం
- లింగంపేట్ మండలం
- గాంధారి మండలం
- రాజంపేట్ మండలం*
- బీబీపేట మండలం*
- రామారెడ్డి మండలం*
- నసురుల్లాబాద్ మండలం*
- పెద్ద కొడపగల్ మండలం
- డోంగ్లి మండలం*
గమనిక:* పునర్య్వస్థీకరణలో భాగంగా జిల్లాలో కొత్తగా ఏర్పడిన మండలాలు (6)
ఇవి కూడా చూడండిసవరించు
మూలాలుసవరించు
- ↑ 1.0 1.1 తెలంగాణ రాష్ట్ర ప్రభుత్వ ఉత్తర్వు సంఖ్య GO Ms No 230 Revenue (DA-CMRF) Department, Dt: 11-10-2016
- ↑ "New districts". Andhra Jyothy.com. 8 October 2016. Archived from the original on 25 డిసెంబరు 2018. Retrieved 8 October 2016.
- ↑ District census 2011: Nizamabadby mandals
- ↑ "Archived copy". Archived from the original on 8 July 2017. Retrieved 16 January 2017.
{{cite web}}: CS1 maint: archived copy as title (link) - ↑ 2011 Census of India, Population By Mother Tongue