సీతాఫల్‌మండి
సీతాఫల్‌మండి తెలంగాణ రాష్ట్ర రాజధాని హైదరాబాదులోని ఒక ప్రాంతం. ఇది సికింద్రాబాద్ రైల్వే స్టేషనుకు 1.5 కిలోమీటర్ల దూరంలో ఉన్న సీతాఫల్‌మండికి తూర్పున ఉస్మానియా విశ్వవిద్యాలయం, దక్షిణాన వారసిగూడ, పశ్చిమాన సికింద్రాబాద్, ఉత్తరాన తార్నాక వంటి ప్రాంతాలు ఉన్నాయి.
సీతాఫల్‌మండి | |
|---|---|
సమీప ప్రాంతాలు | |
  సీతాఫల్‌మండి Location in Telangana, India  సీతాఫల్‌మండి సీతాఫల్‌మండి (India) | |
| నిర్దేశాంకాలు: 17°25′32″N 78°31′09″E / 17.425556°N 78.519225°E | |
| దేశం |  భారతదేశం |
| రాష్ట్రం | తెలంగాణ |
| జిల్లా | హైదరాబాద్ |
| మెట్రో | హైదరాబాద్ |
| ప్రభుత్వం | |
| • నిర్వహణ | హైదరాబాద్ మహానగర పాలక సంస్థ |
| భాషలు | |
| • అధికారిక | తెలుగు |
| కాలమానం | UTC+5:30 (IST) |
| పిన్‌కోడ్ | 500061 |
| భారత వాహన రిజిస్ట్రేషన్ ప్లేట్లు | టి.ఎస్ |
| లోకసభ నియోజకవర్గం | సికింద్రాబాదు లోకసభ నియోజకవర్గం |
| శాసనసభ నియోజకవర్గం | సికింద్రాబాద్ శాసనసభ నియోజకవర్గం |
| నగర ప్రణాళిక సంస్థ | హైదరాబాద్ మహానగర పాలక సంస్థ |
పేరు వెనక చరిత్ర సవరించు
ఇక్కడ సీతాఫలాలు లభించే మండి (మార్కెట్) ఉండడం వల్ల దీనికి సీతాఫల్‌మండి అని పేరు వచ్చింది.
విద్య సవరించు
ఇక్కడ అనేక పారశాలలు, కళాశాలలు ఉన్నాయి. అంతేకాకుండా ఉన్నత విద్య కొరకు ఏర్పాటుచేసిన జాతీయ విశ్వవిద్యాలయమైన ఇంగ్లీషు, విదేశీ భాషల విశ్వవిద్యాలయము ప్రధాన కేంద్రం కూడా ఈ ప్రాంతంలోనే ఉంది.
సంస్కృతి సవరించు
ఇక్కడ వివిధ మతాల సంస్కృతి, ఆచారాలు కలిసి ఉన్నాయి. ఇక్కడ రామలింగేశ్వరస్వామి ఆలయం, పోచమ్మ ఆలయం, సాయిబాబా ఆలయం వంటి హిందూ దేవాలయాలు... రెండు మసీదులు, ఒక గురుద్వార ఉన్నాయి. ఇక్కడికి సమీపంలోని నామాలగుండు ప్రాంతంలో ఇటీవలే శ్రీ కళ్యాణ వెంకటేశ్వర స్వామి దేవాలయం నిర్మించబడింది.
రవాణా వ్యవస్థ సవరించు
హైదరాబాదు, సికింద్రాబాద్ ప్రాంతాల నుండి రైలు, రోడ్డు మార్గాల ద్వారా ఈ సీతాఫల్‌మండి అనుసంధానించబడి ఉంది. ఇక్కడ సీతాఫల్‌మండి రైల్వే స్టేషను కూడా ఉంది. తెలంగాణ రాష్ట్ర రోడ్డు రవాణా సంస్థ ద్వారా 86, 107, 57ఎస్, 2వి, 16ఎస్ నంబరు గల బస్సులు సికింద్రాబాద్, జామియా ఉస్మానియా, రాంనగర్ నుండి సీతాఫల్‌మండి మీదుగా నగరంలోని ఇతర ప్రాంతాలకు నడుపబడుతున్నాయి.
ఉమ్మడి ఆంధ్రప్రదేశ్ ముఖ్యమంత్రి డా. వై.ఎస్. రాజశేఖరరెడ్డి చే 2009, ఆగస్టు 14న రైల్ ఓవర్ వంతెనకు శంకుస్థాపన చేయబడింది.[1]
ప్రముఖ వ్యక్తులు సవరించు
- కార్తీక్‌ రత్నం (కేరాఫ్ కంచరపాలెం సినిమా నటుడు)[2]
మూలాలు సవరించు
- ↑ "Sitaphalmandi ROB opens to traffic". The Times of India. 15 July 2009. Archived from the original on 15 July 2012. Retrieved 14 September 2010.
- ↑ సాక్షి (10 September 2018). "హీరో లేడు.. విలన్‌ లేడు." Archived from the original on 14 September 2018. Retrieved 14 September 2018.