సుకుమార్

సుకుమార్ తెలుగు చలనచిత్ర దర్శకుడు. దర్శకుడు కాక ముందు గణితం బోధించే అధ్యాపకులు. 2004లో ఇతని మొదటి చిత్రం అల్లు అర్జున్ తోఆర్య సంచలన విజయం సాధించి అల్లు అర్జున్ను స్టార్ గా నిలబెట్టింది. రెండవ చిత్రం హీరో రామ్ పోతినేని తోజగడం టేకింగ్ పరంగా వైవిధ్యం చూపి విమర్శకుల ప్రశంసలను అందుకున్నాడు. మూడవ చిత్రం ఆర్య 2 అల్లు అర్జున్ నడవలేదు. నాల్గవ చిత్రం 100% లవ్ నాగ చైతన్య అక్కినేని సరి కొత్త కథతో యూత్ ని బాగా ఆకట్టుకొని మంచి విజయాన్ని నమోదు చేసింది. అందులోని పాటలు ప్రజాదరణ పొందాయి.2014 లో మహేష్ బాబు తో 1 నేనొక్కడినే చిత్రాన్ని తీశారు అది కూడా సరిగా ఆడలేదు. 2016 లో జూనియర్ ఎన్టీఆర్ తో తీసిన నాన్నకు ప్రేమతో సినిమా తో మంచి విజయాన్ని అందుకున్నారు. 2018 లో రాం చరణ్ తేజ్ తో రంగస్థలం సినిమా తో తన కెరీర్ లో ఉత్తమ విజయాన్ని అందుకున్నాడు.

సుకుమార్
జననం	బండ్రెడ్డి సుకుమార్ జనవరి 11 మట్టపాడు, తూర్పు గోదావరి జిల్లా, ఆంధ్రప్రదేశ్
నివాసం	మాదాపూర్, తెలంగాణా
ఇతర పేర్లు	సుక్కు
వృత్తి	దర్శకుడు
క్రియాశీలక సంవత్సరాలు	2000–ఇప్పటివరకు
జీవిత భాగస్వామి	హంసిని
పిల్లలు	సుకృతివేణి, సుక్రాంత్
తల్లిదండ్రులు	తిరుపతి రావు నాయుడు, వీరవేణి

జీవితం

సుకుమార్ తూర్పు గోదావరి జిల్లా, రాజోలుకు సమీపంలోని మట్టపాడులో పుట్టి పెరిగాడు. చిన్నప్పటి నుంచే పుస్తక పఠనంమీద ఆసక్తి ఉండేది. గ్రామంలోని గ్రంథాలయంలో పుస్తకాలు చాలావరకు చదివాడు. పాఠశాలలో ఉన్నప్పటి నుంచి కవితలు రాసేవాడు.

కళాశాలలో గణితం బోధించే అధ్యాపకులు లేకపోవడాంతో సుమారు పది మైళ్ళ దూరం వెళ్ళి వేరే అధ్యాపకుడి దగ్గర నేర్చుకున్నాడు. అలా డిగ్రీ మొదటి సంవత్సరం పూర్తయ్యే సరికి లెక్కల మీద మంచి పట్టు వచ్చింది. తర్వాత తనే జూనియర్లకు నేర్పించడం మొదలుపెట్టాడు.ఒక వైపు చదువుకుంటూ రాజోలులో ట్యూషన్లు చెప్పేవాడు. తర్వాత కాకినాడలో ఓ పెద్ద కళాశాలలో అధ్యాపకుడిగా ఉద్యోగం వచ్చింది. ఈ ఉద్యోగంలో బాగా నిలదొక్కుకున్నా మనసు మాత్రం సినిమాలవైపు లాగుతుండేది.

సినీ రంగం

సినీ రంగంపై ఉన్న ఆసక్తితో 2000 లో తన తండ్రితో మాట్లాడి చిత్ర పరిశ్రమలో అడుగుపెట్టాడు. మొదట్లో ఎడిటర్ మోహన్ దగ్గర సహాయకుడిగా పని చేశాడు. 2004లో అల్లు అర్జున్ కథానాయకుడిగా వచ్చిన ఆర్య సినిమాతో దర్శకుడిగా మారాడు. ఈ సినిమా మంచి విజయవంతం అయ్యింది. రెండవ చిత్రం హీరో రామ్ పోతినేని తోజగడం టేకింగ్ పరంగా వైవిధ్యం చూపి విమర్శకుల ప్రశంసలను అందుకున్నాడు. మూడవ చిత్రం ఆర్య 2 అల్లు అర్జున్ నడవలేదు. నాల్గవ చిత్రం 100% లవ్ నాగ చైతన్య అక్కినేని సరి కొత్త కథతో యూత్ ని బాగా ఆకట్టుకొని మంచి విజయాన్ని నమోదు చేసింది. అందులోని పాటలు ప్రజాదరణ పొందాయి.2014 లో మహేష్ బాబు తో 1 నేనొక్కడినే చిత్రాన్ని తీశారు అది కూడా సరిగా ఆడలేదు. 2016 లో జూనియర్ ఎన్టీఆర్ తో తీసిన నాన్నకు ప్రేమతో సినిమా తో మంచి విజయాన్ని అందుకున్నారు. 2018 లో రాం చరణ్ తేజ్ తో రంగస్థలం సినిమా తో తన కెరీర్ లో ఉత్తమ విజయాన్ని అందుకున్నాడు.

సినీ చరిత్ర

1. ఆర్య - (అల్లు అర్జున్)
2. జగడం- (రామ్)
3. ఆర్య 2- (అల్లు అర్జున్)
4. 100% లవ్- (నాగ చైతన్య)
5. 1 - నేనొక్కడినే- (మహేష్ బాబు)
6. నాన్నకు ప్రేమతో - (ఎన్.టి.ఆర్)
7. రంగస్థలం ౼ రామ్ చరణ్ తేజ్

బయటి లంకెలు

• ఇంటర్నెట్ మూవీ డేటాబేసు లో సుకుమార్ పేజీ