అష్ట దిక్కులు

పశ్చిమ దేశాల్లోలా కాకుండా .. భారతీయులు.. అందునా తెలుగు ప్రజలు ఏ అంశాన్నైనా అష్టదిక్కులతో ముడి పెడతారు. తూర్పు, పడమర (పశ్చిమ), దక్షిణ, ఉత్తర అనే నలు దిక్కులతో పాటుగా.. ఈశాన్యం, ఆగ్నేయం, నైఋతి, వాయువ్యం అని ఈ దిక్కుల మధ్య భాగాలుగా చెప్తారు. వీటికి ఒక్కో అధిపతిగా కొందరు దేవుళ్ళని చెప్పుకుంటారు. వారిని దిక్పాలకులు అంటారు. అంటే దిక్కులను పాలించే వారు అని అర్ధం. వారి దైనందిక జీవితాల్లో ఈ అష్ట దిక్కులకి తగిన ప్రాధాన్యాన్నీ కల్పించారు. వాస్తు, జ్యోతిష్యం, దైవ కార్యక్రమాల్లోనూ వీటి ప్రస్తావన ఉంటుంది.

• తూర్పు - ఇంద్రుడు - ఇతని వాహనం ఐరావతం . ఆయుధం వజ్రాయుధము. భార్య శచీదేవి. వర్షాలు బాగా కురిసి పంటలు బాగా పండాలని ఇతనిని పూజిస్తారు. ఇండ్లు కొనేవారు ఎక్కువగా ఈ దిక్కునే కోరుకుంటారు.
• ఆగ్నేయం - అగ్ని - అగ్ని దేవుడు. ఇతని వాహనం టగరు (పొట్టేలు). భార్య స్వాహాదేవి. నివాసం తేజోపతి. ఆయుధం శక్తి ఆయుధం.
• దక్షిణం - యముడు - యమ ధర్మ రాజు. ఇతని వాహనం దున్నపోతు. భార్య శ్యామలాదేవి. నివాసం సంయమినీపురం. ఆయుధం దండం.
• నైఋతి - నిరృతి - భార్య దీర్ఘాదేవి. ఇతని వాహనం కాకి. నివాసం కృష్టాంగన. ఆయుధం కుంతం.
• పడమర (పశ్చిమం) - వరుణుడు భార్య కాళికా దేవి. ఇతని వాహనం మొసలి. ఆయుధం పాశం.
• వాయవ్యం - వాయుదేవుడు - వాయుదేవుడు.భార్య అంజనాదేవి. ఇతని వాహనం లేడి. నివాసం గంధవతి. ఆయుధం ధ్వజం.
• ఉత్తరం - కుబేరుడు. భార్య చిత్రరేఖాదేవి. ఆయుధం ఖడ్గం. ఇతని వాహనం నరుడు.
• ఈశాన్యం - ఈశ్వరుడు - భార్య పార్వతి. ఇతని వాహనం నంది. ఆయుధం త్రిశూలం.

ఎనిమిది దిక్కుల సూచిక.

ఇవికూడా చూడండి

• అష్టదిక్కులు - దిక్పాలకులు - పట్టణాలు