ప్రెసిడెంటు గారి పెళ్ళాం
ప్రెసిడెంటు గారి పెళ్ళాం 1992 లో ఎ. కోదండరామిరెడ్డి దర్శకత్వంలో విడుదలైన సినిమా. వి. ఎం. సి ప్రొడక్షన్స్ పతాకంపై వి. దొరస్వామి రాజు నిర్మించిన ఈ చిత్రంలో నాగార్జున, మీనా ప్రధాన పాత్రధారులు. కీరవాణి సంగీత దర్శకత్వం వహించాడు.
| ప్రెసిడెంటు గారి పెళ్ళాం | |
|---|---|
 | |
| దర్శకత్వం | ఎ. కోదండరామిరెడ్డి |
| రచన | తోటపల్లి మధు (మాటలు) |
| స్క్రీన్‌ప్లే | ఎ. కోదండరామిరెడ్డి |
| కథ | బలభద్రపాత్రుని రమణి మధు |
| నిర్మాత | వి. దొరస్వామిరాజు |
| నటవర్గం | నాగార్జున, మీనా |
| ఛాయాగ్రహణం | వి. ఎస్. ఆర్. స్వామి |
| కూర్పు | ఎ. శ్రీకర్ ప్రసాద్ |
| సంగీతం | ఎం. ఎం. కీరవాణి |
నిర్మాణ సంస్థ | విఎంసి ప్రొడక్షన్స్ [1] |
విడుదల తేదీలు | 1992 అక్టోబరు 30 |
నిడివి | 138 ని |
| దేశం | భారతదేశం |
| భాష | తెలుగు |
| వసూళ్ళు | 7 కోట్లు |
కథసవరించు
చంద్రయ్య (చంద్రమోహన్), రాజా (నాగార్జున) అన్నదమ్ములు. చంద్రయ్య ఆ వూరి ప్రెసిడెంటు అయిన దేవుడు (కైకాల సత్యనారాయణ) దగ్గర పనిచేస్తుంటాడు. చంద్రయ్యకు దేవుడంటే నిజంగా దేవుడితో సమానం. కానీ రాజాకు మాత్రం ఆయనంటే పడదు. ఇదే విషయమై అన్నదమ్ములిద్దరూ అప్పుడప్పుడూ గొడవ పడుతూ ఉంటారు. దేవుడి కూతురు స్వప్న (మీనా) పట్నంలో చదువుకుంటూ ఉంటుంది. తన అహంకారంతో రాజాతో గొడవ పెట్టుకుంటూ ఉంటుంది. ఒకసారి స్వప్న ఎడ్లబండి ఎక్కి రాజా జొన్న చేను నాశనం చేస్తుంది. రాజా ఆమెను అవమానించి ఆమె తండ్రి చేత నష్ట పరిహారం పొందుతాడు. ఆ అవమానంతో తన అన్న నరేంద్ర (శ్రీకాంత్) చేత రాజాను కొట్టించాలని చూస్తుంది. కానీ అతను వెళ్ళి రాజా చేతిలో దెబ్బలు తిని వస్తాడు. దేవుడు తెలివిగా చంద్రయ్య ద్వారా రాజా సాగు చేస్తున్న పొలాన్ని కొనేస్తాడు. స్వప్న వెళ్ళి రాజాను అవమానించి వస్తుంది. రాజా చాలా మంచి మనిషనీ, అతన్ని అవమానించినందుకు క్షమాపణ చెప్పమని ఆమె తల్లి కోరుతుంది. స్వప్న రాజాను ప్రేమిస్తున్నట్లు నటించి అతను తనని పాడుచేయడానికి ప్రయత్నించాడని అతనికి పంచాయితీలో కొరడా దెబ్బల శిక్ష విధిస్తుంది. రాజా మనసు తీవ్రంగా గాయపడుతుంది.
పంచాయితీ ఎన్నికల్లో రాజా దేవుడికి ప్రత్యర్థిగా నిలబడతాడు. తాను గెలిస్తే కూతురినిచ్చి పెళ్ళి చేయమని పందెం కడతాడు. రాజా ఓడిపోతే ఊరు విడిచి వెళ్ళిపోతానని చెబుతాడు. రాజా ఎన్నికల్లో గెలుస్తాడు.
నటీనటులుసవరించు
- రాపాక రాజేంద్ర బాబు/రాజాగా అక్కినేని నాగార్జున
- స్వప్నగా మీనా
- దాసంచెక్క దేవుడుగా కైకాల సత్యనారాయణ
- చంద్రయ్య, రాజా అన్నగా చంద్రమోహన్
- ఉండేలుగా బ్రహ్మానందం
- నరేంద్రగా శ్రీకాంత్
- నాథమునిగా కోట శ్రీనివాస రావు
- స్వప్న తల్లిగా అన్నపూర్ణ
- లక్ష్మి, రాజా వదినగా సుధ
- హరిత
- డిస్కో శాంతి
- నర్సింగ్ యాదవ్
- ఆలీ
- చిట్టిబాబు
- చిడతల అప్పారావు
- గౌతం రాజు
- ఎ. వి. ఎస్
పాటలుసవరించు
- నువ్వు మల్లె తీగ
- పరువాల కోడి
- మండూరి ఆంబోతు
- ఆ వద్దు ఈ వద్దు
- ఉమ్మ కావాలి
- కందిరీగ నడుము దాని
మూలాలుసవరించు
- ↑ "President Gari Pellam(1992)". cineradham.com. Archived from the original on 3 మార్చి 2016. Retrieved 5 October 2014.