నర్సింగ్ యాదవ్
నర్సింగ్ యాదవ్ (జనవరి 26, 1968 - డిసెంబరు 31, 2020) తెలుగు చలనచిత్ర నటుడు.[1] ఇతడు తెలుగు, తమిళ, హిందీ భాషలలో కలిపి సుమారు 300 చిత్రాలకు పైగా నటించాడు.[2] ఎక్కువగా ప్రతినాయక, హాస్యప్రధాన పాత్రలు పోషించాడు. కొబ్బరి బోండాం, మాయలోడు, అల్లరి ప్రేమికుడు, ముఠామేస్త్రి, మాస్టర్, నువ్వొస్తానంటే నేనొద్దంటానా, ఇడియట్, గాయం, పోకిరి, యమదొంగ, జానీ, ఠాగూర్, శంకర్ దాదా ఎం. బి. బి. ఎస్ మొదలైనవి నర్సింగ్ యాదవ్ నటించిన ముఖ్యమైన చిత్రాలు.
నర్సింగ్ యాదవ్ | |
|---|---|
 నర్సింగ్ యాదవ్ | |
| జననం | మైల నరసింహ యాదవ్ 1968 జనవరి 26 |
| మరణం | 2020 డిసెంబరు 31 (వయసు 52) |
| ఇతర పేర్లు | నర్సింగ్ |
| వృత్తి | నటుడు |
| జీవిత భాగస్వామి | చిత్ర |
| పిల్లలు | రుత్విక్ |
మూత్రపిండాల వ్యాధితో 2020 డిసెంబరు 31న హైదరాబాదులో మరణించాడు.
వ్యక్తిగత జీవితం సవరించు
ఆయన అసలు పేరు మైల నరసింహ యాదవ్. సినీ పరిశ్రమలో ఈయన్ను నర్సింగ్ యాదవ్ అని పిలిచేవారు. నర్సింగ్ యాదవ్ 1968, జనవరి 26న రాజయ్య, లక్ష్మీ నరసమ్మ దంపతులకు హైదరాబాదులో జన్మించాడు. హైదరాబాదులోని న్యూ సైన్సు కళాశాలలో ఇంటర్మీడియట్ దాకా చదివాడు. ఆయన భార్య చిత్ర యాదవ్. కుమారుడు రుత్విక్.
సినిమా సవరించు
నర్సింగ్ మొదటి సినిమా విజయ నిర్మల దర్శక నిర్మాతగా వచ్చిన హేమాహేమీలు అనే చిత్రం. నటుడిగా అతనికి బ్రేక్ ఇచ్చింది దర్శకుడు రాం గోపాల్ వర్మ. ఆయన నర్సింగ్ యాదవ్ ఒకే కళాశాలలో చదువుకున్నారు. వర్మ దర్శకత్వంలో వచ్చిన క్షణక్షణంలో చిత్రంలో చెప్పుకోదగ్గ పాత్ర పోషించాడు. తర్వాత కొబ్బరి బోండాం సినిమాలో కూడా నర్సింగ్ ముఖ్యమైన పాత్ర పోషించాడు. మాయలోడు, అల్లరి ప్రేమికుడు, ముఠామేస్త్రి, మాస్టర్, నువ్వొస్తానంటే నేనొద్దంటానా, ఇడియట్, గాయం, పోకిరి, యమదొంగ, జానీ, ఠాగూర్, శంకర్ దాదా ఎం. బి. బి. ఎస్ తదితర చిత్రాల్లో మంచి పాత్రలు పోషించాడు. చిరంజీవి తన సినిమాలు చాలా వాటిలో అవకాశం ఇచ్చాడు.[3]
నటించిన చిత్రాలు సవరించు
తెలుగు సవరించు
- 2 అవర్స్ లవ్ (2019)
- ఎటాక్ (2016)
- సుబ్రహ్మణ్యం ఫర్ సేల్ (2015)
- ఆలస్యం అమృతం (2010)
- మనోరమ (2009)
- ఆటాడిస్తా (2008)
- విశాఖ ఎక్స్ ప్రెస్ (2008)
- హీరో (2008)
- వియ్యాలవారి కయ్యాలు (2007)
- యమదొంగ (2007) ... యమకింకరుడు
- ఆట (2007)
- జగడం (2007)
- గుండమ్మగారి మనవడు (2007)
- సైనికుడు (2007)
- దేశముదురు (2007)
- అతడెవరు (2007)
- పోరంబోకు (2007)
- అన్నవరం (2007)
- అమ్మచెప్పింది (2007)
- 4 బాయ్స్ (2007)
- కోకిల (2006)
- రూమ్ మేట్స్ (2006)
- పోకిరి (2006) .... రౌడీ దాసన్న
- పౌర్ణమి (2006) .... నౌకరు
- నువ్వే (2006) .... కథానాయిక తండ్రి
- పైసాలో పరమాత్మ (2006)
- హంగామా (2005)
- అందరూ దొంగలే దొరికితే (2005)
- శీనుగాడు చిరంజీవి ఫ్యాన్ (2005)
- అనుకోకుండా ఒకరోజు (2005) .... మాచవరపు అబ్బులు
- నువ్వొస్తానంటే నేనొద్దంటానా (2005)
- లేత మనసులు (2004)
- మధ్యాన్నం హత్య (2004)
- అడవి రాముడు (2004)
- మాస్ (2004)
- శంకర్‌దాదా M.B.B.S (2004)
- సై (2004)
- ఠాగూర్ (2003)
- జానీ (2003)
- ఐతే తెలుగు సినిమాలు 2003 .... మంత్రి
- అదృష్టం (2002)
- ఇడియట్ (2002).... రౌడీ, రాజకీయనాయకుడు
- వలయం (2002).... రాజకీయ నాయకుడు
- హైదరాబాద్ (2001) .... నర్సింగ్
- మాస్టర్ (1997)
- అల్లరి ప్రేమికుడు (1994) .... రౌడీ
- గాయం (1993) .... నర్సింగ్
- మాయలోడు (1993)
- క్షణ క్షణం (1991) .... నర్సింగ్
హిందీ సవరించు
- దౌడ్ (1997) .... ఇన్స్ పెక్టర్ రాణా
మరణం సవరించు
మూత్రపిండాల వ్యాధి కారణంగా హైదరాబాదు సోమాజిగూడలోని యశోద ఆస్పత్రిలో నర్సింగ్ యాదవ్, కొంతకాలం చికిత్స పొందాడు. చికిత్స పొందుతున్న సమయంలో గుండెపోటు రావడంతో 2020, డిసెంబరు 31న మరణించాడు.[4][5][6]
మూలాలు సవరించు
- ↑ "మూవీ ఆర్టిస్ట్ అసోసియేషన్ వెబ్ సైటులో నర్సింగ్ ఫ్రొఫైలు". maastars.com. MAA. Retrieved 28 September 2017.
- ↑ "తెలుగు సినీ నటుడు నర్సింగ్ యాదవ్". nettv4u.com. Retrieved 28 September 2017.
- ↑ "వర్మ మొదటి మెట్టయితే.. చిరంజీవి రెండో మొట్టు: నర్సింగ్ యాదవ్". andhrajyothy.com. ఆంధ్రజ్యోతి. Archived from the original on 15 ఫిబ్రవరి 2017. Retrieved 28 September 2017.
- ↑ నమస్తే తెలంగాణ, హైదరాబాదు (31 December 2020). "సినీ నటుడు నర్సింగ్ యాదవ్ కన్నుమూత". www.ntnews.com. Archived from the original on 31 December 2020. Retrieved 31 December 2020.
- ↑ ఈనాడు, హైదరాబాదు (31 December 2020). "సినీనటుడు నర్సింగ్ యాదవ్ కన్నుమూత". www.eenadu.net. Archived from the original on 31 December 2020. Retrieved 31 December 2020.
- ↑ Namasthe Telangana (27 March 2021). "గ‌త ప‌దేళ్ల‌లో దూరమైన సినీ ప్రముఖులు". Archived from the original on 30 November 2021. Retrieved 30 November 2021.
{{cite news}}:|archive-date=/|archive-url=timestamp mismatch (help)