వంగ‌ల‌పూడి అనిత

వంగ‌ల‌పూడి అనిత ఆంధ్ర‌ప్ర‌దేశ్‌ రాష్ట్రానికి చెందిన రాజకీయ నాయకురాలు. ఆమె 2014లో పాయకరావుపేట శాసనసభ నియోజకవర్గం నుండి తెలుగుదేశం పార్టీ అభ్యర్థిగా పోటీ చేసి ఎమ్మెల్యేగా గెలిచింది. ఆమె ప్రస్తుతం ఆంధ్రప్రదేశ్ రాష్ట్ర తెలుగు మహిళా రాష్ట్ర అధ్యక్షురాలిగా పనిచేస్తోంది.

వంగ‌ల‌పూడి అనిత
మాజీ ఎమ్మెల్యే 2014 నుండి 2019
నియోజకవర్గం	పాయకరావుపేట
ఆంధ్రప్రదేశ్ రాష్ట్ర తెలుగు మహిళా రాష్ట్ర అధ్యక్షురాలు
పదవీ కాలం 30 జనవరి 2020 – ప్రస్తుతం
వ్యక్తిగత వివరాలు
జననం	(1984-01-01) 1984 జనవరి 1 లింగరాజుపాలెం గ్రామం, ఎస్.రాయవరం మండలం, విశాఖపట్నం జిల్లా, ఆంధ్రప్రదేశ్, భారతదేశం
రాజకీయ పార్టీ	తెలుగుదేశం పార్టీ
నివాసం	విశాఖపట్నం
పూర్వ విద్యార్థి	ఆంధ్ర యూనివర్సిటీ

జననం, విద్యాభాస్యం

వంగ‌ల‌పూడి అనిత 1984 జనవరి 1 న ఆంధ్రప్రదేశ్, విశాఖపట్నం జిల్లా, ఎస్.రాయవరం మండలంలోని లింగరాజుపాలెం గ్రామంలో జన్మించింది. ఆమె తండ్రి పేరు వంగలపూడి అప్పారావు. ఆమె 2009లో ఆంధ్ర యూనివర్సిటీ నుండి ఎం.ఏ. ఎం.ఈ.డి పూర్తి చేసింది.

రాజకీయ జీవితం

వంగలపూడి అనిత 2014లో ఆంధ్రప్రదేశ్ రాష్ట్ర అసెంబ్లీ ఎన్నికల్లో పాయకరావుపేట శాసనసభ నియోజకవర్గం నుండి తెలుగుదేశం పార్టీ అభ్యర్థిగా పోటీ చేసి తన సమీప వైఎస్సార్‌సీపీ అభ్యర్థి చెంగల వెంకటరావు పై 2,828 ఓట్ల మెజారిటీతో గెలిచి తొలిసారి ఎమ్మెల్యేగా అసెంబ్లీలోకి అడుగు పెట్టింది. ఆమె 2018లో తిరుమల తిరుపతి దేవస్థానం (టీటీడీ) బోర్డు సభ్యురాలిగా నియమితురాలైంది. అనిత 2019 ఎన్నికల్లో కొవ్వూరు శాసనసభ నియోజకవర్గం నుంచి పోటీ చేసి తానేటి వ‌నిత చేతిలో ఓటమి పాలయ్యింది. ఆమె 2021 జనవరి 30 న ఆంధ్రప్రదేశ్ రాష్ట్ర తెలుగు మహిళ అధ్యక్షురాలిగా నియమితురాలైంది.