సిద్దు ఫ్రం శ్రీకాకుళం

సిద్ధు ఫ్రం సికాకుళం 2008 లో వచ్చిన శృంగార హాస్య చిత్రం. ఈశ్వర్ రచన, దర్శకత్వం వహించాడు. దీనిని మళ్ళ విజయప్రసాద్ సంక్షేమ క్రియేషన్స్ బ్యానర్‌లో నిర్మించాడు. అల్లరి నరేష్, మంజరి ఫడ్నీస్, శ్రద్ధా దాస్ ప్రధాన పాత్రల్లో నటించారు. ఈ చిత్ర పాటలు, బ్యాక్‌గ్రౌండ్ స్కోర్‌ను కె.ఎం.రాధా కృష్ణన్ సమకూర్చాడు. సంభాషణలు రాజు ఓం రాజసింహ రాశారు. ఈ చిత్రం 2008 ఆగస్టు 14 న విడుదలైంది.

సిద్దు ఫ్రం శ్రీకాకుళం (2008 తెలుగు సినిమా)
దర్శకత్వం	ఈశ్వర్
నిర్మాణం	మళ్ల విజయ ప్రసాద్‌
కథ	ఈశ్వర్
తారాగణం	ఖయ్యూం, అల్లరి నరేష్, మంజరి ఫడ్నిస్, శ్రద్ధా దాస్, ధర్మవరపు సుబ్రహ్మణ్యం, తనికెళ్ళ భరణి, చంద్రమోహన్, కొండవలస లక్ష్మణరావు, ఆహుతి ప్రసాద్, ఎల్.బి.శ్రీరామ్
నిర్మాణ సంస్థ	వెల్ఫేర్ క్రియేషన్స్
విడుదల తేదీ	14 ఆగష్టు 2008
భాష	తెలుగు
ఐ.ఎమ్.డీ.బి పేజీ

కథ

సిద్ధూ ( అల్లరి నరేష్ ) ఆంధ్రప్రదేశ్ లోని శ్రీకాకుళానికి చెందిన యువకుడు. చదువు కొనసాగించడానికి విశాఖపట్నంలో ఒక కళాశాలలో చేరాడు. అక్కడ అతను శైలజ ( మంజారి ఫడ్నిస్ ) అనే అమ్మాయిని కలిసి ఆమెను ప్రేమిస్తాడు. ఇద్దరి మధ్య రెండుసార్లు సంభాషణలు జరిగిన తరువాత, సిద్ధు తన ప్రేమను ఆమెకు వెల్లడిస్తాడు. ఆమె కూడా అతని ప్రేమను అంగీకరిస్తుంది. ఈ సంఘటన జరిగిన కొన్ని రోజుల తరువాత, కళాశాల సెలవులను ప్రకటిస్తుంది. తన తండ్రి ఓబుల్ రెడ్డి ( జయ ప్రకాష్ రెడ్డి ), పెద్ద ఫ్యాక్షనిస్టు భూమా రెడ్డి (విజయరంగ రాజు) సోదరుడితో తన పెళ్ళి కుదిర్చినట్లు కళాశాల చివరి రోజున శైలజ వెల్లడిస్తుంది. ఓబుల్ రెడ్డి గురించి తెలుసుకున్న సిద్ధూ, ప్రేమ కోసం ప్రాణాలు పోగొట్టుకోవటానికి ఇష్టపడనందున, తమ ప్రేమను కొనసాగించడం కంటే విడిపోవడమే మంచిదని శైలజతో చెబుతాడు. అతను ప్రతిదీ ఆచరణాత్మకంగా ఆలోచిస్తాడు. అయితే, సిద్ధు తన పెళ్ళికి వచ్చి, తాళికట్టే వరకు ఆమెతోనే ఉండాలని ఒక షరతుతో అతని నుండి విడిపోవడానికి శైలజ అంగీకరిస్తుంది. అది కూడా నవ్వుతున్న ముఖంతో. సిద్ధూ ఆమె షరతుకు అంగీకరించి ఆమె గ్రామానికి చేరుకుంటాడు. అతను తన భావోద్వేగాలను, శైలజ టీజింగునూ తట్టుకుంటాడు. ఒక దశలో, సిద్ధు ఆమె కజిన్ నిషా ( శ్రద్ధా దాస్ ) తో సన్నిహితంగా ఉండడం ద్వారా శైలజను బాధించటానికి ప్రయత్నిస్తాడు. అయితే, చివరికి అతను శైలజను ప్రేమిస్తున్నానని, ఆమె లేకుండా జీవించలేనని అందరికీ చెబుతాడు. చివరకు ప్రేమ జీవితం కంటే గొప్పదని అతను అర్థం చేసుకుంటాడు. ప్రేమ కోసమే తన జీవితాన్ని త్యాగం చేయడానికి సిద్ధమౌతాడు. అదే సమయంలో, తన తెలివితేటలను ఉపయోగించి శైలజ తండ్రి స్వయంగా తన కుమార్తెను పెళ్ళి చేసుకోమని సిద్ధును అడిగే పరిస్థితిని సృష్టిస్తాడు. కుటుంబంలోని ప్రతి ఒక్కరి అంగీకారంతో సిద్ధూ శైలజను వివాహం చేసుకుంటాడు.

తారాగణం

• అల్లరి నరేష్
• మంజరి ఫడ్నీస్
• శ్రద్ధా దాస్
• జయ ప్రకాష్ రెడ్డి
• ధర్మవరపు సుబ్రహ్మణ్యం .
• కొండవలస లక్ష్మణరావు .
• ఎం.ఎస్. నారాయణ
• వేణు మాధవ్
• విజయ రంగరాజు
• ఎల్. బి. శ్రీరామ్
• ఆహుతి ప్రసాద్
• ఖయ్యూం.
• కాదంబరి కిరణ్ కుమార్
• సురేఖా వాణి
• చంద్ర మోహన్
• తెలంగాణా శకుంతల
• కృష్ణ భగవాన్

పాటలు

క్రమసంఖ్య	పేరు	గాయనీ గాయకులు	నిడివి
1.	"నా నాబాబా నా నానా"	కె. ఎం. రాధాకృష్ణన్, శ్వేత	04:07
2.	"జాంపండు లాంటి పిల్ల"	రంజిత్	04:29
3.	"ఓ క్షణమైనా చాలు"	హేమచంద్ర, సాహితి	04:16
4.	"తెల్లారిపోనీకు"	గాయత్రి	03:52
5.	"సరసాంగు రతనాంగి"	కారుణ్య	04:07
20:51