ఎ.సి.త్రిలోకచందర్
ఎ. సి. త్రిలోక చందర్ (11 జూన్ 1930-15 జూన్ 2016), ప్రధానంగా తమిళ చిత్రాలలో పనిచేసిన భారతీయ చలనచిత్ర దర్శకుడు, రచయిత.[2] అతని 1969లో ఇతడు దర్శకత్వం వహించిన తమిళ చిత్రం దైవ మగన్ ఉత్తమ అకాడమీ అవార్డు పోటీకి విదేశీ భాషా చిత్రం విభాగంలో భారతదేశం నుండి నామినేట్ కాబడిన మొదటి దక్షిణ భారత చిత్రం.[3][4] ఇతడు తెలుగులో రాము, నాదీ ఆడజన్మే, అవేకళ్లు చిత్రాలకు దర్శకత్వం వహించాడు.
| ఎ.సి.త్రిలోకచందర్ | |
|---|---|
 | |
| జననం | ఆర్కాట్ చెంగల్వరాయ ముదలియార్ త్రిలోకచందర్ 1930 జూన్ 11 ఆర్కాట్, వెల్లూర్ జిల్లా, మద్రాసు ప్రెసిడెన్సీ, బ్రిటిష్ ఇండియా |
| మరణం | 2016 జూన్ 15 (వయసు 86) చెన్నై, తమిళనాడు, భారతదేశం |
| విద్య | ఎమ్.ఎ. |
| వృత్తి | సినిమా దర్శకుడు, రచయిత |
| క్రియాశీలక సంవత్సరాలు | 1964–1988 |
| ఎత్తు | 6 అ. 3 అం. (1.91 మీ.)[1] |
| పిల్లలు | 3 |
జీవిత విశేషాలు
మార్చుతమిళనాడులోని వెల్లూరు జిల్లా ఆర్కాట్ ప్రాంతానికి చెందిన ఇతని పూర్తి పేరు ఎ. చెంగల్వరాయ ముదలియార్ త్రిలోకచందర్. అర్దశాస్త్ర్రంలో ఎం.ఏ చేసిన త్రిలోకచందర్ సివిల్ సర్వీస్ పరీక్షలు రాయడానికి సిద్ధమవుతూ, సినిమా రంగంలోనికి వచ్చాడు. 1952లో కుమారి సినిమా చిత్రీకరణ సమయంలో సెట్స్‌లో ఎ. సి. త్రిలోక చందర్ జూనియర్ అసిస్టెంటుగా పనిచేస్తూ ఎం. జి. రామచంద్రన్‌కు సన్నిహిత మిత్రుడు అయ్యాడు. నిర్మాత ఎ. వి. మయ్యప్పన్ ఇతడి ప్రతిభను గుర్తించి 1962లో వీరతిరుమగన్ చిత్రంలో దర్శకుడిగా అవకాశం ఇచ్చాడు. తన తొలి చిత్రం విజయంతో, ఏవీఎం ప్రొడక్షన్స్ ఆధ్వర్యంలో దర్శకత్వం వహించడానికి ఇతనికి అవకాశం లభించింది.
దానితో 1963వ సంవత్సరంలో హిందీలో మై భీ లడ్కీ హూ, తమిళంలో నన్నుమ్ ఒరు పెన్ ఏకకాలంలో ద్విభాషా చిత్రంగా రూపొందించాడు. నన్నుమ్ ఒరు పెన్ 11వ జాతీయ చలనచిత్ర అవార్డులలో తమిళంలో ఉత్తమ ప్రాంతీయ భాషా చిత్రంగా జాతీయ చలనచిత్ర అవార్డును గెలుచుకుంది. ఇది ఉత్తమ చిత్రంగా ఫిల్మ్‌ఫేర్ అవార్డును కూడా గెలుచుకుంది. ఈ విజయంతో ఇతడు ఎవిఎం సంస్థలో దర్శకుడిగా శాశ్వత స్థానాన్ని పొందాడు. ఆ సంస్థ అధిపతి ఎ. వి. మొయ్యప్పంకు ఐదవ కుమారుడిలా మెలిగాడు. అతని కుమారుడు ఎం. శరవణన్‌కు సన్నిహిత స్నేహితుడయ్యాడు.
ఏ. వి. ఎం. బ్యానర్ క్రింద యాభైవ చిత్రంగా 1966లో ఎం. జి. రామచంద్రన్ ప్రధాన పాత్రలో నటించిన అన్బే వా అనే రొమాంటిక్ కామెడీ చిత్రానికి త్రిలోక చందర్ దర్శకత్వం వహించాడు. ఇతడు కె. బాలాజీ నిర్మించిన తంగై (1967) ఎన్ తంబి (1968) తిరుడాన్ (1969) ఎంగిరుంతో వంథాల్ (1970) మొదలైన చిత్రాలకు కూడా దర్శకునిగా పనిచేశాడు. ఇవి ఇతర భాషలలో విజయవంతమైన చిత్రాల తమిళ పునర్నిర్మాణాలు. ఇతడు శివాజీ గణేశన్ తో బాబు (1971), జెమిని గణేశన్ తో రాము (1966) వంటి సామాజిక సినిమాలకు దర్శకత్వం వహించడమే కాకుండా ఇరు మలర్గల్ (1967), అన్బాలిప్పు (1969) వంటి శృంగార చిత్రాలతో పాటు అన్బే వా (1966), అన్బే ఆరుయిరే (1975) వంటి శృంగార హాస్య చిత్రాలకు కూడా దర్శకత్వం వహించాడు.
1967లో ఎవిఎం బ్యానర్ నుండి మొదటి ద్విభాషా సస్పెన్స్ థ్రిల్లర్ చిత్రానికి దర్శకత్వం వహించే అవకాశం లభించింది. ఇది తెలుగులో అవేకళ్ళు , తమిళంలో అధే కంగళ్. శివాజీ గణేశన్, జయలలితలు జంటగా ఇతడు దైవ మగన్ (1969), ధర్మమ్ ఎంగే (1972), ఎంగిరుంధో వంధాల్ (1970), ఎంగా మామా (1970) , అవంతన్ మణిధన్ (1975) అనే ఐదు చిత్రాలకు దర్శకత్వం వహించాడు. 1985లో రాజేష్ ఖన్నా నటించిన బాబు చిత్రానికి ఇతడు దర్శకత్వం వహించాడు. ఇతడు దర్శకత్వం వహించిన మరికొన్ని తమిళ చిత్రాలలో తిరుడన్, అవల్, ధీర్ఘ సుమంగళి, వసందతిల్ ఒరు నాల్, భద్రకాళి, అన్బే ఆరుయిరే, భారత విలాస్ ఉన్నాయి. తెలుగు, తమిళ, హిందీ భాషల్లో దాదాపు 65 చిత్రాలకు దర్శకత్వం వహించాడు.[5]
ఇతడు తమిళ నటుడు శివకుమార్ (హీరో సూర్య తండ్రి)ని 'కాక్కుమ్ కరంగళ్' ద్వారా పరిచయం చేసాడు. "భద్రకాళి" సినిమా ద్వారా మ్యూజిక్ డెరైక్టర్ ఇళయరాజాని తెలుగు సినిమాకు పరిచయం చేసాడు. మురళీమోహన్, జయప్రద జంటగా నటించిన 'భద్రకాళి'ని డైరెక్ట్‌ చేసిన ఆయన, అదే కాంబినేషన్ లో వచ్చిన మరో చిత్రం 'శాంతి'కి స్ర్కీన్‌ప్లే సమకూర్చాడు.
ఇతడు వారపత్రికలకు చిన్న కథలను వ్రాసేవాడు. ఆలిండియా రేడియోకు నాటకాలను కూడా రాసేవాడు.[6]
వ్యక్తిగత జీవితం
మార్చుత్రిలోకచందర్కు ఒక కుమార్తె, ఇద్దరు కుమారులు ఉన్నారు, వీరిలో చిన్నవాడు 2016లో క్యాన్సర్‌తో మరణించాడు.[7][8][9]
మరణం
మార్చుత్రిలోకచందర్ 2016 జూన్ 15న వయో సంబంధమైన సమస్యలతో 86 సంవత్సరాల వయసులో మరణించాడు.[10][11]
నినిమాలు
మార్చు| సంవత్సరం. | సినిమా | భాష. | గమనికలు |
|---|---|---|---|
| 1952 | కుమారి | తమిళ భాష | సహాయక దర్శకత్వం |
| 1960 | విజయపురి వీరన్ | తమిళ భాష | కథ & సంభాషణ రచయిత |
| 1962 | పార్థాల్ పాసి తీరం | తమిళ భాష | కథ & సంభాషణ రచయిత |
| 1962 | వీరతిరుమగన్ | తమిళ భాష | |
| 1963 | నానుమ్ ఒరు పెన్ | తమిళ భాష | |
| 1964 | మెయిన్ భీ లడ్కీ హూ | హిందీ | |
| 1965 | నాదీ ఆడజన్మే | తెలుగు | |
| 1965 | కక్కుమ్ కరంగల్ | తమిళ భాష | |
| 1966 | అన్బే వా | తమిళ భాష | అమెరికన్ చిత్రం కమ్ సెప్టెంబర్ రీమేక్ |
| 1966 | రాము | తమిళ భాష | |
| 1967 | తంగై | తమిళ భాష | |
| 1967 | అత్తే కంగల్ | తమిళ భాష | |
| 1967 | ఇరు మలర్గల్ | తమిళ భాష | |
| 1967 | అవే కల్లూ | తెలుగు | |
| 1968 | రాము | తెలుగు | అదే పేరుతో తమిళ చిత్రం రీమేక్ |
| 1968 | ఎన్ తంబి | తమిళ భాష | |
| 1969 | తిరుడాన్ | తమిళ భాష | అదృష్టవంతులు రీమేక్ |
| 1969 | దైవ మగన్ | తమిళ భాష | |
| 1969 | అన్బాలిప్పు | తమిళ భాష | |
| 1970 | ఎంగిరుందో వంధాల్ | తమిళ భాష | ఏకకాలంలో ఖిలోనా గా రూపొందించబడింది |
| 1970 | ఎంగా మామా | తమిళ భాష | బ్రహ్మచారి రీమేక్ |
| 1971 | పవిత్ర హృదయాలు | తెలుగు | |
| 1971 | బాబు | తమిళ భాష | ఓడయిల్ నిన్ను రీమేక్ |
| 1972 | ఇథో ఎంథా దైవమ్ | తమిళ భాష | |
| 1972 | అవాల్ | తమిళ భాష | |
| 1972 | ధర్మమ్ ఎంజీ | తమిళ భాష | |
| 1973 | రాధ | తమిళ భాష | 25వ చిత్రం |
| 1973 | సోన్తం | తమిళ భాష | |
| 1973 | భారత నివాస్ | తమిళ భాష | |
| 1974 | దీర్ఘ సుమంగళి | తమిళ భాష | |
| 1975 | డాక్టర్ శివ | తమిళ భాష | |
| 1975 | అన్బే అరుయిరే | తమిళ భాష | |
| 1975 | అవంతన్ మణితాన్ | తమిళ భాష | కస్తూరి నివాస రీమేక్ |
| 1976 | నీ ఇంద్రీ నానిల్లై | తమిళ భాష | |
| 1976 | భద్రకాళి | తమిళ భాష | |
| 1977 | పెన్ జెన్మమ్ | తమిళ భాష | |
| 1977 | భద్రకాళి | తెలుగు | |
| 1978 | పైలట్ ప్రేమ్‌నాథ్ | తమిళ భాష | |
| 1978 | వనక్కట్టుకురియా కథలియే | తమిళ భాష | |
| 1980 | విశ్వరూపం | తమిళ భాష | |
| 1980 | కాదల్ కిలిగల్ | తమిళ భాష | ఘర్ యొక్క పునర్నిర్మాణం [12] |
| 1981 | లారీ డ్రైవర్ రాజకన్ను | తమిళ భాష | |
| 1982 | తేరి కసమ్ | హిందీ | |
| 1982 | బావరి | హిందీ | |
| 1982 | వసంధతిల్ లేదా నాల్ | తమిళ భాష | మౌసమ్ రీమేక్ |
| 1985 | బాబు | హిందీ | |
| 1985 | దో దిలోం కీ దాస్తాన్ | హిందీ | |
| 1987 | కుడుంబమ్ ఒరు కోయిల్ | తమిళ భాష | |
| 1987 | అన్బుల్లా అప్పా | తమిళ భాష | |
| 1988 | షుక్రియా | హిందీ |
పురస్కారాలు
మార్చుఆయన కెరీర్ లో 5సార్లు 'ఫిల్మ్‌ఫేర్' అవార్డులు, తమిళనాడు ప్రభుత్వ 'కళైమామణి' బిరుదు అందుకున్నాడు. తమిళనాడు ఫిల్మ్‌ ఇన్‌స్టిట్యూట్‌ ఛైర్మన్‌గా నాలుగుసార్లు బాధ్యతలు నెరవేర్చాడు.
మూలాలు
మార్చు- ↑ "Storyteller who found his flair in versatility". The Times of India. 2016-06-17. Archived from the original on 18 June 2016. Retrieved 2016-07-17.
- ↑ "Performer to the core". The Hindu. Chennai, India. 16 February 2008. Archived from the original on 9 November 2012. Retrieved 4 June 2011.
- ↑ "India's Oscar drill". The Indian Express. Archived from the original on 11 June 2022. Retrieved 4 June 2011.
- ↑ "திருலோகசந்தர் இயக்கத்தில் சிவாஜி கணேசன் 3 வேடத்தில் நடித்த 'தெய்வ மகன்'" [Sivaji Ganesan portrayed 3 roles in 'Deiva Magan' under Tirulokachander's direction]. Archived from the original on 7 December 2013. Retrieved 2013-11-20.
- ↑ ‘రాము’,‘అవే కళ్లు’,‘నాదీ ఆడజన్మే’చిత్రాల దర్శకుడు ఇక లేరు
- ↑ "Moorings and musings". MALATHI RANGARAJAN. The HIndu. 19 June 2016. Retrieved 24 March 2011.
- ↑ Roshne B; Johanna Deeksha (2016-06-16). "The Deiva Magan of all directors, he shared special bond with Sivaji Ganesan". The New Indian Express. Archived from the original on 16 June 2016. Retrieved 2016-07-17.
- ↑ "Veteran film director AC Tirulokchandar passes away". Deccan Chronicle. 16 June 2016. Archived from the original on 5 October 2016. Retrieved 2016-07-17.
- ↑ "Maalaimalar News: Director AC Thirulogachander son death". Maalaimalar.com. 2016-06-08. Archived from the original on 13 June 2016. Retrieved 2016-07-17.
- ↑ "Veteran Tamil film director AC Tirulokachandar passes away". 15 June 2016. Archived from the original on 2 May 2022. Retrieved 2 May 2022.
- ↑ "Tamil film director AC Tirulokachandar passes away". 16 June 2016. Archived from the original on 2 May 2022. Retrieved 2 May 2022.
- ↑ "Kalki magazine". archive.org. 4 May 1980. Retrieved 8 April 2023.