కె.బి. తిలక్
(కె.బి.తిలక్ నుండి దారిమార్పు చెందింది)
కొల్లిపర బాలగంగాధర్ తిలక్ (జనవరి 14 , 1926 - సెప్టెంబరు 23, 2010) స్వాతంత్య్ర సమరయోధుడు, దర్శకుడు, నిర్మాత.[1] పశ్చిమ గోదావరి జిల్లా దెందులూరు లో 1926, జనవరి 14న జన్మించాడు. ఆయన తండ్రి వెంకటాద్రి స్వాతంత్య్ర సమరయోధుడు. ఏలూరులో చదివేటప్పుడు తిలక్ స్వాతంత్య్రోద్యమం పట్ల ఆకర్షితులయ్యాడు. క్విట్ ఇండియా ఉద్యమంలో పాల్గొని 1942లో జైలుకి వెళ్లారు. తర్వాత ముదిగొండ జగ్గన్నశాస్త్రి ప్రోత్సాహంతో ప్రజా నాట్యమండలిలో సభ్యునిగా చేరి అనేక నాటకాలను ప్రదర్శించాడు. మేనమామలు ఎల్.వి.ప్రసాద్, అక్కినేని సంజీవిల ప్రోత్సాహంతో తొలుత కొన్ని సినిమాలకు ఎడిటర్‌గా చేసి, తర్వాత అనుపమ చిత్ర నిర్మాణ సంస్థను ఏర్పాటు చేశాడు 2010, సెప్టెంబరు 23న మరణించాడు.[2].
| కొల్లిపర బాలగంగాధర్ తిలక్ | |
|---|---|
 కె.బి. తిలక్ | |
| జననం | కొల్లిపర బాలగంగాధర్ తిలక్ జనవరి 14 , 1926 పశ్చిమ గోదావరి జిల్లా దెందులూరు |
| మరణం | సెప్టెంబరు 23, 2010 |
| ప్రసిద్ధి | స్వాతంత్య్ర సమరయోధుడు, దర్శకుడు, నిర్మాత |
| తండ్రి | వెంకటాద్రి |
| తల్లి | సుబ్బమ్మ |
అభ్యుదయ భావాలతో సినిమాలుసవరించు
- ముద్దుబిడ్డ (1956)
- ఎం.ఎల్.ఏ. (1957)
- అత్తా ఒకింటి కోడలే (1958)
- చిట్టి తమ్ముడు (1962)
- ఉయ్యాల జంపాల (1965)
- ఈడుజోడు (1967)
- పంతాలు పట్టింపులు (1968)
- కొల్లేటి కాపురం (1976)
- ధర్మవడ్డీ (1982)
- ఛోటీ బహు, కంగన్ (1971)
విశేషాలుసవరించు
- 1974లో 'భూమి కోసం ' సినిమాను నక్సలైట్ ఉద్యమంలో మరణించిన తన సోదరుడు కొల్లిపర రామనరసింహారావు కు అంకితమిచ్చాడు.
- జయప్రద ను వెండితెరకు పరిచయం చేశాడు.
- యు.విశ్వేశ్వర రావు దర్శకత్వం వహించి, నిర్మించిన నగ్నసత్యం సినిమాలో ఒక పాత్ర ధరించాడు.
అవార్డులు, గుర్తింపులుసవరించు
- 2008 సంవత్సరపు బి.ఎన్.రెడ్డి అవార్డు లభించింది.