మంగళాపురం (చల్లపల్లి)

మంగళాపురం, కృష్ణా జిల్లా, చల్లపల్లి మండలానికి చెందిన గ్రామం. ఇది మండల కేంద్రమైన చల్లపల్లి నుండి 6 కి. మీ. దూరం లోను, సమీప పట్టణమైన మచిలీపట్నం నుండి 25 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1215 ఇళ్లతో, 3983 జనాభాతో 1073 హెక్టార్లలో విస్తరించి ఉంది. గ్రామంలో మగవారి సంఖ్య 1986, ఆడవారి సంఖ్య 1997. షెడ్యూల్డ్ కులాల సంఖ్య 1061 కాగా షెడ్యూల్డ్ తెగల సంఖ్య 24. గ్రామ జనగణన లొకేషన్ కోడ్ 589752.

మంగళాపురం (చల్లపల్లి)
రెవెన్యూ గ్రామం
మంగళాపురం (చల్లపల్లి)
అక్షాంశ రేఖాంశాలు: 16°6′53.316″N 80°58′29.316″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	కృష్ణా
మండలం	చల్లపల్లి
విస్తీర్ణం	10.73 కి.మీ2 (4.14 చ. మై)
జనాభా  (2011)	3,983
• జనసాంద్రత	370/కి.మీ2 (960/చ. మై.)
అదనపు జనాభాగణాంకాలు
• పురుషులు	1,986
• స్త్రీలు	1,997
• లింగ నిష్పత్తి	1,006
• నివాసాలు	1,215
ప్రాంతపు కోడ్	+91 ( )
పిన్‌కోడ్	521131
2011 జనగణన కోడ్	589752

సమీప గ్రామాలు

ఈ గ్రామానికి సమీపంలో దాలిపర్రు, లక్ష్మిపురం, చల్లపల్లి, భోగిరెడ్డిపల్లి, పూషడం గ్రామాలు ఉన్నాయి.

గ్రామ చరిత్ర

ఇక్కడ గూడెం, కమ్మతురు, మాలపల్లి, గొల్లపాలెం, ముత్రాసుపాలెం అనే ప్రదేశాలు ఉన్నాయి. ఇక్కడ రామాలయం, గీతమందిరం అనే గుడులు ఉన్నాయి. ఇక్కడ రూపాంతర ప్రధాన మందిరం కూడా ఉంది. ఈ ఉరి పెద్ద ఎవరు లేరు. కమ్మతురులో అందరూ పెద్దలే... 200 పైగా కుటుంబాలు ఉన్నాయి.ఈ ఊరు రాజులు పరిపాలనలో కనుగొన్నారు

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు మూడు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి చల్లపల్లిలో ఉంది.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల చల్లపల్లిలో ఉన్నాయి. సమీప వైద్య కళాశాల విజయవాడలోను, మేనేజిమెంటు కళాశాల, పాలీటెక్నిక్‌లు మచిలీపట్నంలోనూ ఉన్నాయి. సమీప వృత్తి విద్యా శిక్షణ పాఠశాల చల్లపల్లిలోను, అనియత విద్యా కేంద్రం మచిలీపట్నంలోను, దివ్యాంగుల ప్రత్యేక పాఠశాల విజయవాడ లోనూ ఉన్నాయి.

జిల్లా పరిషత్తు ఉన్నత పాఠశాల:

ఈ పాఠశాల విద్యార్థిని డొక్కు వనజ, 2015, డిసెంబరు-3,4 తేదీలలో గుంటూరులో నిర్వహించు రాష్ట్రస్థాయి డిస్కస్ థ్రో పోటీలకు అండర్-16 విభాగంలో పాల్గొనడానికి ఎంపికైనది. 2015,నవంబరు-29న ఉయ్యూరులో నిర్వహించిన జిల్లాస్థాయి పోటీలలో ఈమె ప్రథమస్థానం సాధించి రాష్ట్రస్థాయి పోటీలకు ఎంపికైంది.మండల పరిషత్తు ప్రాథమిక పాఠశాల, ఈనాయిపాలెం గ్రామంలో ఉంది..

వైద్య సౌకర్యం

ప్రభుత్వ వైద్య సౌకర్యం

మంగళాపురంలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.సమీప సామాజిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. డిస్పెన్సరీ గ్రామం నుండి 5 నుండి 10 కి.మీ. దూరంలో ఉంది. ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలో5 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు, డిగ్రీ లేని డాక్టర్లు నలుగురు ఉన్నారు. ఒక మందుల దుకాణం ఉంది.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

మంగళాపురంలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉంది. లాండ్ లైన్ టెలిఫోన్, మొబైల్ ఫోన్ మొదలైన సౌకర్యాలు ఉన్నాయి. పబ్లిక్ ఫోన్ ఆఫీసు గ్రామానికి 5 కి.మీ. లోపు దూరంలో ఉంది. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 కి.మీ. లోపు దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

జాతీయ రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. రాష్ట్ర రహదారి గ్రామం నుండి 5 నుండి 10 కి.మీ. దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. రోజువారీ మార్కెట్, వారం వారం సంత గ్రామం నుండి 5 కి.మీ. లోపు దూరంలో ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు గ్రామం నుండి 5 నుండి 10 కి.మీ. దూరంలో ఉంది.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

మంగళాపురంలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 190 హెక్టార్లు
• నికరంగా విత్తిన భూమి: 882 హెక్టార్లు
• వివిధ వనరుల నుండి సాగునీరు లభిస్తున్న భూమి: 882 హెక్టార్లు

నీటిపారుదల సౌకర్యాలు

మంగళాపురంలో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 882 హెక్టార్లు

ఉత్పత్తి

మంగళాపురంలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

వరి, మినుము

గ్రామ పంచాయతీ

1. ఈనాయిపాలెం గ్రామం, మంగళాపురం గ్రామ పంచాయతీ పరిధిలోని ఒక శివారు గ్రామం.
2. ఈ గ్రామ పంచాయతీకి జూలై 2013 లో జరిగిన ఎన్నికలలో నీలా గౌతమి సర్పంచిగా 149 ఓట్ల ఆధిక్యంతో గెలుపొందింది. ఉపసర్పంచిగా పేరుబోయిన సాయిబాబు ఎన్నికైనాడు. [2]

దర్శనీయ ప్రదేశాలు/దేవాలయాలు

1. ఈ గ్రామంలో పునర్నిర్మాణం గావించిన గంగానమ్మగా కొలువబడే శ్రీ తాటానమ్మ తల్లి విగ్రహ ప్రతిష్ఠా మహోత్సవంలో భాగంగా, 2014,మార్చి-2, ఆదివారం ఉదయం, అగ్ని ప్రతిష్ఠాపన, నిత్య హోమం, నవగ్రహ పూజ, క్షీరాధి, జలాధివాసములను నిర్వహించారు. 2014,ఫిబ్రవరి-3, సోమవారం నాడు, విష్వక్సేన ఆరాధన, పుణ్యాహం, నిత్య హోమం, యంత్రస్థాపన, పూర్ణాహుతి, ప్రత్యేక పూజా కార్యక్రమాలు నిర్వహించెదరు. [3]
2. శ్రీ కోదండరామాలయం:- ఈ ఆలయంలో ప్రతిష్ఠించనున్న సీతా సమేత శ్రీ కోదండరామస్వామి, లక్ష్మణ, హనుమత్ విగ్రహాలకు 2014,జూన్-3, మంగళవారం నాడు, అర్చకుల ఆధ్వర్యంలో ప్రత్యేక పూజా కార్యక్రమాలను ఘనంగా నిర్వహించారు. ఉదయం, 7 గంటలకు విష్వక్సేన పూజ, పుణ్యాహవచనం, పంచగవ్య ఆరాధన, పంచగవ్యప్రాశన, నవగ్రహ యఙ్నం, అగ్నిప్రతిష్ఠా పూజా కార్యక్రమాలను వేదపండితులు నిర్వహించారు. తొలుత వేదపడితులు, అర్చకుల ఆధ్వర్యంలో గోపూజను శాస్త్రోక్తంగా నిర్వహించారు. మరుసటిరోజున, బుధవారం నాడు విగ్రహ ప్రతిష్ఠా కార్యక్రమాన్ని ఘనంగా నిర్వహించారు. ఉదయం ఆరు గంటలకు, ఆలయం వద్ద, విష్వక్సేన పూజ, పుణ్యాహవచనం, అగ్నిధ్యానం, రత్నన్యాసం, ధ్రువబిందు, శిఖర, ధ్వజదండాది సర్వ ప్రతిష్ఠలను ఘనంగా నిర్వహించారు. ఉదయం 8-01 గంటలకు, పూర్ణాహుతి కళాన్యాసం, అర్చన, శాంతికళ్యాణం, మమదార్చన దానము కార్యక్రమాలను నిష్ఠతో నిర్వహించారు. సర్వ ప్రతిష్ఠా కార్యక్రమాన్ని వేదపండితులు శాస్త్రోక్తంగా నిర్వహించారు. ఆలయం వద్ద భక్తులకు అన్నసమారాధన నిర్వహించారు. [4] & [5]

గ్రామంలోని ప్రధాన వృత్తులు

వ్యవసాయం, వ్యవసాయాధారిత వృత్తులు

గ్రామంలోని ప్రముఖులు (నాడు/నేడు)

ప్రముఖ స్వాతంత్ర్య సమరయోధుడు, కమ్యూనిస్టు నాయకుడు శ్రీ చండ్ర రాజేశ్వరరావు ఈ గ్రామస్థులే.

గ్రామ విశేషాలు

ఈ గ్రామాన్నీ, ఈ గ్రామ పరిధిలోని ఆవాస గ్రామాలను, ప్రభుత్వ-ప్రైవేటు భాగస్వామ్యంతో, ఆకర్షణీయ గ్రామాలు (స్మార్ట్ విలేజెస్) గా అభివృద్ధి చేయడానికై, మిట్-సుబిషి కార్పొరేషన్ అను ఒక ప్రైవేటు సంస్థ ముందుకు వచ్చింది.

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 4260. ఇందులో పురుషుల సంఖ్య 2095, స్త్రీల సంఖ్య 2165, గ్రామంలో నివాస గృహాలు 1182 ఉన్నాయి. గ్రామ విస్తీర్ణం 1073 హెక్టారులు.