కైకలూరు

కైకలూరు, ఆంధ్రప్రదేశ్ రాష్ట్రం కృష్ణా జిల్లా, కైకలూరు మండలం లోని చెందిన గ్రామం, కైకలూరు మండల కేంద్రం.ఇది సమీప పట్టణమైన ఏలూరు నుండి 25 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 5722 ఇళ్లతో, 21292 జనాభాతో 1096 హెక్టార్లలో విస్తరించి ఉంది. గ్రామంలో మగవారి సంఖ్య 10692, ఆడవారి సంఖ్య 10600. షెడ్యూల్డ్ కులాల సంఖ్య 1569 కాగా షెడ్యూల్డ్ తెగల సంఖ్య 280. గ్రామ జనగణన లొకేషన్ కోడ్ 589334.ఇది సముద్రమట్టానికి 8 మీ.ఎత్తులో ఉంది.భీమవరం నుండి గుడివాడ వెళ్ళే ప్రధాన రహదారిలో గుడివాడకు ముప్ఫై కిలో మీటర్ల దూరంలో ఉంది.

కైకలూరు
రెవెన్యూ గ్రామం
కైకలూరు రైల్వే స్టేషన్
కైకలూరు
అక్షాంశ రేఖాంశాలు: 16°33′6″N 81°12′50″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	ఏలూరు
మండలం	కైకలూరు
విస్తీర్ణం	10.96 కి.మీ2 (4.23 చ. మై)
జనాభా  (2011)	21,292
• జనసాంద్రత	1,900/కి.మీ2 (5,000/చ. మై.)
అదనపు జనాభాగణాంకాలు
• పురుషులు	10,692
• స్త్రీలు	10,600
• లింగ నిష్పత్తి	991
• నివాసాలు	5,722
ప్రాంతపు కోడ్	+91 ( 08677  )
పిన్‌కోడ్	521333
2011 జనగణన కోడ్	589334

విద్యా సౌకర్యాలు

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు ఐదు, ప్రైవేటు ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాలలు రెండు, ప్రైవేటు ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. ఒక ప్రభుత్వ జూనియర్ కళాశాల, 2 ప్రైవేటు జూనియర్ కళాశాలలు ఒక ప్రభుత్వ ఆర్ట్స్ / సైన్స్ డిగ్రీ కళాశాల, ఒక ప్రైవేటు ఆర్ట్స్ / సైన్స్ డిగ్రీ కళాశాల ఉన్నాయి.సమీప ఇంజనీరింగ్ కళాశాల ఏలూరులో ఉంది. సమీప వైద్య కళాశాల, మేనేజిమెంటు కళాశాల ఏలూరులోను, పాలీటెక్నిక్ కలిదిండిలోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల ఏలూరులో ఉన్నాయి.

వైద్య సౌకర్యం

ప్రభుత్వ వైద్య సౌకర్యం

కైకలూరులో ఉన్న ఒక సామాజిక ఆరోగ్య కేంద్రంలో ఇద్దరు డాక్టర్లు, 8 మంది పారామెడికల్ సిబ్బందీ ఉన్నారు. రెండు ప్రాథమిక ఆరోగ్య ఉప కేంద్రాల్లో డాక్టర్లు లేరు. నలుగురు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.

ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

సామాజిక ఆరోగ్య కేంద్రం

ఈ ఆరోగ్య కేంద్రానికి, జాతీయస్థాయి నాణ్యతా ప్రమాణాల గుర్తింపు లభించింది. సదరు ధ్రువీకరణ పత్రాలను ఈ ఆరోగ్య కేంద్రం అధికారికి, 29-9-2020న కృష్ణా జిల్లా కలెక్టర్, 2020 సెప్టెంబరు - 29న అందజేసారు.

ప్రైవేటు వైద్య సౌకర్యం

గ్రామంలో5 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు నలుగురు, ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ఇద్దరు, డిగ్రీ లేని డాక్టర్లు ఇద్దరు ఉన్నారు. 10 మందుల దుకాణాలు ఉన్నాయి.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

కైకలూరులో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ ఉంది. ఊరిలో పెరుగుతున్న ట్రాఫిక్ దృష్ట్యా కైకలూరు బయటినుండి బైపాస్ రోడ్డు నిర్మింపబడింది.

రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

కైకలూరులో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 315 హెక్టార్లు
• శాశ్వత పచ్చిక ప్రాంతాలు, ఇతర మేత భూమి: 179 హెక్టార్లు
• తోటలు మొదలైనవి సాగవుతున్న భూమి: 26 హెక్టార్లు
• బంజరు భూమి: 5 హెక్టార్లు
• నికరంగా విత్తిన భూమి: 568 హెక్టార్లు
• నీటి సౌకర్యం లేని భూమి: 5 హెక్టార్లు
• వివిధ వనరుల నుండి సాగునీరు లభిస్తున్న భూమి: 568 హెక్టార్లు

నీటిపారుదల సౌకర్యాలు

కైకలూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 568 హెక్టార్లు

ఉత్పత్తి

కైకలూరులో ఈ కింది వస్తువులు ఉత్పత్తి అవుతున్నాయి.ఈ మండలం మొదలు వరి, చేపలచెరువులు, రొయ్యల చెరువుల సాగుబడి ప్రారంభమైన తరువాత చాలా అభివృద్ధి చెందింది.

ప్రధాన పంటలు

వరి

పారిశ్రామిక ఉత్పత్తులు

బియ్యం, ఐసు

రైలు వసతి

• రైల్వే స్టేషను. కలిదిండి మార్గములో పాత స్టేషను తీసివేసి కొత్తగా 2006 సంవత్సరములో కట్టబడింది.
• గుడివాడ - నర్సాపురం ప్యాసింజర్ రైలుబండి నంబరు:: 77202
• విశాఖపట్నం - మచిలీపట్నం ప్యాసింజర్ రైలుబండి నంబరు:: 57230
• గుడివాడ - నరసాపురం ప్యాసింజర్ రైలుబండి నంబరు:: 77204
• కైకలూరు, మండవల్లి నుండి రోడ్దురవాణా సౌకర్యం ఉంది. రైల్వేస్టేషన్: విజయవాడ 69 కి.మీ

మౌలిక సదుపాయాలు

• రక్షకభట నిలయము ఉంది. ఇది ఆకివీడు మార్గములో బస్టాండు సమీపములో ఉంది.
• వాటర్ ఫిల్టరేషన్ ప్లాంట్ 10 లక్షలతో బారీ ఎత్తున పాత టాంకు ప్రక్కగా నిర్మించబడింది. (రూ.2 తో ఒక కేను నీరు లభ్యమగుతంది.. టాంకు పరిరక్షకుల జీతభత్యాల కొరకు)
• ప్రయాణీకుల విశ్రాంతి మందిరం:- (బస్టాండ్) ఊరికి చివరగా ఆకివీడు మార్గములో పెద్ద బస్టాండు 1994లో కట్టబడింది.

దర్శనీయ ప్రదేశాలు/దేవాలయాలు

1. శ్రీ కన్యకా పరమేశ్వరి దేవాలయము.
2. శ్రీ శ్యామలాదేవి ఆలయం:- ఊరి ముఖ్యదేవత అయిన శ్రీశ్యామలాంబ పేరుమీదుగా ఇక్కడ సింహభాగం అంగళ్ళు, మనుషులు ప్రతివాటికీ శ్యామల పేరే అధికంగా కనిపిస్తుంది. శ్రీ శ్యామలాంబ అమ్మవారి శ్రీ చండీ మహాయాగ సహిత శరన్నవరాత్రి మహోత్సవాలు ప్రతి సంవత్సరం దసరా సందర్భంగా ఘనంగా జరుగును.
3. శ్రీ భూ సమేత శ్రీ వేంకటేశ్వరస్వామివారి దేవాలయము:- మీసాల వెంకన్నగా భక్తులు ఆరాధించే ఈ ఆలయంలో వార్షిక బ్రహ్మోత్సవాలు, ప్రతి సంవత్సరం, వైశాఖ మాసంలో నిర్వహించెదరు. [3]
4. శ్రీషిర్డీ సాయిబాబా దేవాలయము,
5. కాలువగట్టున కల శ్రీ ఆంజనేయస్వామి దేవాలయము.
6. శ్రీ రామకృష్ణ సేవాసమితి, ఎన్.జి.వో.కాలనీ.

గ్రామ ప్రముఖులు

• నూతన్ ప్రసాద్ - నూటొక్క జిల్లాల అందగాడుగా ప్రసిద్ధి చెందిన నూతన్ ప్రసాద్ (డిసెంబర్ 12, 1945 - మార్చి 30, 2011) అసలు పేరు తడినాధ వరప్రసాద్. 1970వ, 80వ దశకంలో తెలుగు సినిమా రంగంలో ప్రసిద్ధి చెందిన హాస్య నటుడు, ప్రతినాయకుడు.
• అట్లూరి పుండరీకాక్షయ్య:- తెలుగు సినిమా నిర్మాత, నటుడు. ఎన్.టి.ఆర్ తో కలిసి "నేషనల్ ఆర్ట్ థియేటర్" స్థాపించి నాటకాలు వేసిన అనుభవం ఆయనకుంది.
• బలే వెంకటరావు అఖిల భారత మానవ హక్కుల సంఘం ఆంధ్రప్రదేశ్ రాష్ట్ర కార్యదర్శి. ఆ సంఘానికి భారత దేశానికి చెందిన అధ్యక్షులు, మన రాష్ట్రానికి, 11 మందితోకూడిన ఒక కమిటీని ప్రకటించగా, ఆ కమిటీలో శ్రీ వెంకటరావుని, కార్యదర్శిగా నియమించారు.
• పరిమి రామకృష్ణశాస్త్రి ఉమ్మడి ఆంధ్రప్రదేశ్ రాష్ట్రంలోని అనేకప్రాంతాలలో రామాయణం, సుందరకాండలను ప్రచారంచేసి, రామాయణ వాచస్పతి గా బిరుదు పొందిన శ్రీ పరిమి రామకృష్ణశాస్త్రి, కైకలూరు గ్రామానికి చెందినవారే. వీరు 2016, ఫిబ్రవరి-14వ తేదీ ఆదివారం, రథసప్తమి రోజున హైదరాబాదులో ఆనారోగ్యంతో పరమపదించారు.
• జన్యావుల ధనార్జునరావు (జె.డి.రావు) భారత అంతరిక్ష పరిశోధన సంస్థ "I.S.R.O"లో అత్యంత కీలకమైన విభాగంలో పనిచేయుచూ, ఇటీవల ప్రారంభించిన అంగారక గ్రహ యాత్ర "మాం" విజయవంతంలో ముఖ్య పాత్ర వహించిన శ్రీ జన్యావుల ధనార్జునరావు (జె.డి.రావు), కైకలూరుకు చెందినవారే. వీరికి 2014, నవంబరు-10న కైకలూరులో ఘనసన్మానం చేసారు.
• వడ్లమన్నాటి పాండురంగారావు విశ్రాంత వ్యాయామ ఉపాధ్యాయిలు మరియూ ఎం.పి.టి.సి. సభ్యులు. వీరు 2015, ఏప్రిల్-25నుండి 30 వరకు గోవాలో నిర్వహించిన 36వ జాతీయ వెటరన్ పోటీలలో 70 సంవత్సరాల విభాగంలో, 100 మీటర్ల పరుగు పందెంలోనూ మరియూ 400 మీటర్ల రిలే పరుగు పందెంలోనూ పాల్గొని, రెండు పందేలలోనూ కాంశ్య పతకాలు సాధించారు. ఈ విజయాలు సాధించిన వీరు, ఆగష్టు-2015 లో ఫ్రాన్స్ దేశంలో నిర్వహించు ప్రపంచస్థాయి వెటరన్ పోటీలకు ఎంపికైనారు.
• అసిఫ్ పాషా ఆక్వా రైతు, కె.ఎం.సి. అను చేపల కంపెనీకి యజమాని. వీరు "జాతీయ ఉత్తమ చేపల రైతు" పురస్కారానికి ఎంపికైనారు. 2015, జూలై15వ తేదీనాడు, కాకినాడలో జరిగిన ఒక సభలో, వీరిని సన్మానించి వీరికి ఈ పురస్కారాన్ని ప్రదానం చేసారు.

గ్రామ విశేషాలు

ప్రసిద్ధిగాంచిన అటపాక పక్షుల సంరక్షణ కేంద్రం, ఇక్కడికి రెండు కి.మీ. దూరంలో ఉంది.

కైకలూరు శాసనసభ నియోజకవర్గం

పూర్తి వ్యాసం కైకలూరు శాసనసభ నియోజకవర్గంలో చూడండి.

• 
  కైకలూరు రూరల్ పోలీస్ స్టేషను
• కైకలూరు బస్ స్టేషను
  కైకలూరు బస్ స్టేషను
• 
  కైకలూరు శ్యామలాంబ అమ్మవారి ఆలయం
• 
  కైకలూరు వాసవి కన్యకా పరమేశ్వరి క్షేత్రం
• 
  కైకలూరు సబ్ రిజిస్ట్రార్ ఆఫీసు
• 
  కైకలూరు