అన్న (సినిమా)
అన్న 1994 లో ముత్యాల సుబ్బయ్య దర్శకత్వంలో వచ్చిన సినిమా. ఇందులో రాజశేఖర్, గౌతమి, రోజా ప్రధాన పాత్రలు పోషించారు. ఈ సినిమాను 1995 లో IIFA చలన చిత్రోత్సవంలో ప్రదర్శించారు.[1] ఈ సినిమా సుదీప్, అంజలా జవేరీ, ఆశా సైనీ ప్రధాన తారాగణంగా ఎన్.శంకర్ దర్శకత్వంలో 2005లో కన్నడ భాషలో నమ్మణ్ణ పేరుతో పునర్మించబడింది. తిరిగి నమ్మణ్ణను తెలుగులో దౌర్జన్యం పేరుతో డబ్ చేశారు.
| అన్న | |
|---|---|
| దర్శకత్వం | ముత్యాల సుబ్బయ్య |
| రచన | ఎం. వి. ఎస్. హరనాథ రావు (సంభాషణలు) |
| నిర్మాత | పోకూరి బాబూరావు |
| తారాగణం | డా.రాజశేఖర్, గౌతమి, రోజా |
| సంగీతం | రాజ్ - కోటి |
నిర్మాణ సంస్థ | |
విడుదల తేదీ | 1994 |
| భాష | తెలుగు |
కథ
మార్చురాజశేఖర్ ఉపాధి వెతుక్కుంటూ పల్లెటూరు నుంచి తమ్ముడిని తీసుకుని ముంబై వెళతాడు. అక్కడ నిజాయితీ గల ఒక లాయరు, ఆయన ఇద్దరు కుమార్తెల సహాయంతో బ్రతుకు దెరువు కోసంఆటో డ్రైవర్ గా కుదురుకుంటాడు. పల్లెటూరి పద్ధతులు మార్చుకుని నగర జీవనం మొదలు పెడతారు. తమ్ముడిని కూడా బడిలో చేరుస్తాడు.
నగరంలో రెండు ముఠాలు ఆధిపత్యం కోసం పోరాడుతుంటాయి. ఒక అవినీతిపరుడైన మంత్రి తన మనుగడ కోసం ఇద్దరి ముఠాలను పెంచి పోషిస్తూ నగరంలో అల్లర్లు రేపుతుంటాడు. ఒక ముఠావారు తనకు సహాయం చేసిన లాయరును చంపేస్తారు. అది రాజశేఖర్ తమ్ముడు చూసి అన్నకు చెబుతాడు. ఆ సంగతి తెలుసుకున్న ముఠా ఆ చిన్నపిల్లవాణ్ణి కూడా హత్య చేస్తారు. రాజశేఖర్ ఆ ముఠా వాళ్ళపై పగతీర్చుకుని ఒక నిజాయితీ పరుడైన పోలీసు అధికారి సహాయంతో ఒక నాయకుడిగా ఎదుగుతాడు. అందరూ అతన్ని అన్న అని పిలుస్తుంటారు. గౌతమిని పెళ్ళి చేసుకుంటాడు. ఒక బిడ్డ కలుగుతాడు. అతనికి తన తమ్ముడి పేరే పెడతాడు. గౌతమి ఒక వైపు అనుక్షణం భయంతీ బ్రతుకుతూ భర్తను ఆ గొడవలన్నింటి నుంచి బయటపడమని చెబుతూ ఉంటుంది. రాజశేఖర్ ఆ పరిస్థితులను చక్కదిద్దుకుని తన కుటుంబంతో సంతోషంగా ఎలా ఉన్నాడన్నది మిగతా కథ.[2]
తారాగణం
మార్చుపాటలు
మార్చుఈ చిత్రంలోని పాటలకు ఎం.ఎం.కీరవాణి సంగీతం సమకూర్చాడు.[3]
| పాట | సంగీత దర్శకుడు) | రచయిత | గాయకులు |
|---|---|---|---|
| " అయ్యో రామా చందమామ అందుబాటులోని " | ఎం.ఎం. కీరవాణి | సిరివెన్నెల | ఎస్.పి.బాలసుబ్రహ్మణ్యం, చిత్ర |
| " కలగన్న కళ్యాణమా నేడే జీవం మనసైన మాంగల్యమా" | చిత్ర | ||
| " అమ్మమ్మమ్మా దెబ్బ తగిలిందా లగ్గమడిగిందా " | అదృష్టదీపక్ | ఎస్.పి.బాలసుబ్రహ్మణ్యం, చిత్ర | |
| " అరెరెరెరెరెరెరె ఏందిరన్న ఏంజేస్తామన్న " | జాలాది | ఎస్.పి.బాలసుబ్రహ్మణ్యం, చిత్ర బృందం | |
| "గురు గురు పిట్టా గోగుల గుట్ట మీద కువుక్కు మంటే" | ఎస్.పి.బాలసుబ్రహ్మణ్యం, చిత్ర | ||
| " సంభవామి యుగే యుగే సంచలనం స్తంబించిన " | ఎస్.పి.బాలసుబ్రహ్మణ్యం బృందం |
మూలాలు
మార్చు- ↑ "ఆర్కైవ్ నకలు" (PDF). Archived from the original (PDF) on 2016-04-15. Retrieved 2016-10-26.
- ↑ Tfn, Team. "Anna(rajashekar)". Telugu Filmnagar (in అమెరికన్ ఇంగ్లీష్). Retrieved 2020-07-30.[permanent dead link]
- ↑ కొల్లూరి భాస్కరరావు. "అన్న - 1994". ఘంటసాల గళామృతము. Retrieved 4 December 2021.