రోజా సెల్వమణి

సినీనటి, రాజకీయనాయకురాలు

రోజా సెల్వమణి ఆంధ్రప్రదేశ్ రాష్ట్రానికి చెందిన సినిమా నటి, రాజకీయ నాయకురాలు. ఆమె తెలుగుతో పాటు క‌న్న‌డ‌, త‌మిళం, మ‌ల‌యాళం భాష‌ల్లో 100కు పైగా సినిమాల్లో నటించింది. రోజా నగరి నియోజకవర్గం నుండి రెండుసార్లు శాసనసభ్యురాలిగా ఎన్నికైంది.[2]ఆమె 2022 ఏప్రిల్ 11న జరిగిన మంత్రివర్గ పునర్‌ వ్యవస్థీకరణలో భాగంగా వై.ఎస్. జగన్మోహన్ రెడ్డి మంత్రివర్గంలో టూరిజం, సాంస్కృతిక, యువజన శాఖ మంత్రిగా ప్రమాణ స్వీకారం చేసింది.[3][4][5] ఆంధ్రప్రదేశ్ ప్రభుత్వం లో పర్యాటక, క్రీడలు, యువజన మంత్రిగా నియమితులయ్యారు , మంత్రి అయినందుకు ఇక మీదట టీవీ, సినిమా షూటింగ్‌లలో ఇక చెయ్యనని ప్రకటించారు.[6][7] ఆమె అసలు పేరు శ్రీలతా రెడ్డి.[8]

ఆర్కే రోజా
రోజా సెల్వమణి

రోజా సెల్వమణి


టూరిజం, సాంస్కృతిక, యువజన శాఖ మంత్రి
అధికారంలో ఉన్న వ్యక్తి
అధికార ప్రారంభం
11 ఏప్రిల్ 2022

శాసనసభ్యురాలు
ప్రస్తుత పదవిలో
అధికార కాలం
19 జూన్ 2014
ముందు గాలి ముద్దుకృష్ణమ నాయుడు
నియోజకవర్గం నగరి

వైస్సార్సీపీ మహిళా విభాగం అధ్యక్షురాలు
ప్రస్తుత పదవిలో
అధికార కాలం
2015

తెలుగు మహిళా అధ్యక్షురాలు
పదవీ కాలం
1999 – 2009

పదవీ కాలం
9 జులై 2019 – 17 జులై 2021

వ్యక్తిగత వివరాలు

జననం (1972-11-17) 1972 నవంబరు 17 (వయస్సు 49)
తిరుపతి, ఆంధ్రప్రదేశ్, భారతదేశం
తల్లిదండ్రులు నాగరాజా రెడ్డి, లలిత
జీవిత భాగస్వామి ఆర్.కె.సెల్వమణి(m.2002-)

[1]

సంతానం అన్షు మాలిక, కృష్ణ కౌశిక్
వృత్తి
  • నటి
  • రాజకీయ నాయకురాలు
  • టీవీ వ్యాఖ్యాత‌
  • చిత్ర నిర్మాత‌

జీవిత విశేషాలుసవరించు

చిత్తూరు జిల్లా, చిన్నగొట్టిగల్లు మండలం భాకరాపేటకు చెందిన రోజా తిరుపతి పద్మావతి మహిళా యూనివర్శిటీలో చదివారు. రాజకీయ విజ్ఞానంలో నాగార్జున యూనివర్సిటీ నుంచి పీజీ పట్టభద్రులయ్యారు. ప్రస్తుతం వైయస్సార్ కాంగ్రెస్ పార్టీ రాజకీయాల్లో క్రియాశీల పాత్ర పోషిస్తున్నారు. 2004,2009 శాసనసభ ఎన్నికలలోనగరి, చంద్రగిరి నియోజకవర్గాల నుంచి పోటీచేసి ఓడిపోయారు. 2014 శాసనసభ ఎన్నికలలోనగరి నియోజకవర్గం నుంచి పోటీచేసి తన సమీప అభ్యర్థి గాలి ముద్దుకృష్ణమనాయుడుపై 858 ఓట్ల తేడాతో గెలుపొందారు.

రోజా మొదట తమిళచిత్రంలో నటించింది. ఆ సినిమాను ప్రముఖ ఛాయా గ్రహకుడు, దర్శకుడు అయిన ఆర్‌కే సెల్వమణి రూపొందించాడు. ‘చంబరతి’ పేరుతో విడుదలైన ఆ చిత్రంలో హీరో ప్రశాంత్‌.

ఆ సినిమా తమిళంలో మ్యుజికల్‌ హిట్‌. తెలుగులో చేమంతి కింద డబ్‌చేయబడింది. అయితే తెలుగులో మాత్రం రోజా తొలి చిత్రం ప్రేమ తపస్సులో నటించింది. రోజా ఆర్‌కే సెల్వమణిని పెళ్ళిచేసుకుంది. జయప్రదను ఆదర్శంగా తీసుకుని రోజా తెలుగుదేశం పార్టీలో చేరింది. ప్రజారాజ్యం పార్టీకి చెందిన వ్యక్తిగత విమర్శలు చేసి తాను కూడా విమర్శల పాలయ్యారు. తెలుగు దేశం మహిళా అధ్యక్షురాలిగా పనిచేశారు.చివరకు రాజీనామా చేశారు.రాజశేఖరరెడ్డితో భేటీ అయ్యి కాంగ్రెస్‌ తీర్థం అందుకోవడమే తరువాయి అని భావిస్తున్న తరుణంలో గంగాభవాని రోజాపై విమర్శలు చేశారు[9]

వ్యక్తిగత జీవితంసవరించు

రోజా 17 నవంబరు 1972లో చిత్తూరు జిల్లా, తిరుపతిలో నాగరాజు రెడ్డి, లలిత దంపతులకు జన్మించింది. చిత్తూరు జిల్లాలోనే పుట్టినా హైదరాబాద్‌లో కుటుంబం స్థిర పడింది. ప్రస్తుతం హైదరాబాద్ లో కుటుంబంతో సహా నివాసం ఏర్పరచుకున్నారు. రోజా నాగార్జున యూనివర్సిటీ నుండి రాజకీయ శాస్త్రంలో పట్టభద్రులయ్యారు. కొన్ని సంవత్సరాలు, రోజా కూచిపూడి నృత్యాన్ని అభ్యశించారు. చినతనంలో, రోజా గారి స్వరం గద్గదంగా ఉండుటవలన, చాలామంది చిత్ర పరిశ్రమకి వెళ్ళవద్దని నిరుత్సాహ పరిచారు.

రోజా తమిళ చిత్ర దర్శకుడు ఆర్.కె.సెల్వమణిని వివాహమాడారు. 2022 ఫిబ్రవరి 27న జరిగిన తమిళ చలనచిత్ర దర్శకుల సంఘం ఎన్నికలలో ఆర్‌.కె.సెల్వమణి మరోమారు అధ్యక్షుడిగా విజయం సాధించారు.[10] గతంలో తెలుగు దేశం పార్టీలో మహిళా అధ్యక్షురాలి పదవిలో ఉన్నారు. 2009 అసెంబ్లీ ఎన్నికలలో చంద్రగిరి నియోజకవర్గం నుండి తెలుగుదేశం పార్టీ తరపున పోటీ చేసి ఓటమి పాలయ్యారు.

2014 నవంబరులో నగరి నియోజకవర్గం వైయస్సార్ పార్టీ తరపు నుండి పోటి చేసి MLA గా గెలుపొందారు, ఆమె 2019లో రెండోసారి ఎమ్మెల్యేగా గెలిచి [11], 2022 ఏప్రిల్ 11న జరిగిన మంత్రివర్గ పునర్‌ వ్యవస్థీకరణలో భాగంగా పర్యాటక శాఖ మంత్రిగా ప్రమాణ స్వీకారం చేసి[3], ఏప్రిల్ 13న పదవీ బాధ్యతలు చేపట్టింది.[12]

నట జీవితంసవరించు

రోజా తెలుగు చిత్రాలతో చిత్ర రంగ ప్రవేశం చేశారు. డాక్టర్‌ శివప్రసాద్‌ ప్రోత్సాహంతో రాజేంద్ర ప్రసాద్‌ సరసన ప్రేమ తపస్సు సినిమాలో కథానాయికగా చిత్రరంగ ప్రవేశం చేశారు. ఆ తర్వాత చిరంజీవి, బాలకృష్ణ, నాగార్జున, వెంకటేష్ వంటి అగ్ర కథానాయకుల సరసన నటించారు. తరువాత, సినీ నిర్మాతగా కూడా మారారు.

తమిళ చిత్ర పరిశ్రమకు దర్శకులు ఆర్.కె.సెల్వమణి గారు చెంబరుతి చిత్రం ద్వారా పరిచయం చేశారు, ఈ చిత్రంలో ప్రశాంత్ కథానాయకుడిగా నటించారు. ఈ చిత్రం విజయవంతమై తమిళ చిత్ర పరిశ్రమలో మంచి పేరు తెచ్చుకున్నారు. మొగుడు, గోలీమార్, శంభో శివ శంభో వంటి చిత్రాలతో రోజా మళ్లీ వెండితెర ప్రస్థానాన్ని కొనసాగిస్తున్నరు. వెండితెరపైనే కాక బుల్లితెరపై కూడా జబర్దస్త్ (ఈ టీవి) , బతుకు జట్కబండి (జీ తెలుగు) , రంగస్థలం (జెమిని టి.వి) వంటి కర్యక్రమాలకు ప్రయోక్తగా వ్యవహరిస్తూ దూసుకెల్తున్నారు.

చిత్ర సమాహారంసవరించు

తెలుగుసవరించు

తమిళంసవరించు

కన్నడసవరించు

  • కలావిడ
  • గడిబిడి గండ

మలయాళంసవరించు

  • గంగోత్రి

బుల్లితెరసవరించు

ఏడాది కార్యక్రమం ఛానల్
2010–2013 మోడ్రన్ మహాలక్ష్ములు మా టీవీ
2014-2015 రేస్ జీ తెలుగు
2013 జబర్దస్త్ ఈ టీవి
2014 ఎక్షట్రా జబర్దస్త్ ఈ టీవి
2016 రచ్చబండ జెమినీ టీవీ

మూలాలుసవరించు

  1. "Tamil Cinema news – 90's favourite tamil actress, she is famous in red clothe movie... Tamil Movies – Cinema seithigal". Maalaimalar.com. Retrieved 24 April 2017.
  2. Sakshi (10 April 2022). "రాజకీయాల్లో ఫైర్‌ బ్రాండ్‌.. ఆమెకు సరిలేరు". Archived from the original on 10 April 2022. Retrieved 10 April 2022.
  3. 3.0 3.1 Sakshi (11 April 2022). "ఏపీ మంత్రులకు శాఖల కేటాయింపులు". Archived from the original on 11 April 2022. Retrieved 11 April 2022.
  4. 10TV (11 April 2022). "ఏపీలో మంత్రులకు శాఖల కేటాయింపు" (in telugu). Archived from the original on 11 April 2022. Retrieved 11 April 2022.{{cite news}}: CS1 maint: unrecognized language (link)
  5. "AP Cabinet: ఏపీ మంత్రివర్గ ప్రమాణస్వీకారం.. కొలువుదీరిన కొత్త కేబినెట్‌". EENADU. Retrieved 2022-04-11.
  6. "మంత్రి వర్గంలో చోటు.. కెరీర్‌పై ఆర్కే రోజా కీలక నిర్ణయం". Sakshi. 2022-04-11. Retrieved 2022-04-11.
  7. Extra Jabardasth Latest Promo | Coming Soon | Sudigali Sudheer, Rashmi, Roja, Aamani | ETV Telugu, retrieved 2022-04-14
  8. Sakshi (30 September 2020). "సినిమాల కోసం పేరు మార్చుకున్న స్టార్‌ హీరోయిన్లు". Archived from the original on 10 April 2022. Retrieved 10 April 2022.
  9. .http://www.suryaa.com/showSunday.asp?category=5&subCategory=1
  10. "తమిళ దర్శకుల సంఘ అధ్యక్షుడిగా ఆర్‌కె. సెల్వమణి". chitrajyothy. Retrieved 2022-03-01.
  11. Sakshi (18 March 2019). "వైఎస్సార్‌సీపీ అభ్యర్థులు వీరే". Archived from the original on 13 November 2021. Retrieved 13 November 2021.
  12. Prajasakti (13 April 2022). "పర్యాటక శాఖ మంత్రిగా ఆర్‌కె రోజా బాధ్యతలు స్వీకరణ". Archived from the original on 14 April 2022. Retrieved 14 April 2022.
  13. "Pavitra to hit screens on May 10". Deccan Chronicle. 10 May 2013. Archived from the original on 14 October 2016. Retrieved 28 July 2019.

బయటి లింకులుసవరించు

మూస:TamilNaduStateAwardForBestActress