అరవింద సమేత వీర రాఘవ
2018లో త్రివిక్రమ్ శ్రీనివాస్ దర్శకత్వంలో విడుదలైన చలన చిత్రం
| అరవింద సమేత వీర రాఘవ | |
|---|---|
 సినిమా పోస్టర్ | |
| దర్శకత్వం | త్రివిక్రమ్ శ్రీనివాస్ |
| రచన | త్రివిక్రమ్ శ్రీనివాస్ |
| నిర్మాత | రాధాకృష్ణ చినబాబు |
| కూర్పు | నవీన్ నూలి |
| సంగీతం | ఎస్.ఎస్. తమన్ |
విడుదల తేదీ | 2018 అక్టోబరు 11 |
సినిమా నిడివి | 161 నిమిషాలు |
| దేశం | భారత దేశం |
| భాష | తెలుగు |
కథసవరించు
రాయలసీమ లో నల్లగుడి, కొమ్మద్ది అనే రెండు గ్రామాల మధ్య జరిగే ఫ్యాక్షన్ కథ. నల్లగుడి ఊరి పెద్ద బసి రెడ్డి(జగపతి బాబు), కొమ్మద్ది ఊరి పెద్ద నారప రెడ్డి (నాగబాబు). పేకాటలో ఓ చిన్న గొడవ కారణంగా రెండు గ్రామాల మధ్య వైరం మొదలయ్యాయి. నారపరెడ్డి బిడ్డ విదేశాల్లో చదువు ముగించుకుని ఊరికి వస్తాడు. కొడుకును ఇంటికి తీసుకెళ్తుండగా బసిరెడ్డి మనుషులు దాడి చేసి నారప రెడ్డిని చంపేస్తారు. వీర రాఘవ రెడ్డి తిరగబడి అందరినీ నరికేస్తాడు. తరువాత భామ్మ మాటలతో ఊరి జనాలను మార్చాలని, ఫ్యాక్షన్‌కు దూరంగా ఉండాలని హైదరాబాద్‌ వెళ్లిపోతాడు. అక్కడే అరవింద(పూజా హెగ్డే) తో ప్రేమలో పడతాడు. అరవిందను ఓ ప్రమాదం నుంచి కాపాడటంతో కథ మలుపు తిరుగుతుంది. అరవింద సాయంతో రెండు గ్రామాల మధ్య గొడవలను, కక్షలను చల్లార్చేందుకు ప్రయత్నిస్తాడు.