పబ్లిక్ గార్డెన్స్, హైదరాబాదు

పబ్లిక్ గార్డెన్స్
పబ్లిక్ గార్డెన్స్
బాగ్-ఈ-ఆమ్
	పబ్లిక్ గార్డెన్స్ లోని సరస్సు
రకం	పట్టణ ఉద్యానవనం
స్థానం	హైదరాబాదు, తెలంగాణ, భారతదేశం
అక్షాంశరేఖాంశాలు	17°23′54″N 78°28′10″E / 17.3982°N 78.4695°E
నవీకరణ	1846
ప్రజా రవాణా సౌకర్యం	నాంపల్లి మెట్రో స్టేషన్

పబ్లిక్ గార్డెన్స్ (ప్రజా ఉద్యానవనం) తెలంగాణ రాష్ట్ర రాజధాని హైదరాబాదులోని నాంపల్లిలో ఉన్న ఉద్యానవనం. నగరంలోని పురాతన ఉద్యానవనాల్లో ఒకటైన ఈ పబ్లిక్ గార్డెన్స్‌ను 1846లో నిజాం రాజు నిర్మించాడు.^[1]^[2]^[3]^[4]

చరిత్ర

పబ్లిక్ గార్డెన్స్‌ను బాగ్-ఎ-ఆమ్ (బాగీయం) లేదా బాఘం అని కూడా పిలుస్తారు. ఉర్దూలో "బాగ్" అంటే గార్డెన్, ఆమ్ లేదా "ఆమ్ జన" అంటే "పబ్లిక్" అని (ప్రజల ఉద్యానవనం) అర్థం. ఇది నిజాం పాలనలో 1846లో నిర్మించబడింది. 1980 నుండి దీనిని పబ్లిక్ గార్డెన్స్ అని పిలుస్తున్నారు.^[5]

ఆకర్షణలు

తెలంగాణ రాష్ట్ర పురావస్తు మ్యూజియం, పొట్టి శ్రీరాములు తెలుగు విశ్వవిద్యాలయం, లలిత కళా తోరణం, జవహర్ బాలభవన్, తెలంగాణ రాష్ట్ర శాసన సభ, తెలంగాణ శాసన మండలి, జూబ్లీహాల్, ఇందిరా ప్రియదర్శిని ఆడిటోరియం, ఆసిఫ్ టెన్నీస్ క్లబ్, షాహి మజీద్ వంటి భవనాలు ఇక్కడ ఉన్నాయి.

స్మారక భవనాలతో పాటు పచ్చిక బయళ్ళు, సరస్సు, విశాలమైన మైదానంలతో ఈ పార్కు ఆహ్లాదకరంగా ఉంటుంది. లోటస్ చెరువులో వృక్షజాలం, జంతుజాలం ఉన్నాయి. ఇందులో సుమారు 20 రకాల జాతుల పక్షులు నివసిస్తున్నాయి. పార్కులోని చెట్లకు వాటి శాస్త్రీయ, సాధారణ పేర్లతో బోర్డులను ఏర్పాటుచేశారు. ఇక్కడ లభించే కొన్ని చెట్లు వేప, సీతాఫలం, వెదురు, సింగపూర్ చెర్రీ, ఆస్ట్రేలియన్ తుమ్మా మొదలైన చెట్లు ఇక్కడ ఉన్నాయి..

చిత్రమాలిక

తెలంగాణ రాష్ట్ర పురావస్తు మ్యూజియం (గతంలో డాక్టర్ వైఎస్ రాజశేఖర రెడ్డి స్టేట్ మ్యూజియంగా పిలువబడేది)
తెలంగాణ రాష్ట్ర మ్యూజియం
తెలంగాణ రాష్ట్ర శాసనసభ
పబ్లిక్ గార్డెన్స్ ప్రవేశ ద్వారంపై ఉన్న బాగ్-ఎ-ఆమ్ ముద్ర, బహుశా 1868 సంవత్సరం నాటిది కావచ్చు
యువరాణి నిషు మమ్మీ
యువరాణి నిషు మమ్మీ వివరాలు
పబ్లిక్ గార్డెన్ లొ మొక్కల పెంపకం
శ్రీకృష్ణదేవరాయలు వారి దేవేరులు
కొయ్య రథం, జటప్రోలు సంస్థానం