భావన(నటి)
భావన (జననం 1986 జూన్ 6), ప్రముఖ దక్షిణ భారత సినీ నటి. ఆమె అసలు పేరు కార్తికా మీనన్. మలయాళంలో దర్శకుడు కమల్ తీసిన నమ్మళ్(2002) సినిమాతో నటిగా తెరంగేట్రం చేశారు భావన. ఈ సినిమాలోని నటనకు ఆమె మంచి ప్రశంసలు అందుకున్నారు. దశబ్దం పాటు కొనసాగిన ఆమె కెరీర్ లో దాదాపు 70 సినిమాల్లో నటించిన భావన, రెండు కేరళ రాష్ట్ర సినీ పురస్కారాలు అందుకుంది.
భావన | |
|---|---|
 భావన | |
| జననం | కార్తీక మీనన్ 1986 జూన్ 6 త్రిస్సూర్, కేరళ, భారతదేశం |
| వృత్తి |
|
| క్రియాశీల సంవత్సరాలు | 2002 – ప్రస్తుతం |
| జీవిత భాగస్వామి |
నవీన్ (m. 2018) |
తొలినాళ్ళ జీవితం
మార్చుకేరళలోని త్రిస్సూర్ జిల్లాలో ఆమె జన్మించింది. ఆమె తండ్రి జి.బాలచంద్రన్ సినిమాల్లో అసిస్టెంట్ సినిమాటోగ్రాఫర్, తల్లి పుష్ప గృహిణి. ఆమె త్రండ్రి 2015 సెప్టెంబరు 24న మరణించాడు. ఆమెకు ఒక అన్నయ్య జయదేవ్.[1] ఉన్నాడు. ఆమె త్రిస్సూర్ లోని చెంబుక్కవులో హోలీ ఫ్యామిలీ గర్ల్స్ హై స్కూల్ లో చదువుకుంది. భావన అన్నయ్య జయదేవ్ తమిళ సినిమా పట్టినప్పాక్కంతో దర్శకుడిగా పరిచయమయ్యాడు.[2]
తనకు చిన్నప్పటినుంచీ నటి కావాలని కోరిక ఉండేదని భావన ఒక ఇంటర్వ్యూలో వివరించారు.[3] తన ఐదేళ్ళ వయసు నుంచి అమలకు అభిమాని అని, మలయాళ చిత్రం ఎంటె సూర్యపుత్రిక్కులో అమల నటనను అద్దంలో చూస్తూ అనుకరిస్తుండేదని తెలిపింది. ఆ సినిమాలో అమల ఒక సీన్ లో బిల్డింగ్ పైనుంచీ దూకడం చూసి, భావన కూడా అలాగే దూకి, చేయి విరగ్గొట్టుకున్నానంది.[3]
కెరీర్
మార్చుఆమె 16వ ఏట[3] మలయాళ చిత్రం నమ్మాళ్ తో వెండితెరకు పరిచయమయింది. ఈ సినిమా సమయంలోనే తన పేరు భావనగా ఆమె మార్చుకుంది. ఈ సినిమా మంచి విజయం సాధించడమే కాక, ఆమె నటనకు ప్రశంసలు లభించాయి. ఈ విజయంతో ఆమెకు ఎన్నో సినిమా అవకాశాలు వచ్చాయి. కేరళ రాష్ట్ర స్పెషల్ జ్యూరీ పురస్కారం కూడా అందుకుంది. ఆ సినిమాలో నటించేప్పుడు ఆమె 11వ తరగతి చదువుతోంది. మలయాళ సినీ రంగంలో ఆ సమయంలో ఉన్న దాదాపు అందరి నటులతోనూ ఆమె కలిసి చేసింది. తమిళ సినిమాల్లో కూడా ఆమె నటించింది. తమిళ ప్రముఖ హీరోలైన అజిత్ కుమార్, మాధవన్, జయం రవి, భరత్, జీవా, శ్రీకాంత్ వంటి వారి పక్కన హీరోయిన్ గా నటింంచింది.[4]
2010లో పునీత్ రాజ్‌కుమార్ సరసన జాకీ అనే కన్నడ సినిమాలో ఆమె నటించింది. ఇది ఆమె మొట్టమొదటి కన్నడ చిత్రం. ఈ సినిమా బ్లాక్ బస్టర్ హిట్ గా నిలిచింది. ఈ సినిమా విజయవంతం కావడంతో తెలుగు, మలయాళ భాషల్లోకి కూడా డబ్ చేశారు.[5] ఇమ్రాన్ హష్మి, అమితాబ్ బచ్చన్ వంటి హీరోలతో బాలీవుడ్ సినిమాలనూ ఆమె నటిస్తానని ప్రకటించింది.[6] విష్ణువర్ధన్, సుదీప్ లతో కలసి ఆమె తన రెండో కన్నడ సినిమా చేసింది. ఈ సినిమాకు మంచి స్పందన లభించింది. 2012లో హనీ బీ, 2013లో ఎళమతే వరవు అనే మలయాళ చిత్రాల్లో నటించింది. తరువాత శ్యాంప్రసాద్ దర్శకత్వం వహించిన క్రైమ్ థ్రిల్లర్ ఇవిడేలో ఐటీ కంపెనీలో పనిచేసే సింగిల్ మదర్ పాత్రలో ఆమె నటించిమెప్పించింది. ఈ సినిమాలో అమెరికాలో వరుసగా ఐటి ప్రొఫెషనల్స్ ను చంపుతుంటారు. ఈ సినిమాలో ఆమె నటనకు విమర్శకుల ప్రశంసలు అందుకుంది.[7][8]
తెలుగు సినిమాలు
మార్చుమూలాలు
మార్చు- ↑ "Tamil Actress Bhavana Balachandran Photo Gallery | Bhavana's Latest Movie in Telugu is Ontari with P.Gopichand". Actress.telugucinemastills.com. 1986-06-06. Archived from the original on 2012-07-01. Retrieved 2011-01-02.
- ↑ "ఆర్కైవ్ నకలు". Archived from the original on 2016-11-21. Retrieved 2017-01-06.
- ↑ 3.0 3.1 3.2 Y. Sunita Chowdhary (2011-07-16). "Arts / Cinema : New-look Bhavana's dream comes true". The Hindu. Retrieved 2011-10-03.
- ↑ "Bhavana going glamorous in film". Times of India. Archived from the original on 2013-04-04. Retrieved 2017-01-06.
- ↑ "Bhavana debuts in Kannada today – Tamil Movie NEWS". IndiaGlitz. Retrieved 2011-10-03.
- ↑ cinema (2011-09-03). "Actress bhavana is all set to make her bollywood debut. | Kottaka.com Blog". Kottaka.com. Archived from the original on 2011-10-04. Retrieved 2011-10-03.
- ↑ "Watch Making of Prithviraj, Nivin Pauly, Bhavana Starrer 'Ivide' [VIDEO]". International Business Times, India Edition. 30 March 2015.
- ↑ "Shyamaprasad gives artistes their space". The Times of India.