మంథని శాసనసభ నియోజకవర్గం

మంథని శాసనసభ నియోజకవర్గం, జగిత్యాల జిల్లాలోని 5 శాసనసభ స్థానాలలో ఒకటి.

నియోజకవర్గంలోని మండలాలు

• కమానుపూర్
• మంథని
• కాటారం
• మహాదేవపూర్
• ముత్తారం
• మల్‌హర్‌రావు
• తాడిచర్ల

ఇప్పటివరకు విజయం సాధించిన అభ్యర్థులు

సం.	ఎ.సి.సం.	నియోజకవర్గ పేరు	రకం	విజేత పేరు	లింగం	పార్టీ	ఓట్లు	ప్రత్యర్థి	లింగం	పార్టీ	ఓట్లు
2014	24	మంథని	జనరల్	Putta Madhukar	Male	TRS	84037	దుద్దిళ్ళ శ్రీధర్ బాబు	Male	INC	64677
2009	24	మంథని	జనరల్	దుద్దిళ్ళ శ్రీధర్ బాబు	M	INC	63770	Putta Madhu	M	PRAP	50561
2004	248	మంథని	జనరల్	దుద్దిళ్ళ శ్రీధర్ బాబు	M	INC	79318	Somarapu Satyanarayana	M	TDP	36758
1999	248	మంథని	జనరల్	దుద్దిళ్ళ శ్రీధర్ బాబు	M	INC	65884	Chandrupatla Ram Reddy	M	TDP	50613
1994	248	మంథని	జనరల్	Ram Reddy Chandrupatla	M	TDP	61504	దుద్దిల్ల శ్రీపాద రావు	M	INC	40349
1989	248	మంథని	జనరల్	దుద్దిల్ల శ్రీపాద రావు	M	INC	50658	Bellamkonda Sakku Bai	F	TDP	43880
1985	248	మంథని	జనరల్	దుద్దిల్ల శ్రీపాద రావు	M	INC	34448	Bellamkonda Narsinga Rao	M	TDP	27046
1983	248	మంథని	జనరల్	దుద్దిల్ల శ్రీపాద రావు	M	INC	28470	Chandupatla Raji Reddy	M	IND	27107
1978	248	మంథని	జనరల్	C. Narayana Reddy	M	INC (I)	20482	Voora Srinivasa Rao	M	INC	11890
1972	243	మంథని	జనరల్	P V Narsimha Rao	M	INC	35532	E V Padmanbhan	M	STS	3151
1967	243	మంథని	జనరల్	P. V. N. Rao	M	INC	25810	K. M. R. Ura	M	IND	16440
1962	254	మంథని	జనరల్	Pamulaparati Venkatanarasimha Rao	M	INC	16844	Gulukota Sriramulu	M	IND	3740
1957	49	మంథని	జనరల్	P. V. Narsimha Rao	M	INC	19270	Nambiah	M	PDF	9603

1999 ఎన్నికలు

1999లో జరిగిన శాసనసభ ఎన్నికల్లో కాంగ్రెస్ పార్టీ అభ్యర్థిగా పోటీచేసిన దుద్దిళ్ళ శ్రీధర్‌బాబు గెలుపొందారు. దుద్దిళ్ళ శ్రీపాదరావును మావోయిస్టు (పీపుల్స్‌వార్) నక్సలైట్లు 1999 ఏప్రిల్ 13న కాల్చిచంపారు. శ్రీపాదరావు మరణానంతరం ఏర్పడిన సానుభూతి పవనాల్లో రాజకీయవారసునిగా రంగప్రవేశం చేసిన ఆయన కుమారుడు శ్రీధర్‌బాబు ఘనవిజయం సాధించారు. తెలుగుదేశం ప్రభుత్వం ఏర్పాటుచేసిన ఈ కాలంలో శ్రీధర్‌బాబు కాంగ్రెస్‌పార్టీ జిల్లా అధ్యక్ష బాధ్యతలు కూడా చేపట్టారు.

2004 ఎన్నికలు

2004లో జరిగిన శాసనసభ ఎన్నికలలో మంథని శాసనసభ నియోజకవర్గం నుంచి కాంగ్రెస్ పార్టీకి చెందిన శ్రీధర్ బాబు తన సమీప ప్రత్యర్థి అయిన తెలుగుదేశం పార్టీ అభ్యర్థి కల్వసోమాపుర సత్యనారాయణపై 42560 ఓట్ల మెజారిటీతో గెలుపొందినాడు. శ్రీధర్ బాబుకు 79318 ఓట్లు రాగా, సత్యనారాయణకు 36758 ఓట్లు లభించాయి. రాష్ట్రంలో వై.ఎస్.రాజశేఖరరెడ్డి నేతృత్వంలో కాంగ్రెస్‌పార్టీ ప్రభుత్వం ఏర్పాటుచేసింది. 2004 నుంచి 2009 వరకూ తిరుమల తిరుపతి దేవస్థానం పాలకమండలి సభ్యునిగా, ప్యానెల్ స్పీకర్‌గా, ప్రభుత్వ విప్‌గా వివిధ పదవులను చేపట్టారు.

2009 ఎన్నికలు

2009 ఎన్నికలలో మహాకూటమి తరఫున పొత్తులో భాగంగా తెలంగాణ రాష్ట్ర సమితి పార్టీకి చెందిన రౌతు కనకయ్య పోటీచేయగా, కాంగ్రెస్ పార్టీ తరఫున దుద్దిళ్ళ శ్రీధర్ బాబు పోటీచేశారు. భారతీయ జనతా పార్టీ నుండి శశిభూషన్ కాచే, ప్రజారాజ్యం పార్టీ తరఫున పుట్ట మధు, లోక్‌సత్తా నుండి ఓ.సంపత్ పోటీచేశారు. శాసనసభ్యునిగా మంథని తరఫున మూడోసారి గెలుపొందిన శ్రీధర్‌బాబుకు 2009లో వై.ఎస్.రాజశేఖరరెడ్డి ప్రభుత్వంలో ఉన్నత విద్యాశాఖ (ఆంధ్రప్రదేశ్), ప్రవాసాంధ్రుల శాఖలల మంత్రిగా పదవీబాధ్యతలు చేపట్టారు. వై.ఎస్.రాజశేఖరరెడ్డి మరణానంతరం రోశయ్య ఏర్పాటుచేసిన ప్రభుత్వంలోనూ ఉన్నత విద్యాశాఖ, ప్రవాసాంధ్రుల శాఖలకు మంత్రిగానే కొనసాగారు. అనంతరం ముఖ్యమంత్రిగా బాధ్యతలు స్వీకరించిన నల్లారి కిరణ్‌కుమార్‌రెడ్డి ప్రభుత్వంలో శాసనసభ వ్యవహారాలశాఖ, పౌరసరఫరాల శాఖలను చేపట్టారు. 2014లో శ్రీధర్‌బాబును శాసనసభ వ్యవహారాలశాఖ నుంచి తప్పించి వాణిజ్యపన్నుల శాఖను అప్పగించారు. తెలంగాణా రాష్ట్ర ఏర్పాటుకు సంబంధించిన బిల్లు ఆంధ్రప్రదేశ్ శాసనసభలో చర్చకు వచ్చే తరుణంలో తనను కీలకమైన శాసనసభ వ్యవహారాల శాఖ నుంచి తప్పించడం అవమానకరమని పేర్కొంటూ శ్రీధర్‌బాబు మంత్రి పదవులకు రాజీనామా చేశారు. ఆయన రాజీనామా ఆమోదానికి కాకుండానే ఆంధ్రప్రదేశ్ రాష్ట్రపతి పాలనలోకి, శాసన సభ సుప్తచేతనావస్థలోకి వెళ్లడంతో సాంకేతికంగా మంత్రిగానే తదుపరి ఎన్నికలు ఎదుర్కొన్నట్టు భావించాలి.

2014 ఎన్నికలు

2014 ఎన్నికలలో తెలంగాణ రాష్ట్ర సమితి పార్టీ నుంచి పుట్ట మధుకర్ గెలుపొందారు.

ఇవి కూడా చూడండి

• తెలంగాణ శాసనసభ సభ్యుల జాబితా (2018)
• తెలంగాణ శాసనసభ సభ్యుల జాబితా (2014)