మంథని

మంథని
	మంథని
	— రెవెన్యూ గ్రామం —
	మంథనితెలంగాణ పటంలో మంథని స్థానం
	ప్రభుత్వం
- Type	{{{government_type}}}
- సర్పంచి	{{{leader_name}}}
పిన్ కోడ్
ఎస్.టి.డి కోడ్

మంథని, తెలంగాణ రాష్ట్రం, పెద్దపల్లి జిల్లా, మంథని మండలానికి చెందిన పట్టణం.^[1] 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత కరీంనగర్ జిల్లాలో, ఇదే మండలంలో ఉండేది.^[2] ఈ పట్టణం రెవెన్యూ డివిజన్ కేంద్రం.ఇది సమీప పట్టణమైన రామగుండం నుండి 40 కి. మీ. దూరంలోనూ, కరీంనగర్ నుండి 60 కి.మీ.ల దూరంలోనూ, రాష్ట్ర రాజధాని హైదరాబాదు నుండి 225 కి.మీ.ల దూరంలో ఉంది. భౌగోళికంగా మంథని 18-30', 19' ఉత్తర అక్షాంశాల మధ్యా, 78-30', 80-30' తూర్పు రేఖాంశాల మధ్య విస్తరించి సముద్ర మట్టానికి 421 అడుగులు (128 మీటర్లు) ఎత్తులో ఉంది. తెలంగాణ ప్రభుత్వం చేసిన పురపాలక సవరణ బిల్లులో భాగంగా 2018, ఆగస్టు 2న మంథని పురపాలకసంఘంగా ఏర్పడింది.^[3]

గణాంకాలు

2011 భారత జనగణన గణాంకాల ప్రకారం ఈ గ్రామం 4859 ఇళ్లతో, 17927 జనాభాతో 2297 హెక్టార్లలో విస్తరించి ఉంది. గ్రామంలో మగవారి సంఖ్య 8866, ఆడవారి సంఖ్య 9061. షెడ్యూల్డ్ కులాల సంఖ్య 2513 కాగా షెడ్యూల్డ్ తెగల సంఖ్య 208. గ్రామ జనగణన లొకేషన్ కోడ్ 571808^[4].పిన్ కోడ్: 505184.

విశేషాలు

ఈ చిన్న గ్రామం వేద బ్రాహ్మణులతో, దేవాలయాలతో నిండి ఉంది.మంథనికి ఉత్తరాన గోదావరి నది, దక్షిణాన బొక్కలవాగు అనే చిన్న యేరు, తూర్పున సురక్షిత అడవి, పశ్చిమాన రావులచెరువు హద్దులుగా ఉన్నాయి. దక్షిణాన, పశ్చిమాన గ్రామ వ్యవసాయ భూములు ఈ పొలిమేరలకు ఆవల ఉన్నా ప్రధాన నివాస స్థలము ఈ హద్దులలోనే ఉంది. గ్రామ విస్తీర్ణము 6 చదరపు కి.మీ.

విద్యా సౌకర్యాలు

గ్రామంలో 8 ప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు 21, ప్రైవేటు ప్రాథమిక పాఠశాలలు 8, ప్రభుత్వ ప్రాథమికోన్నత పాఠశాలలు 11, ప్రైవేటు ప్రాథమికోన్నత పాఠశాలలు రెండు, ప్రభుత్వ మాధ్యమిక పాఠశాలలు ఐదు, ప్రైవేటు మాధ్యమిక పాఠశాలలు మూడు ఉన్నాయి. 2 ప్రభుత్వ జూనియర్ కళాశాలలు, 2 ప్రైవేటు జూనియర్ కళాశాలలు ఒక ప్రభుత్వ ఆర్ట్స్ / సైన్స్ డిగ్రీ కళాశాల, ఒక ప్రైవేటు ఆర్ట్స్ / సైన్స్ డిగ్రీ కళాశాల ఉన్నాయి.సమీప ఇంజనీరింగ్ కళాశాల రామగుండంలో ఉంది. సమీప వైద్య కళాశాల కరీంనగర్లోను, పాలీటెక్నిక్‌ కాటారంలోను, మేనేజిమెంటు కళాశాల రామగుండంలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల రామగుండంలో ఉన్నాయి.

వైద్య సౌకర్యం

ప్రభుత్వ వైద్య సౌకర్యం

మంథనిలో ఉన్న ఒక సామాజిక ఆరోగ్య కేంద్రంలో ఐదుగురు డాక్టర్లు, 12 మంది పారామెడికల్ సిబ్బందీ ఉన్నారు. ఒకప్రాథమిక ఆరోగ్య కేంద్రంలో ఇద్దరు డాక్టర్లు, ఆరుగురు పారామెడికల్ సిబ్బందీ ఉన్నారు. మూడు ప్రాథమిక ఆరోగ్య ఉప కేంద్రాల్లో డాక్టర్లు లేరు. ముగ్గురు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

మాతాశిశు సంరక్షణ కేంద్రం

మంథని పట్టణంలో 7 కోట్ల రూపాయలతో నిర్మించిన 50 పడకల మాత శిశు హాస్పిటల్ (ఎంసి హెచ్)ని 2022 జూన్ 22న తెలంగాణ రాష్ట్ర ఆర్థిక, వైద్యారోగ్య శాఖామంత్రి టి. హరీశ్ రావు ప్రారంభించాడు. ఈ కార్యక్రమంలో ఎస్సీ, గిరిజన-బిసీ-మైనారిటీ సంక్షేమ శాఖలమంత్రి కొప్పుల ఈశ్వర్, పెద్దపల్లి ఎంపీ బోర్లకుంట వెంకటేశ్‌ నేత, జడ్పీ చైర్మన్ పుట్ట మధు, పెద్దపెల్లి ఎమ్మెల్యే దాసరి మనోహర్ రెడ్డి, రామగుండం ఎమ్మెల్యే కోరుకంటి చందర్, స్థానిక ప్రజాప్రతినిధులు, అధికారులు పాల్గొన్నారు.^[5]

ప్రైవేటు వైద్య సౌకర్యం

గ్రామంలో5 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీ చదివిన డాక్టరు ఒకరు, డిగ్రీ లేని డాక్టర్లు నలుగురు ఉన్నారు.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. కాలువ/వాగు/నది ద్వారా, చెరువు ద్వారా కూడా గ్రామానికి తాగునీరు లభిస్తుంది.

పారిశుధ్యం

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

మంథనిలో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

మంథనిలో భూ వినియోగం కింది విధంగా ఉంది:

వ్యవసాయేతర వినియోగంలో ఉన్న భూమి: 233 హెక్టార్లు
వ్యవసాయం చేయదగ్గ బంజరు భూమి: 442 హెక్టార్లు
నికరంగా విత్తిన భూమి: 1622 హెక్టార్లు
నీటి సౌకర్యం లేని భూమి: 190 హెక్టార్లు
వివిధ వనరుల నుండి సాగునీరు లభిస్తున్న భూమి: 1432 హెక్టార్లు

నీటిపారుదల సౌకర్యాలు

మంథనిలో వ్యవసాయానికి నీటి సరఫరా కింది వనరుల ద్వారా జరుగుతోంది.

కాలువలు: 800 హెక్టార్లు* బావులు/బోరు బావులు: 132 హెక్టార్లు* చెరువులు: 500 హెక్టార్లు

ఉత్పత్తి

మంథనిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

వరి, ప్రత్తి, మిరప

గ్రామంలోని వీధులు (తూర్పు నుండి సవ్య దిశలో)

గ్రామంలోని చెరువులు / నీటి వనరులు

బన్నె చెరువు
బర్రె కుంట
బొక్కల వాగు
రావుల చెరువు
తమ్మి చెరువు: తమ్మిచెరువు కట్టకు మంథనిలో అత్యంత ప్రాముఖ్యత ఉంది. తమ్మిచెరువు కట్ట ఒడ్డున శివుని ఆలయం, హనుమాన్ ఆలయం, శ్రీ షిరిడి సాయి ఆలయాలు ఉన్నాయి. మంథనిలో ఎక్కువ ఆలయాలు తమ్మిచెరువు ఒడ్దునే ఉన్నాయి. తమ్మిచెరువును మినీ ట్యాంక్ బండ్ లా అభివృద్ధి చేయుట కొరకు తెలంగాణ ప్రభుత్వం దృఢ నిశ్చయంతో పనిచేస్తుంది. ఈ తమ్మిచెరువును త్రాగు నీటి ఉద్దేశం కొరకు ఏర్పాటు చేసినప్పటికీ, కలుషితం ఐన కాలువ నీరు అందులో చేరడం వాళ్ళ ఆ నీరు తాగే పరిస్థితి లేకపోయింది. తమ్మిచెరువులో బతుకమ్మల నిమజ్జనం, వినాయకుల నిమజ్జనం వల్ల నీరు కలుషితంగా మారుతుంది. ఈ కాలుష్యాన్ని ఆపటం కొరకు మంథని గ్రామ పంచాయితీ పలు కార్యక్రమాలు చేపట్టింది.
శీల సముద్రం
అయ్యగారి చెరువు
గోదావరి నది
రెడ్డి చెరువు
సూరయ్యపల్లి చెరువు

గ్రామ ప్రముఖులు

ముద్దు బాలంభట్టు
లొకె రామన్న
వరహాల భీమన్న
లొకె లక్ష్మణ శర్మ
ముద్దు రామకృష్ణయ్య
ఘట్టు నారాయణ
గంగా రాజేశ్వర రావు
శ్రీరాంభట్ల మురళిధర్ బాబా
దుద్దిల్ల శ్రీపాదరావు
అయోధ్య రమణ (ఐ.ఎ.యస్)
చంద్రుపట్ల సీతారాం రెడ్డి,
చంద్రుపట్ల నారాయణ రెడ్డి(సి.ఎన్.రెడ్డి)మాజీ ఎం.ఎల్.ఎ.
చంద్రుపట్ల రాజిరెడ్డి, మాజీ సమితి ప్రెసిడెంట్,
చంద్రుపట్ల ఆగారెడ్డి, మాజీ న్యాయమూర్తి,
మాదాడి ప్రభాకర్ రెడ్డి,మాజీ సర్పంచ్,న్యాయవాది,
గీట్ల జనార్ధన్ రెడ్డి, మాజీ ఎం.ఎల్.సి.
పోతిపెద్ది వెంకటనారాయణ రెడ్డి, న్యాయవాది,భా.జ.పా. కరీంనగర్ జిల్లా అధ్యక్షులు,
చంద్రుపట్ల రాంరెడ్డి, మాజీ శాసన సభ్యులు.
చంద్రుపట్ల దుర్గారెడ్డి, డిప్యూటీ కలెక్టర్
లోకే సత్యనారాయణ, సీనియర్ న్యాయవాది

మంథని వేద పండితులు

మంథని స్వాతంత్ర్య సమరయోధులు

గ్రామంలోని మహిళా ప్రముఖులు

ముద్దు సీతమ్మ
కొల్లారపు సావిత్రి
సువర్ణ తైలాంబ
సువర్ణ రాధ మ్మ
పల్లి మాధవి
రామగుండం రాజెశ్వరి
తనుగుల చంద్రకళ
భాగొతుల అమ్మాయమ్మ
సువర్ణ వనమళ
చింతపల్లి జగదాంబ
చింతపల్లి సావిత్రి
నల్లగొండ సావిత్రి
గట్టు సీతమ్మ
అవధానుల సరొజన
అవధానుల రాంబాయామ్మ
శాస్త్రుల చంటమ్మ
రంగీ కమల
గట్టు సుమతి
అవధానుల సరోజన ప్రిన్సిపాల్
గుడి నర్మద
ఇల్లెందుల లక్ష్మీభాయి
చొప్పకట్ల సత్యభామ
మారుపాక నర్సమ్మ
మారుపాక శకుంతల
మారుపాక అన్నమ్మ
మంథెన లక్ష్మీ
మంథెన విమలమ్మా ( నల్లగొండ)
ఆచారపు సత్తెమ్మ
దుధ్దిల్ల సావి ట్్ర్రరి

గ్రామంలోని విద్యా సంస్థలు

గ్రామంలోని ప్రభుత్వ కార్యాలయాలు

గ్రామంలోని వంశాల పేర్లు

రామగుండం

గ్రామంలోని గోత్రాల వారిగా వంశాల పేర్లు

1) కాశ్యపస గోత్రము:రంగి,దుద్దిళ్ళ,రాంపల్లి,లొకె,కాచె

2) హరితస గోత్రము:పల్లి,కామొజ్జల,,చిల్లప్పగారి,రేగళ్ళ,ముద్దు,వొజ్జల,భారతుల

3) శ్రీవత్సస గోత్రము:చొప్పకట్ల,బొర్ర,నన్నెగారి,గంగా,సుశిల్ల,బెజ్జాల.దహగం,ఓదెల,పాపిట్ల

4) కౌన్డిన్యస గోత్రము:శ్రీరంభట్ల,తనుగుల,గట్టు,మల్లోజ్జల

5) భరద్వాజస గోత్రము:నారంభట్ల,ఘనుకోట,తళ్ళము,వరహాల

6) గౌతమస గోత్రము:పనకంటి,మహావాది,కొల్లారంకొల్లారపు

7) కౌశికస గోత్రము:రామడుగు,దూలం,మంథెన

8) స్వతంత్రకపి గోత్రము:దేవళ్ళ,అష్టధని,గడ్డము

9) ఆత్రేయస గోత్రము:అవధానుల,యెలిశెట్టి

10) భార్గవస గోత్రము:సువర్ణ,యఘ్నంభట్ల

11) పరాశర గోత్రము:వల్లంభట్ల,మారుపాక

12) లోహితస గోత్రము:రాంపెల్లి,చక్రగారి

13) వాధులస గోత్రము:రాధారపు

14) వశిష్టస గోత్రము,కర్ణె

15) మౌద్గల్యస గోత్రము:గూడెపు

16) జయపుత్ర గోత్రము,కొమరోజు

17) కమండలము:బుర్ర,కుక్కునూల్ల,చంద్రుపట్ల

సూచన: కింది వంశాల పేర్లకు సంబంధించి గోత్రాలు తెలియకున్నవి. నమోదు చేయగలరని మనవి.

గ్రామంలోని ఆలయాలు / ప్రార్థనా స్థలాలు

గమనిక:పై అలయాల్లో తరచూ పూజలు జరుగుతుంటాయి.ఇవి కాక గ్రామానికి నాలుగు సరిహద్దుల్లో నాలుగు బోయి లింగాలు ఉన్నాయి. ఇంకా పూజింప బడని విగ్రహాలు ఎన్నో ఉన్నాయి.

మూలాలు

↑ తెలంగాణ ప్రభుత్వ ఉత్తర్వు సంఖ్య GO Ms No 227 Revenue (DA-CMRF) Department, Dated: 11-10-2016
↑ "పెద్దపల్లి జిల్లా" (PDF). తెలంగాణ గనుల శాఖ. Archived (PDF) from the original on 2022-01-06. Retrieved 2021-01-06.
↑ నమస్తే తెలంగాణ (28 March 2018). "రాష్ట్రంలో కొత్త పురపాలికలు ఇవే..." Archived from the original on 13 September 2018. Retrieved 7 May 2021.
↑ "Office of the Registrar General & Census Commissioner, India - Village amenities of 2011".
↑ Shanker (2022-06-21). "మంథని అభివృద్ధికి నిధులు మంజూరు చేస్తాం: మంత్రి హరీశ్ రావు". Telangana తాజా వార్తలు | Latest Telugu Breaking News (in అమెరికన్ ఇంగ్లీష్). Archived from the original on 2022-06-23. Retrieved 2022-06-23.

ఇవి కూడా చూడండి

మంథని శాసనసభ నియోజకవర్గం

బయటి లింకులు

[1] తెలంగాణ ప్రభుత్వ ఉత్తర్వు సంఖ్య GO Ms No 227 Revenue (DA-CMRF) Department, Dated: 11-10-2016

[2] "పెద్దపల్లి జిల్లా" (PDF). తెలంగాణ గనుల శాఖ. Archived (PDF) from the original on 2022-01-06. Retrieved 2021-01-06.

[రాష్ట్రంలో_కొత్త_పురపాలికలు_ఇవే...-3] నమస్తే తెలంగాణ (28 March 2018). "రాష్ట్రంలో కొత్త పురపాలికలు ఇవే..." Archived from the original on 13 September 2018. Retrieved 7 May 2021.

[4] "Office of the Registrar General & Census Commissioner, India - Village amenities of 2011".

[5] Shanker (2022-06-21). "మంథని అభివృద్ధికి నిధులు మంజూరు చేస్తాం: మంత్రి హరీశ్ రావు". Telangana తాజా వార్తలు | Latest Telugu Breaking News (in అమెరికన్ ఇంగ్లీష్). Archived from the original on 2022-06-23. Retrieved 2022-06-23.

[1]

[2]

[3]

[4]

[5]

రాష్ట్రం	తెలంగాణ
మంథని
— రెవెన్యూ గ్రామం —
మంథని తెలంగాణ పటంలో మంథని స్థానం
జిల్లా	పెద్దపల్లి జిల్లా
మండలం	మంథని మండలం
ప్రభుత్వం
- Type	{{{government_type}}}
- సర్పంచి	{{{leader_name}}}
పిన్ కోడ్
ఎస్.టి.డి కోడ్