ముఖ్తార్ అహ్మద్ అన్సారీ
ముఖ్తార్ అహ్మద్ అన్సారీ (1880 డిసెంబరు 25 - 1936 మే10) ఒక భారతీయ జాతీయవాది, రాజకీయ నాయకుడు, భారత స్వాతంత్ర్య ఉద్యమంలో భారత జాతీయ కాంగ్రెస్, ముస్లిం లీగ్ మాజీ అధ్యక్షుడు. జామియా మిలియా ఇస్లామియా విశ్వవిద్యాలయ వ్యవస్థాపకులలో ఒకరైన అతను 1928 నుండి 1936 వరకు దాని ఛాన్సలర్‌గా కొనసాగాడు.[2] [3] [4]
ముఖ్తార్ అహ్మద్ అన్సారీ | |
|---|---|
 | |
| భారత జాతీయ కాంగ్రెస్ అధ్యక్షుడు | |
| In office 1927–1928 | |
| అంతకు ముందు వారు | ఎస్. శ్రీనివాస అయ్యంగార్ |
| తరువాత వారు | మోతీలాల్ నెహ్రూ |
| జామియా మిలియా ఇస్లామియా ఛాన్సలర్ | |
| In office 1928–1936[1] | |
| అంతకు ముందు వారు | హకీమ్ అజ్మల్ ఖాన్ |
| తరువాత వారు | అబ్దుల్ మజీద్ ఖ్వాజా |
| ఆల్-ఇండియా ముస్లిం లీగ్ అధ్యక్షుడు | |
| In office 1920–1921 | |
| అంతకు ముందు వారు | హకీమ్ అజ్మల్ ఖాన్ |
| తరువాత వారు | మౌలానా హస్రత్ మోహాని |
| వ్యక్తిగత వివరాలు | |
| జననం | 1880 డిసెంబరు 25 [2] మొహమ్మదాబాద్, నార్త్-వెస్ట్రన్ ప్రావిన్సులు, బ్రిటిష్ ఇండియా |
| మరణం | 10 May 1936 (aged 55) ఢిల్లీ, బ్రిటిష్ ఇండియా |
| మరణ కారణం | గుండెపోటు |
| సమాధి స్థలం | జామియా మిలియా ఇస్లామియా |
| జాతీయత | భారతీయడు |
| రాజకీయ పార్టీ | భారత జాతీయ కాంగ్రెస్ |
| కళాశాల | మద్రాస్ మెడికల్ కాలేజ్ |
| వృత్తి | వైద్యుడు, రాజకీయవేత్త, సామాజిక కార్యకర్త |
| Known for | జామియా మిలియా ఇస్లామియా వ్యవస్థాపకుడు, భారత స్వాతంత్ర్్య ఉద్యమం, భారత జాతీయ కాంగ్రెస్ అధ్యక్షుడు, ఆల్-ఇండియా ముస్లిం లీగ్ |
ప్రారంభ జీవితం, వైద్యవృత్తి
మార్చుముక్తార్ అహ్మద్ అన్సారీ,1880 డిసెంబరు 25న ఉత్తర ప్రదేశ్ రాష్ట్రం, ఘాజిపూర్ జిల్లా, తూర్పు మహ్మదాబాద్ పట్టణంలో జన్మించాడు.అతని తండ్రి యూసుఫ్‌పుర్.[4]
విక్టోరియా పాఠశాలలో చదువుకున్న అన్సారీ అతని కుటుంబం హైదరాబాద్‌కు వెళ్లారు. అన్సారీ మద్రాస్ మెడికల్ కాలేజీ నుండి మెడికల్ డిగ్రీ పొందాడు. స్కాలర్‌షిప్ అధ్యయనాల కోసం ఇంగ్లాండ్ వెళ్లాడు. [4]అతను 1905లో ఎండి, ఎంఎస్ డిగ్రీలను సాధించాడు. [4]1910లో అన్సారీ, ఎడిన్‌బర్గ్ విశ్వవిద్యాలయం నుండి పరిశోధనలకు ప్రత్యేక సూచనతో ఆరిలర్‌సోనేట్‌ల ద్వారా సిఫిలిస్ చికిత్స కోసం మాస్టర్ ఆఫ్ సర్జరీ (సిహెచ్ఎమ్) సంపాదించాడు.[5] అతను ఒక ఉన్నత తరగతి విద్యార్థిగా పనిచేశాడు. లండన్ లోని లాక్ హాస్పిటల్, చారింగ్ క్రాస్ హాస్పిటల్ శస్త్రచికిత్సలలో అతను ఒక భారతీయ మార్గదర్శకుడు, అతని పనికి గౌరవార్ధం లండన్లోని చారింగ్ క్రాస్ హాస్పిటల్‌లో అన్సారీ అనే పేరుతో ఒక వార్డ్ ఉంది. [6]
1921 నుండి 1935 వరకు, అన్సారీ వియన్నా, పారిస్, లూసర్న్, లండన్లలో రాబర్ట్ లిచెన్‌స్టెర్న్, యూజెన్ స్టెనాచ్, సెర్జ్ వొరోనాఫ్‌తో సహా ప్రఖ్యాత యూరాలజిస్ట్‌లను కలుసుకున్నాడు. తన జీవితపు చివరి దశాబ్దంలో, అన్సారీ 700 కి పైగా అటువంటి అంటుకట్టు ఆపరేషన్లు చేసాడు. వాటిలో 440 కేసులును చాలా జాగ్రత్తగా రికార్డ్ చేశాడు.ఈ ప్రయోగాల నుండి అతను తన పునరుత్పత్తి పుస్తకాన్ని ప్రచురించాడు, దానిని అతను తన సన్నిహితుడు మహాత్మా గాంధీతో పంచుకున్నాడు. [7]
జాతీయవాద కార్యకలాపాలు
మార్చు1898లో, మద్రాస్‌లో విద్యార్థిగా ఉన్నప్పుడు, అన్సారీ మొట్టమొదటి అఖిలభారత కాంగ్రెస్ సమావేశాలకు హాజరయ్యాడు.దీనికి ఆనందమోహన్ బోస్ అధ్యక్షత వహించాడు.1927లో మద్రాసులో మళ్లీ కాంగ్రెస్ సెషన్స్ జరిగినప్పుడు, అన్సారీ ఆ సెషన్‌కు అధ్యక్షత వహించే అవకాశం పొందాడు.[6]
అన్సారీ ఇంగ్లాండ్‌లో ఉన్న సమయంలో భారత స్వాతంత్ర్య ఉద్యమంలో పాల్గొన్నాడు.అతను తిరిగి ఢిల్లీకి వెళ్లి, ఇండియన్ కాంగ్రెస్, ముస్లిం లీగ్ రెండింటిలో చేరాడు. అతను 1916 లక్నో ఒప్పందం చర్చలలో ముఖ్యమైన పాత్ర పోషించాడు.1918, 1920లలో ముస్లిం లీగ్ అధ్యక్షుడిగా పనిచేశాడు. [8] అతను ఖిలాఫత్ ఉద్యమానికి బహిరంగ మద్దతుదారుడు. [6] బాల్కన్ యుద్ధాల సమయంలో గాయపడిన టర్కిష్ సైనికులకు చికిత్స చేయడానికి భారతీయ వైద్య మిషన్‌కు నాయకత్వం వహించాడు. (సయ్యద్ తన్వీర్ వస్తి, ది ఇండియన్ రెడ్ క్రెసెంట్ మిషన్ టు బాల్కన్ వార్స్, మిడిల్ ఈస్టర్న్ స్టడీస్, వాల్యూమ్. 45, నం. 3, 393-406, 2009 మే)
అన్సారీ 1927 ఎఐసిసి సెషన్‌లో జనరల్ సెక్రటరీగా, అలాగే భారత జాతీయ కాంగ్రెస్ అధ్యక్షుడిగా పలు పర్యాయాలు పనిచేశాడు.[8]
అన్సారీ జామియా మిలియా ఇస్లామియా వ్యవస్థాపక కూటమిలో ఒకడు.1927లో దాని ప్రాథమిక వ్యవస్థాపకుడు హకీమ్ అజ్మల్ ఖాన్ మరణించిన వెంటనే ఢిల్లీలోని జామియా మిలియా ఇస్లామియా విశ్వవిద్యాలయానికి ఛాన్సలర్‌గా పనిచేశాడు.[3]
వ్యక్తిగత జీవితం
మార్చుఅన్సారీ దరుస్ సలాం లేదా శాంతి నివాసం అని పిలువబడే ఒక రాజభవన గృహంలో నివసించాడు. మహాత్మాగాంధీ ఢిల్లీకి వెళ్లినప్పుడు అతిథిగా తరచూ అన్సారీ దగ్గరకు వెళ్లేవాడు.కాంగ్రెస్ రాజకీయ కార్యకలాపాలకు ఈ ఇల్లు ఒక సాధారణ స్థావరం.అన్సారీ 1936లో ముస్సోరీ నుండి ఢిల్లీకి వెళ్లే మార్గంలో గుండెపోటు కారణంగా మరణించాడు. అతడిని ఢిల్లీలోని జామియా మిలియా ఇస్లామియా విశ్వవిద్యాలయ ఆవరణలో ఖననం చేశారు.
సంతానం
మార్చు1947 విభజన తర్వాత అన్సారీ కుటుంబంలోని చాలా మంది సభ్యులు భారతదేశంలో ఉండి, స్వేచ్ఛా భారతదేశంలో రాజకీయ నాయకులు అయ్యారు.
అతని తక్షణ సంతానం, కుటుంబ సభ్యులు:
- ముఖ్తార్ అన్సారీ: తన తాత గౌరవార్థం పేరు, ముక్తార్ జూనియర్ మౌ నియోజకవర్గం నుండి ఉత్తర ప్రదేశ్ రాష్ట్ర శాసనసభ సభ్యుడు.అతను 2017 ఎన్నికల్లో బిఎస్‌పి టికెట్‌పై గెలిచాడు. ఇతడు ఇతర నేరాలలో కృష్ణానంద్ రాయ్ హత్య కేసులో ప్రధాన నిందితుడు.13 సంవత్సరాలు జైలు జీవితం గడిపాడు. అతనికి వ్యతిరేకంగా సాక్షులు విరోధంగా మారిన తర్వాత,2019 జూలై 3న విడుదల చేయబడ్డాడు.
- సిబకతుల్లా అన్సారీ
- అఫ్జల్ అన్సారీ
- మొహమ్మద్ హమీద్ అన్సారీ, భారత మాజీ ఉప రాష్ట్రపతి.సాధారణ నమ్మకానికి విరుద్ధంగా, అతను ముక్తార్ అహ్మద్ అన్సారీ మనవడు కాదు. నిజానికి, అతను అన్సారీ సోదరుడి మనవడు. [6]
గౌరవాలు
మార్చుపాత ఢిల్లీలోని దర్యాగంజ్‌లోని అన్సారీ రోడ్డుకు అతనిపేరు పెట్టారు. [6] కొత్త ఢిల్లీలోని ఎయిమ్స్ సమీపంలోని అన్సారీ నగర్‌కు కూడా అతని పేరు పెట్టారు.
మూలాలు
మార్చు- ↑ "Past Chancellors' Profile". jmi.ac.in. Retrieved 30 October 2018.
- ↑ 2.0 2.1 Profile of Ahmed Ansari.
- ↑ 3.0 3.1 History and profile of Jamia Millia Islamia, Delhi (vice-chancellor Mukhtar Ahmed Ansari in 1927), jmi.ac.in.
- ↑ 4.0 4.1 4.2 4.3 "Dr M A Ansari". web.archive.org. 2002-03-07. Archived from the original on 2002-03-07. Retrieved 2021-10-18.
{{cite web}}: CS1 maint: bot: original URL status unknown (link) - ↑ Ansari, M.A. (1910). Treatment of syphilis by arylarsonates with special reference to recent research. PhD thesis, Edinburgh Medical School. hdl:1842/19716.
- ↑ 6.0 6.1 6.2 6.3 6.4 The Ansari connection.
- ↑ Dr Mukhtar Ahmed Ansari was a freedom fighter who also grafted animal testicles onto humans.
- ↑ 8.0 8.1 "Mukhtar Ahmad Ansari | Indian physician and nationalist".