రాంకీ
రాంకీ ప్రముఖ భారతీయ చలనచిత్ర నటుడు. ఇతని పూర్తి పేరు రామకృష్ణన్. ఇతను పలు తెలుగు, తమిళ చిత్రాలలో ప్రధాన నాయక పాత్రలను, సహాయ పాత్రలను పోషించాడు. 1987లో వచ్చిన చిన్న పూవె మెల్ల పేసు అనే తమిళ సినిమాతో తన ప్రస్థానాన్ని ప్రారంభించాడు. 1987 నుంచి 2004 దాకా ఎక్కువగా ప్రధాన పాత్రల్లో నటిస్తూ వచ్చాడు.
రాంకీ | |
|---|---|
| జననం | రామకృష్ణన్ 1962 మార్చి 31 సత్తూరు, తమిళనాడు |
| వృత్తి | నటుడు |
| క్రియాశీల సంవత్సరాలు | 1987–2004 2013–ప్రస్తుతం |
| జీవిత భాగస్వామి | |
సెంథూర పూవే (1988), మారుతు పండి (1990), ఇనైంద కైగళ్ (1990), ఆత్మ (1993), కరుప్పు రోజా (1996), Rx 100 వంటి విజయవంతమైన చిత్రాలలో నటించాడు. ఇతడు నటి నిరోషా ని వివాహం చేసుకున్నాడు.
కెరీర్
మార్చురాంకీ 1987లో వచ్చిన చిన్న పూవె మెల్ల పేసు లో తమిళ చిత్రంతో తన కెరీర్ ప్రారంభించాడు. ఈ సినిమాలో అతను ప్రభుతో కలిసి నటించాడు.[1] ఈ చిత్రం వాణిజ్యపరంగా విజయవంతమైంది. తరువాత, అతను నవంబర్ 1987 న విడుదలైన తంగాచి అనే యాక్షన్ తమిళ చిత్రంలో నటించాడు. రాంకీ 1988 లో ఎనిమిది చిత్రాల్లో నటించాడు. ఇందులో అతను భవిష్యత్తులో కాబోయే భార్య నిరోషా, విజయ్ కాంత్ తో కలిసి నటించిన సింధూర పువ్వు చిత్రం కూడా ఉంది. ఈ చిత్రం థియేటర్లలో 200 రోజులకు పైగా నడిచింది. 1988 సంవత్సరంలో అత్యధిక వసూళ్లు చేసిన తమిళ చిత్రాలలో ఇది కూడా ఒకటి. పూవిళి రాజా, పరవైగల్ పలవితం సినిమాలు సానుకూల సమీక్షలను అందుకున్నాయి.[2][3][4]1989 లో, అతను ఒరు తొట్టిల్ సబధం, ఎల్లమే ఎన్ తంగాచి, పెన్ బుతి మున్ బుతి, యోగం రాజయోగం, ఎన్ కనవర్ వంటి తమిళ సినిమాల్లో పనిచేశాడు.
1990 లో వచ్చిన మారుతి పండి విజయం తర్వాత అదే సంవత్సరంలో ఎన్. కె. విశ్వనాథన్ దర్శకత్వంలో వచ్చిన ఇనైంద కైగల్ అనే యాక్షన్ అడ్వెంచర్ చిత్రంలో నటించాడు. ఇందులో అతను ప్రధాన కథానాయకుడు అరుణ్ పాండియన్, కథానాయిక నిరోషాతో కలిసి నటించాడు. ఈ చిత్రం ఘనవిజయాన్ని సాధించి రాంకీకి మంచి పేరు తెచ్చిపెట్టింది. 1990 లో, అతను నిరోషాతో కలిసి ఘటన అనే చిత్రంలో నటించాడు.[5] 1991 లో మనోబాల దర్శకత్వం వహించిన వెట్రీ పాడిగల్ అనే సినిమాలో నటించాడు. ఇందులో శరత్ కుమార్ ప్రతినాయక పాత్రలో నటించారు.[6] ఆత్మ (1993), తంగా పప్పా (1993), మాయాబజార్ (1995), కరుప్పు రోజా (1996) వంటి విజయవంతమైన భయానక చిత్రాలలో నటించాడు. 1997 లో రాంకి మొత్తం పది చిత్రాలతో నటించాడు. కాని పుత్తం పుదు పూవే అనే సినిమా విడుదల కాలేదు. 1990వ దశకంలో నిరోషా, కుష్బూ, ఊర్వశి లాంటి కథానాయికలతో అతను పండించిన నటన విజయవంతమైంది. 1999 లో, కార్తీక్, దేవయానితో కలిసి నటించిన నీలవే ముగం కాట్టు చిత్రంలో రెండవ పాత్రలో నటించారు. పూవెల్లం కెట్టుప్పర్ (1999) కాదల్ రోజావే (2000) వంటి సినిమాల్లో కొన్ని సన్నివేశాలలో కనిపించాడు.
2000 వ దశకంలో, పలయతు అమ్మన్ (2000), శ్రీ రాజ రాజేశ్వరి (2001), పాడై వీటు అమ్మన్ (2002) వంటి భక్తి చిత్రాలలో రాంకీ రెండవ పాత్రలలో నటించారు. 1991 లో ఆర్.కె.సెల్వమణి దర్శకత్వం వహించిన కుట్రపతిరికై సుదీర్ఘకాలం తర్వాత 2007లో విడుదలైంది. అయితే, 15 సంవత్సరాల తర్వాత కావడంతో కొన్ని దృశ్యాలను తొలగించి విడుదల చేశారు.[7]
ఆరు సంవత్సరాల విరామం తర్వాత అతను 2013లో మాసని, బిర్యానీ అనే చిత్రాలతో తమిళ సినిమాకు తిరిగి వచ్చాడు. 2016 లో, అతని తదుపరి చిత్రాలు వాయ్‌మాయ్, అట్టి విడుదలయ్యాయి. 2017 లో అతను ఆకతాయి అనే తెలుగు చిత్రంలో కీలక పాత్ర పోషించాడు. తరువాత తమిళ హర్రర్ కామెడీ చిత్రం, ఆంగిలా పదమ్ లో ప్రధాన పాత్రలో నటించాడు. 2018 లో, తెలుగు చిత్రం ఆర్‌ఎక్స్‌ 100 తరువాత, సుందర్ సి దర్శకత్వంలో విశాల్, తమన్నా ప్రధాన పాత్రధారులుగా వచ్చిన యాక్షన్ అనే చిత్రంలో నటించాడు.[8].[9]
వివాహం
మార్చునటి నిరోషాతో, రాంకీ చాలా సంవత్సరాలు రహస్యంగా కలిసిఉంటూ వచ్చారు. స్థానిక దినపత్రికలో ప్రచురించబడిన వారి రహస్య వివాహం గురించి వచ్చిన నివేదికపై స్పందిస్తూ, రామ్‌కి ఆ కథలో నిజం లేదని పేర్కొన్నారు. అయినప్పటికీ, వారు 1995 లో రహస్యంగా వివాహం చేసుకున్నారు. కాని 3 సంవత్సరాల తరువాత వారు వివాహం చేసుకున్నారని మీడియా, వారి కుటుంబ సభ్యులకు వెల్లడించారు.[10]
నటించిన చిత్రాలు
మార్చుతమిళ సినిమాలు
మార్చు| సంవత్సరం | సినిమా | పాత్ర | గమనికలు |
|---|---|---|---|
| 1987 | చిన్న పూవే మెల్ల పెసు | రాజా | అభిషేకం పేరుతో తెలుగులోకి డబ్ చేయబడింది |
| తంగచి | రాజా | ||
| 1988 | ఇరందిల్ ఒండ్రు | రాజా | తెలుగులోకి గూండా పోలీస్ గా డబ్ చేయబడింది |
| ఇతు ఎంగల్ నీతి | |||
| సిగప్పు తాళి | ఇన్స్పెక్టర్ పాండి | ||
| మనైవి ఒరు మందిరి | జీవా | ||
| సెంథూర పూవే | అశోక్ | తెలుగులోకి సింధూర పువ్వు పేరుతో డబ్ చేయబడింది | |
| పూవిజి రాజా | ఇన్స్పెక్టర్ కుమార్ | ||
| పరవైగల్ పాలవితం | శేఖర్ | ||
| మదురైకర తంబి | చిన్న తంబి | ||
| 1989 | ఓరు తొట్టిల్ సభామ్ | తెలుగులో సమరం పేరుతో డబ్ చేయబడింది | |
| ఎల్లమే ఎన్ తంగచ్చి | వసంత్ | ||
| పెన్ బుథి మున్ బుథి | ముత్తుపాండి | ||
| యోగం రాజయోగం | శివ | ||
| ఎన్ కనవర్ | |||
| 1990 | అమ్మ పిళ్లై | సతీష్ | |
| మారుతు పాండి | మారుతు పాండి / మాణికం | ||
| ఇనయింద కైగల్ | ప్రతాప్ | ||
| వెల్లయ్య తేవన్ | తేవన్ | ||
| పుధియ సరితిరమ్ | ఇన్స్పెక్టర్ దినకరన్ / రాజా | ||
| వాజ్న్తు కట్టువాం | విజయ్ | ||
| 1991 | వెట్రి పడిగల్ | మహేష్ | |
| పిళ్లై పాసం | |||
| మనితా జాతి | |||
| ఎన్ పొట్టుక్కు సొంతక్కరన్ | చిన్న పాండి | ||
| 1992 | ఉయర్ంధవన్ | మోహన్ | |
| 1993 | తంగ పప్పా | లారెన్స్ | అతిథి పాత్ర |
| పాస్ మార్క్ | మురళి | తెలుగులోకి అల్లరి అబ్బాయి పేరుతో డబ్ అయింది | |
| ఆత్మ | శరవణన్ / విఘ్నేష్ | తెలుగులోకి రత్నగిరి అమ్మోరు పేరుతో డబ్ చేయబడింది | |
| 1994 | చిన్న మేడమ్ | గోపాల్ | |
| ఉలవాలి | రాజా | తెలుగులోకి బయంకర గూడాచారి పేరుతో డబ్ చేయబడింది | |
| వనజ గిరిజ | రాజా | ||
| 1995 | తొట్టిల్ కుజంధై | పిచ్చై | |
| మాయాబజార్ | రామ్ | ||
| 1996 | ఇరత్తై రోజా | బాలు | |
| రాజాలి | జీవా | ||
| ఎన్ ఆసై తంగచి | దొరై | ||
| ఎనక్కోరు మగన్ పిరప్పన్ | బాలు | ||
| కరుప్పు రోజా | అరవింద్ | ||
| 1997 | తాళి పుదుసు | అరుణ్ | |
| ధీనముం ఎన్నై గవని | ఏసీపీ జై కుమార్ | ||
| కళ్యాణ వైభోగం | శక్తి | ||
| ఆహా ఎన్న పోరుతం | రాజా | ||
| సామ్రాట్ | సామ్రాట్ / అశోక్ | ||
| తాడయం | చంద్రు (చంద్రశేఖర్) | తెలుగులోకి చ‌ట్టం పేరుతో డబ్ చేశారు | |
| పుధల్వన్ | ఇన్స్పెక్టర్ శివ | ||
| 1998 | ఎల్లమే ఎన్ పొండాట్టితాన్ | ముత్తు | |
| 1999 | నిలవే ముగం కట్టు | ప్రకాష్ | |
| పూవెల్లం కెట్టుప్పర్ | అతనే | అతిధి పాత్ర | |
| 2000 | కాదల్ రోజావే | అతనే | ప్రత్యేక ప్రదర్శన |
| పాలయతు అమ్మన్ | శంకర్ | తెలుగులోకి దేవత పేరుతో డబ్ చేయబడింది | |
| 2001 | శ్రీ రాజ రాజేశ్వరి | రాసయ్య | |
| విశ్వనాథన్ రామమూర్తి | విశ్వనాథన్ | ||
| 2002 | షకలక బేబీ | అతనే | అతిథి పాత్ర |
| పాడై వీటు అమ్మన్ | శంకర్ | ||
| 2004 | సూపర్ డా | కతిర్వేల్ | |
| 2007 | కుత్రపతిరికై | ఏసీపీ రామకృష్ణ | 1991లో ఉత్పత్తి; 2007లో విడుదలైంది |
| 2013 | మసాని | వెట్రి | |
| బిర్యానీ | విజయకృష్ణ | ||
| 2016 | వాయమై | తిరుమారన్ IPS | |
| అట్టి | ఓం ప్రకాష్ | ||
| 2017 | ఆంగిల పాదం | రైలు మురుగన్ | |
| 2018 | కూతన్ | అతనే | అతిథి పాత్ర |
| 2019 | చర్య | శరవణన్ | |
| 2021 | వేట్టై నాయి | బోస్ | |
| 2022 | మారన్ | మారన్ తండ్రి | |
| గురుమూర్తి | కందసామి | ||
| 2023 | కస్టడీ | మేజర్ జనరల్ ఫిలిప్స్ సత్య రాజ్ |
తెలుగు సినిమాలు
మార్చు| సంవత్సరం | సినిమా | పాత్ర | గమనికలు |
|---|---|---|---|
| 1990 | సంఘటన | విజయగారు | |
| 1992 | భలే ఖైదీలు | విజయ్ | |
| దోషి | శివ | తమిళంలోకి రాకీ పేరుతో డబ్ చేయబడింది | |
| 1997 | ఒసేయ్ రాములమ్మ | నరసింహ | తమిళంలోకి అదిమై పెన్
స్పెషల్ అప్పియరెన్స్ గా డబ్ చేయబడింది |
| రౌడీ దర్బార్ | కోటి | తమిళంలోకి దళపతి కొట్టై పేరుతో డబ్ చేయబడింది | |
| 2017 | ఆకతాయి | విక్రమ్ సింహా | |
| 2018 | ఆర్‌ఎక్స్‌ 100 | నాన్న | గెలుచుకుంది, సంతోషం ఫిల్మ్ అవార్డ్స్ ఉత్తమ క్యారెక్టర్ యాక్టర్ - తెలుగు
నామినేట్ చేయబడింది, ఉత్తమ సహాయ నటుడిగా SIIMA అవార్డు - తెలుగు |
| 2020 | డిస్కో రాజా | భరణి | |
| 2023 | కస్టడీ | మేజర్ జనరల్ ఫిలిప్స్ సత్య రాజ్ | |
| 2024 | లక్కీ బాస్కర్ | ఆంథోనీ |
మూలాలు
మార్చు- ↑ "Chinna Poove Mella Pesu (1987)".
- ↑ "Vijayakanth's Senthoora Poove to Have Telugu Remake". 12 August 2013.
- ↑ "Poovizhi Raja (1988)".
- ↑ "Paravaigal Palavitham (1988)".
- ↑ "ఆర్కైవ్ నకలు". Archived from the original on 2018-10-18. Retrieved 2020-04-24.
- ↑ "Nilave Mugam Kaattu Tamil Movie Reviews, Photos, Videos (1999)". Archived from the original on 2020-01-10. Retrieved 2020-04-24.
- ↑ "Kuttrapathirikai review. Kuttrapathirikai Tamil movie review, story, rating".
- ↑ https://www.sify.com/movies/rx-100-review-a-raw-love-story-marred-by-violence-review-telugu-shnlJocfifgbd.html
- ↑ "ఆర్కైవ్ నకలు". Archived from the original on 2019-11-16. Retrieved 2020-04-24.
- ↑ "ఆర్కైవ్ నకలు". Archived from the original on 2020-01-10. Retrieved 2020-04-24.