శివయ్య
శివయ్య 1998 లో ఆర్. సురేష్ వర్మ దర్శకత్వంలో విడుదలైన చిత్రం. ఇందులో రాజశేఖర్, మోనికా బేడి ముఖ్యపాత్రల్లో నటించారు.[1] ఎం. ఎం. శ్రీలేఖ ఈ చిత్రానికి స్వరరచన చేసింది.[2] సురేష్ ప్రొడక్షన్స్ లో రాజశేఖర్ నటించిన తొలి చిత్రం ఇది.[3] రాజశేఖర్ నటించిన తొలి డి. టి. ఎస్ చిత్రం కూడా ఇదే. రవిబాబు ఈ చిత్రంతో ప్రతినాయకుడిగా పరిచయం అయ్యాడు.
| శివయ్య | |
|---|---|
 | |
| దర్శకత్వం | ఆర్. సురేష్ వర్మ |
| రచన | పోసాని కృష్ణమురళి (కథ/మాటలు/స్క్రీన్ ప్లే) |
| నిర్మాత | దగ్గుబాటి రామానాయుడు |
| తారాగణం | డా. రాజశేఖర్ , మోనికా బేడి |
| ఛాయాగ్రహణం | సురేశ్ పెమ్మసాని |
| సంగీతం | ఎం. ఎం. శ్రీలేఖ |
నిర్మాణ సంస్థ | |
విడుదల తేదీ | 1998 |
| భాష | తెలుగు |
కథ
మార్చుశివయ్య తన చెల్లెలి చదువు కోసం పల్లెటూరి నుండి పట్నం వస్తాడు. పక్కనే ఉన్న మిఠాయి అంగడి యజమాని కూతురైన శిరీష శివయ్యను ప్రేమిస్తుంటుంది. స్థానిక మార్కెట్ అక్కడ ఉన్న లోకల్ గూండాలైన జ్యోతి, అతని తమ్ముడు పూర్ణ చెప్పు చేతల్లో నడుస్తుంటుంది. అక్కడి వారి బాగు కోసం శివయ్య వారితో తలపడి ఎదిరిస్తాడు. కానీ తనను నమ్మిన వాళ్ళే మోసం చేయడంతో శివయ్య ప్రత్యర్థుల చేతిలో దారుణంగా దెబ్బతింటాడు. అతని చెల్లెల్ని గూండాలు అందరూ చూస్తుండగా మానభంగం చేస్తాడు.
ఇంతలో అక్కడికి రోజా అనే పోలీస్ ఇన్స్పెక్టర్ వచ్చి శివయ్య గతాన్ని గురించి చెబుతుంది. తన కుటుంబ గౌరవం కాపాడ్డం కోసం తన ప్రేమించిన అమ్మాయిని ఎలా వదులుకున్నదీ చెబుతుంది. చివరికి ప్రజల్ని చైతన్యవంతుల్ని చేసి కోర్టులో గూండాలకు వ్యతిరేకంగా సాక్ష్యం చెప్పించి వారికి శిక్ష పడేలా చూడ్డంతో కథ ముగుస్తుంది.
నిర్మాణం
మార్చు1997 నవంబరు 7 న తూర్పుగోదావరి జిల్లా, కోడూరుపాడు గ్రామంలో ఈ చిత్రం ప్రారంభమైంది. పల్లెటూరు నేపథ్యంలో ఉన్న దృశ్యాలను ఇక్కడే చిత్రీకరించారు. మిగతా భాగాలు హైదరాబాదు, దాని పరిసర ప్రాంతాల్లో చిత్రీకరించారు. రవిబాబు ఈ చిత్రంతో ప్రతినాయకుడిగా పరిచయం అయ్యాడు.[3]
తారాగణం
మార్చు- శివయ్య గా రాజశేఖర్
- పోలీస్ ఆఫీసరు రోజా గా మోనికా బేడి
- శిరీష గా సంఘవి
- చలపతి రావు
- శ్రీహరి
- రవిబాబు
- గిరిబాబు
- అట్లూరి పుండరీకాక్షయ్య
- కోళ్ళ అశోక్ కుమార్
- కోట శంకరరావు
- నర్సింగ్ యాదవ్
- భాస్కర్ గా రాజా రవీంద్ర
- నరసింహ రాజు
- శివకృష్ణ
- కె.కె.శర్మ
- గణేశ్
- వేణుమాధవ్
- అతిథి పాత్రలో దగ్గుబాటి రామానాయుడు
- రమాప్రభ
ఫలితం
మార్చుఈ చిత్ర శతదినోత్సవం 1998 జులై 12న రామానాయుడు స్టూడియో లో జరిగింది.[3]
పాటలు
మార్చుఈ చిత్రంలోని పాటలకు ఎం. ఎం. శ్రీలేఖ ఈ చిత్రానికి స్వరరచన చేసింది. సి. నారాయణ రెడ్డి, జొన్నవిత్తుల, చంద్రబోస్ పాటలు రాశారు.
- మొదటిసారి ముద్దు పెడితే ఎలాగుంటది , గానం. ఎస్ పి బాలసుబ్రహ్మణ్యం, చిత్ర
- నడిచే దేవుడు, గానం. ఎస్ పి బాలసుబ్రహ్మణ్యం,చిత్ర
- ఓ రంగనాథా , గానం. ఎస్ పి బాలసుబ్రహ్మణ్యం,చిత్ర
- ప్రేమనగరు వాణిశ్రీలా ఉంటే , గానం. ఎం ఎం. శ్రీలేఖ
- ఎక్కడుందిరా ఆ చట్టం , గానం. ఎస్ పి బాలసుబ్రహ్మణ్యం, చిత్ర
మూలాలు
మార్చు- ↑ "శివయ్య సినిమా సమీక్ష". movies.fullhyderabad.com. Retrieved 15 November 2017.
- ↑ "శివయ్య పాటలు". naasongs.com. Archived from the original on 25 డిసెంబరు 2016. Retrieved 15 November 2017.
- ↑ 3.0 3.1 3.2 యు, వినాయక రావు (2014). మూవీ మొఘల్. హైదరాబాదు: జయా పబ్లికేషన్స్. p. 235.[permanent dead link]